රුධිරයේ කොලෙස්ටරෝල් මට්ටම අවම කරන තල

තල කිව්වාම අපට මතක් වෙන්නෙ තල ගුලි, තල කැරලි යන රස කැවිලියි. තේ වේලකට හෝ කෑමකින් පසුව නිවසේදී පමණක් නොව කාර්යාලයේදී ළග තබාගෙන පහසුවෙන් කෑමට ගන්න පුළුවන් බව අපගේ අත්දැකීම් සාක්ෂි දරනවා. මුං, කඩල, වී, අමු, මෙනේරි වගේම තල ද පෝෂණය සපිරි ඖෂධීය ගුණැති ධාන්‍ය වර්ගයකි. මේ බව අප පාරම්පරිකව එන සමාජීය දැනුමෙන් පවා වටහා ගෙන තිබෙනවා. එබැවින් තල පිළිබඳව තව දුරටත් සොයා බැලීම සුදුසු යැයි හැගුණ බැවින් මෙවර අපගේ අවධානය තල වෙත යොමු වුණා.

තල ආයුර්වේද ඇසින්

ආයුර්වේද මතයට අනුව කල ප‍්‍රභේද 3කි. 

1. කෘෂ්ණ (කළු) 2. ස්වේත (සුදු) 3. රක්ත (රතු) යනුවෙනි. මේ අතුරින් ඖෂධ හා ආහාර ලෙස කළු තල භාවිතා කරනු ලැබේ. තල පෝෂණය ගුණයෙන් පිරි ධාන්‍ය වර්ගයක් ද වන්නේය. 

පෝෂණීය ගුණ

• හිසකෙස් වර්ධනය කරන තල බොහෝ පෝෂණීය ගුණයෙන් හෙබි ධාන්‍ය වර්ගයකි. සම දිළිසෙන ස්වභාවයකට පත් කරන්නට තල සමත්ය. හිසකෙස් දීප්තිමත් කරයි. ශරීරයේ කොලෙස්ටරෝල් ප‍්‍රමාණය අඩු කරයි.
• ඇස් පෙනීම වර්ධනය කරයි. කිරිදෙන මව්වරුන්ගේ කිරි වඩවයි. ගර්භණීන්ගේ පෝෂණ ඌනතා දුරු කරලයි. අකලට මහළුවීම නැති කරන අතර තරුණ බව රැුකදෙයි. මළබද්ධය නැති කර දෙයි. අස්ථි වැඞීම ඇති කරයි. රුධිරයේ ඇති රතු සෛල මනාව වර්ධනය වීම සිදුවේ.
• ශරීරයේ එන්සයිමවල ක‍්‍රියාකාරීත්වය වැඩි කරයි. ශරීරයේ හෝමෝනවල ක‍්‍රියාකාරීත්වය වැඩි කරයි. හෘදයේ මාංශපේශීන් හොඳින් ක‍්‍රියාකාරී වේ. අනවශ්‍ය විෂ කොටස් ඉවත් කිරීමට උදව් වේ. කුඩා දරුවන්ගේ වැඞීමට අවශ්‍ය වන ප්‍රෝටීන් බහුලව තලවල ඇති නිසා ඔවුන්ට නිතර නිතර තල මිශ‍්‍රිත ආහාර දීම සුදුසුයි. පණු රෝගවලට සුදුසු වන තල මුත‍්‍රා ගල් සෑදීමේ ප‍්‍රවණතාව වළක්වන ගුණයක් ඇත. ස්ත‍්‍රීන්ගේ ඔසප් වේදනාවට ගුණදෙයි. ස්නායු ආබාධ දුරලයි.

වෙහෙස නිවීමට තල තෙල්

ආයුර්වේදයට අනුව ශරීර අභ්‍යංග යනු තෙල් හා සිරුර මසාජ් කිරීමයි. මෙහිදී මුලින්ම තලතෙල් හා හොඳින් මසාජ් කිරීමෙන් ලබන සුවය අති විශාලයි. ශරීරයේ තෙල් ගෑමේදී සිදුවන්නේ පවතින තද ගතිය ලිහිල් කර හැරීමයි. එවිට මුදු මොලොක් බවක් හා නම්‍යශීලී බවක් ඇති වේ. තල ඇටවලින් ලබා ගන්නා තල තෙල්වලින් මෙලෙස සිරුරට කරනු ලබන සත්කාරය හේතු කොටගෙන ලැබෙන සුවය තවදුරටත් සිරුර පුරා බෙදා හැරීමට සම්බාහනයක් කරන්නට වෙනවා. මසාජ් කිරීමට සිරුර ලිහිල් වීම අත්‍යවශ්‍යයි. මාංශ පේශීන්ගේ ක‍්‍රියාකාරීත්වය පහසු කිරීම මේ තුළින් ලැබෙනවා. එමගින් හිරිය, වේදනාව, අප‍්‍රාණික බව, වෙහෙස, තෙහෙට්ටුව දුරු කරයි. ප‍්‍රබෝධමත් ගතියක් ද ඇති කරයි.

• ශක්තිය 630 කිලෝ කැලරි
• කාබෝහයිඩ්‍රේට් 11.73
• සීනි වර්ග .48g
• තන්තුමය කොටස් 11.6g
• තෙල් හා මේදය 61.21g
• ප්‍රෝටීන් 20.45g
• ජලය 3.75g
• කැල්සියම් 975mlg
• යකඩ 14.5mlg 
• මැග්නීසියම් 345mlg
• පොස්පරස් 667mlg
• පොටෑසියම් 370mlg 
• සෝඩියම් 47mlg
• විටමින් A 91umt
• විටමින් E 0.25mlg

තල ඇට පැණිත් සමග

රෝමානු සොල්දාදුවන් ශරීර ශක්තිමත් භාවය රැුකගැනීමට හා බලය වැඩිකර ගැනීමට තල ඇට පැණිත් සමග ආහාරයට ගෙන ඇත. තල ඇට රූප ශෝභාව වැඩි කර ගැනීමට හා තරුණකම රැුක ගැනීමටත් පැණි සමග ආහාරයට ගෙන ඇත.

ඖෂධීය ගුණ

තල වලින් සාදාගන්නා ඖෂධීය තෙල් සිරුර පුරා ආලේප කර සම්භාහනයට ගනු ලැබේ. මෙමගින් අප‍්‍රාණික බව, විඩාව, තෙහෙට්ටුව, මහන්සිය දුරලයි. අනවශ්‍ය ලෙස සම තුළින් පිට කරන ජලය තෙල් ගෑමෙන් අනවශ්‍ය ලෙස පිට කිරීම වළක්වා ගත හැකියි. තල, ඖෂධ නිෂ්පාදනය සඳහා මෙන්ම දන්තාලේප සඳහා ද භාවිතා කරයි. තුවාලවල ආලේපය සඳහා සාදන ඖෂධවලට තල භාවිතා කරයි. තල ඇට භාවිතයේ ශරීරයෙන් අභ්‍යන්තර ඉන්ද‍්‍රියයන් සියල්ලම පෝෂණය කරනු ලබයි. විශේෂයෙන් ප්ලීහාව, ආමාශය, වකුගඩු හා අක්මාව ඒ අතර වේ. ධමනිගත රෝග නැති කරයි. සම රැළි වැටීම නවතාලයි. ලප කැළැල් දුරලයි. බොහෝවිට තල නිසා සමේ තුවාල ඇතිවීම නැති කරයි. එසේම සමේ රෝග නැති කරයි. හිසරදයට, කරකැවිල්ලට ගුණ දේ. දත්වල වේදනාව නැති කරයි. ස්නායු ආබාධවලට යෝග්‍යයි. රුධිර ගත කොලෙස්ටරෝල් මට්ටම අවම කරයි. පිළිකා නාශක ගුණයක්ද ඇත. විශාල වශයෙන් ප‍්‍රතිඔක්සිකාරක ගුණය ඇත. 

තල සුදුසු නොවේ

බොහෝවිට තලවල අගුණයක් නැති තරම්. බඩ රිදීම, හුස්ම ගැනීමේ ඇති අපහසුතාවය වකුගඩු රෝග උත්සන්නව ඇති අයට සහ වමනය ඇති අයටත් තල සුදුසු නැහැ.

විවිධ කෑම වර්ග

තල කැරලි, තල බෝල, තල අළුවා, තල ගුලි, අග්ගලා තලවලින් සාදන රස කැවිලි වේ. තල සෝදා වියළා බදින ලද තල ආහාර සෑදීමට ප‍්‍රයෝජනයට ගනී.

ස්වර්ණා ආරියවංශ

උපුටා ගැනීම දිනමිණ පුවත් පත