වැඩිහිටි වියේ පෝෂණය රකින ලෝකයේ හොදම ආහාර වේල
නිවැරදි පෝෂණය නිරෝගීභාවයේ පදනම වන අතර වැරදි පෝෂණය ලෙඩරෝගවල පදනමයි. ජීවිතයේ සියලුම අවධි සදහා මෙය සත්යඩයක්‌ වන අතර වැඩිහිටි අවධිය සදහා මෙය වඩාත්ම යෝග්‍ය වෙයි. එහෙත් වැඩිහිටියන්ගේ පෝෂණය පිළිබද බරපතළ නොසළකා හැරීමක්‌ වැඩිහිටියන් විසින්මද සමාජය විසින්ද සිදුකර තිබේ. එසේම වාණිජ සමාගම් වැඩිහිටියන් පෝෂණය සම්බන්ධයෙන් බරපතල ලෙස නොමග යවා ඇත. එම තත්ත්වයන්ගේ අනිවාර්ය ප්‍රතිඵලය වී තිබෙන්නේ වැඩිහිටියන් පෝෂණ ගැටලු රාශියකට මුහුණ දීමය. වැඩිහියන්ගේ දත් නොමැතිවීම නිසා ඇතිවන සැපීමේ දුර්වලතා ජීර්ණයේ සහ පෝෂ්‍ය පදාර්ථ අවශෝෂණයේ දුර්වලතා ආදියද එක්‌ වූ විට තත්ත්aවය වඩාත් කනගාටුදායක වේ. ඒ නිසා වැඩිහිටියන්ගේ සෞඛ්‍ය බරපතළ අනතුරුදායක තත්ත්වයකට ඇද වැටී ඇත. වැඩිහිටියන් අතර බහුල ලෙස දැක ගත හැකි පෝෂණය සහ ඒ සම්බන්ධ ගැටලු වන්නේ,
- විජලනය
- හාමතය සහ මන්දපෝෂණය
- රක්‌තහීනතාවය
- විටමින් ඌණතා
- මළබද්ධය, අර්ශස්‌ රෝගය සහ බඩවැල පාත්වීම
- ගැස්‌ට්යිටිස්‌
- ස්‌වභාවික ආහාර සදහා කෑම අරුචිය
- දියවැඩියාව, කොලෙස්‌ටරෝල් වැඩිවීම, අධිරුධිර පීඩනය හා තරබාරු බව
- අස්‌ථි පද්ධතිය දුර්වල වීම
- ආහාර අනුභවයේ සතුට නැතිවීම
විජලනය සහ ඒ නිසා ඇතිවන ක්‌ලාන්තය කැරකිල්ල ආදිය කිසිදු වියදමකින් තොරව මෙන්ම පහසුවෙන්ම මගහරවා ගත හැකිය. ඒ සදහා කළ යුත්තේ අවම වශයෙන් පිරිසිදු පානීය ජලය ලිටර් 2 ක්‌ වත් වැඩිහිටියන් විසින් පානය කිරීමය. අනෙකුත් පෝෂණ සහ ඒවා තුළින් පැනනගින සෞඛ්‍ය ගැටලු අවම කරගැනීම සදහා මෙන්ම විසදා ගැනීම සදහා වැඩිහිටියන් විශ්වාසය තැබිය යුත්තේ විවිධ කිරිපිටි වර්ග ඇතුළු ඊනියා පෝෂණ පැකට්‌, ටින්, හෝ බෝතල් කෙරෙහි නම් නොවේ. එසේම වෛද්‍යවරුන් වෙතින් නිර්දේශ කරවා ගන්නා විවිධ විටමින් වර්ග කෙරෙහිද නොවේ. අප සතු ලෝකයේ උසස්‌ම ආහාර වේල කෙරෙහිය.
ලෝකයේ උසස්‌ම ආහාර වේල
අපේ රටේ වසර දහස්‌ ගණනක්‌ තිස්‌සේ තහවුරු වූ බත් මූලික කොටගත් විශිෂ්ට ආහාර රටාවක්‌ තිබේ. අපේ වැඩිහිටියන් නිවැරදි පෝෂණය ලබාගැනීම සදහා විශ්වාසය තැබිය යුත්තේ එම බත් මූලික කොටගත් ආහාර රටාව අනුව යමින් සකසා ගන්නා අංග සම්පූර්ණ බත් වේල කෙරෙහිය. ඇත්ත වශයෙන්ම එය ලෝකයේ ඇති උසස්‌ම ආහාර වේලද වන්නේය. අංග සම්පූර්ණ බත් වේල සකසා ගැනීමේදී ඒ සදහා තෝරා ගන්නා සහල් වර්ගයද වැදගත්වේ. වැඩි පෝෂණයක්‌ද දියවැඩියාව වැනි රෝගවලින් වැඩි ආරක්‌ෂාවක්‌ද ලබාදෙමින් මළබද්ධය ආදී ගැටලුවලට හොඳ විසඳුමක්‌ද ලබාදෙන්නේ තම්බපු රතු හෙවත් රතු නාඩු සහල්ය. බත් පිස ගැනීමේදී වැඩිහිටියන්ගේ දිරණ පහසුව සදහා හොඳින් ඇට පුළුන් වන සේ පිස ගත යුතුය. අංග සම්පූර්ණ බත් වේලේ දෙවැනි ප්‍රභවය ලෙස තෝරා ගත යුත්තේ ඇට වර්ග පියලි වර්ග හෙවත් මාංශ බෝගයි. මුං ඇට, කඩල, කව්පි, පරිප්පු වර්ග, කොල්ලු, උඳු, මෑ සහ බෝංචි වර්ගවල මෝරපු ඇට, සෝයා ආදිය මෙම කාණ්‌ඩයට අයත් වේ. මෙම කාණ්‌ඩය නිවැරදි පෝෂණය තහවුරු කිරීම සම්බන්ධයෙන් බොහෝ දෙනා සිතනවාට වඩා සුවිසල් මෙහෙයක්‌ ඉටුකරයි. මේවායේ ඉතාම ඉහළ ප්‍රෝටීන් ප්‍රතිශතයක්‌ අඩංගුය. ජනප්‍රිය මතය වන්නේ ප්‍රෝටින් බහුලව ඇත්තේ මස්‌, මාළු කිරි, බිත්තර ආදී සත්ත්ව ආහාරවල කියාය. නමුත් සත්‍ය වන්නේ ඒ සියල්ලටම වඩා වැඩි ප්‍රෝටින් ප්‍රතිශතයක්‌ මෙම පියලි වර්ග වල තිබීමය. බත් සමග මෙම පියලි වර්ග එකට යහමින් ආහාරයට ගැනීමේදී සියලුම ඇමයිනෝ අම්ල වලින් අනූන ඉතාම උසස්‌ තත්ත්වයේ ප්‍රෝමෘටීන් ලැබීම තහවුරු වෙයි. ඊට අමතරව විශාල ශක්‌ති ප්‍රමාණයක්‌ද හිතකර මේද අම්ල විශාල ප්‍රමාණයක්‌ද විටමින් වර්ග රාශියක්‌ද කැල්සියම් යකඩ ආදී ඛනිජ රාශියක්‌ද තන්තු සහ ශාක රසායනික බහුලවද පියලි වර්ග වලින් ලබාදෙයි. අංග සම්පූර්ණ බත් වේලේ තුන්වැනි ප්රකභවය ලෙස තෝරාගත යුත්තේ පලා වර්ග හෙවත් කොළ එළවළු සහ අනෙකුත් එළවළු වර්ගයි. එළවළු තෝරාගැනීමේදී පලාවර්ග වලට සෑමවිටම මුල් තැන දිය යුතුය. එයින්ද කතුරුමුරුංගා, මුකුණුවැන්න, ගොටුකොල, කන්කුන්, නිවිති, සාරණ, තම්පලා ආදී වශයෙන් වූ අපේ රටේ සිය ගණනක්‌ තිබෙන තද කොළපාට පලාවලට මුල්තැන දීමෙන් වැඩි පෝෂණීය ගුණයක්‌ද වැඩි ඖෂධීය ගුණයක්‌ද ලබාගත හැකිය. සෑම වේලකටම අවම වශයෙන් එක්‌ පලාවර්ගයක්‌ වත් යහමින් එක්‌ කර ගැනීම වැඩිහිටියන්ගේ පෝෂණයේත් නිරෝගීභාවයේත් ආර්ථික සමෘද්ධියේත් විපල්වීය වෙනසකට මං පාදයි. අංග සම්පූර්ණ බත් වේලේ හතරවෙනි ප්රමභවය ලෙස තෝරාගත යුත්තේ කොස්‌, දෙල්, අල, බතල ආදියයි. ඒවායේ බත් වල මෙන්ම පිෂ්ඨ ධාතුව බහුලව පවතින නිසා බත් වලට ආදේශකයක්‌ ලෙසත් බත් වල අඩුව සැපරීමට ඌණපූරකයක්‌ ලෙසත් යොදා ගත හැකිය. කොස්‌, දෙල්, අල, බතල අපේ රටේ ඉතාම බහුලව පවතින අතර බොහෝවිට ඒවා ලබාගැනීමට කිසිම මුදලක්‌ වැය නොවන්නේ බොහෝ ගෙවතුවල මේවා යහමින් ඇති බැවිනි. මේවායේ කිසිම වස විසක්‌ අඩංගු වන්නේද නැත. එසේම නැවුම්ව ආහාරයට එකතු කර ගත හැකිය. සත්ව ආහාර අවශ්‍යම නැත
වැඩිහිටියන්ගේ කායික මානසික නිරෝගීභාවය වෙනුවෙන් ශාක ආහාරවලින් ආහාරවේලේ පදනම දමාගත් අපි ඊළගට සත්ත්ව ආහාර ගැන නිවැරදි අවබෝධයක්‌ ලබාගනිමු. සත්ව ආහාර අනිවාර්ය යෑයි මින් කිසිසේත්ම අදහස්‌ නොකරන අතර සියලුම ශාක ආහාර ඛාණ්‌ඩ බහුලව සම්මිශ්‍රණයක් සේ ගැනීමෙන් නිවැරදි පෝෂණ තහවුරු කර ගත හැකිය. මස්‌, මාළු, කිරි, බිත්තර ලෙස ප්‍රධාන සත්ත්ව ආහාර වර්ග හතරකි. මේවායින් මිනිසුන්ට නිරෝගිවන්නට උදව් කරන්නේ මාළු පමණි. එයිනුත් වඩා සුදුසු වන්නේ සාලයා, හුරුල්ලා, හාල්මැස්‌සා වැනි ගුණයත් වැඩි මිලෙනුත් අඩු කුඩා මාළුය. ඒවායින් වේලන ලද කරවලද ඉතාම ගුණදායක වන අතර ඒවා කටුවත් සමගම ආහාරයට ගැනීමෙන් වැඩිහිටි වියේදී තහවුරු විය යුතු කැල්සියම් අවශ්‍යතාවය පහසුවෙන් ලබාගත හැකිය. එවිට කැල්සියම් පතා කිරිපිටි පස්‌සේ යාමට අවශ්‍ය වන්නේද නැත. මස්‌, බිත්තර, සහ කිරි අධික වශයෙන් භාවිතය සෞඛ්‍යයට ඉතාම හානිකර බව වැඩිහිටියන් විසින්ද අවබෝධ කර ගත යුතුය. කිරිපිටි වැඩිහිටියන්ට කිසිසේත්ම අත්‍යාවශ්‍ය ආහාරයක්‌ නොවන බවත් සමාගම්වල නොමග යෑවීම්වලට වැඩිහිටියන් රැවටිය යුතු නැති බවත් මෙහිදී දැඩිව අවධාරණය කළ යුතුය. අංග සම්පූර්ණ බත් වේලේ ඊළග ප්‍රභවය ලෙස අප තෝරාගත යුත්තේ කුලුබඩුය. ආහාරයට රසය සහ සුවද ලබාදීමට වඩා වැඩි යමක්‌ කුලූබඩුවලින් සිදු නොකරන බව බොහෝ දෙනාගේ විශ්වාසය වුවත් කුළුබඩු නිවැරදි පෝෂණයට අතිශයින්ම වැදගත්ය. කුළුබඩු වලින් විශාල පෝෂණ සංඝටක ප්‍රමාණයක්‌ද අපේ ආහාරවේලට එක්‌කරන බව අප තේරුම්ගත යුතුය. විශේෂයෙන් කොත්තමල්ලි, දුරුවර්ග, උළුහාල්, අබ, කුරුඳුපොතු ආදී කුළුබඩු වර්ග යකඩ කැල්සියම් ආදී ඛනිsජ වලින්ද ප්‍රෝටීන්වලින්ද තන්තු සහ ශාක රසායනික වලින්ද පොහොසත්ය. නමුත් මිරිස්‌ සහ ගම්මිරිස් ආහාරයට එකතු කර ගත යුත්තේ තමාට දරාගත හැකි සීමාවට යටත්වය. ඇත්ත වශයෙන්ම ආහාර අරුචියට ප්‍රත්‍යක්ෂ ඖෂධයක්‌ වන තැම්බුම් හොද්ද අපේ කුළුබඩු වල නිර්මාණශීලී එකතුවකි. අංග සම්පූර්ණ බත්වේල සදහා අවසන් ප්‍රධාන ප්‍රභවය ලෙස තෝරාගත යුත්තේ පොල්ය. පොල් ගාන ලද පොල් ලෙස සම්බෝල මැල්ලූම් වලටත් ඝණකම් නොවන කිරි ලෙස ව්යං ජනවලටත් එකතු කර ගත හැකිය. සීමාසහිතව තෙම්පරාදු කිරීමේ සහ තෙලෙන් බැද කෑමේ වරදක්‌ නැත. උවමනාවට වඩා ඝණකමට මිටිකිරි භාවිතයත් සෑම වේලකටම සෑම දෙයක්‌ම තෙම්පරාදු කර කෑමත් සුදුසු නොවේ. අපේ පැරැන්නන් අපට කියාදී ඇති පරිදිම රාත්‍රියට තෙල් බැඳුම් වලින් වැළකී සිටීම ඉතාම යහපත්ය. මේ ආකාරයෙන් රසයෙන්, සුවඳෙන්, පෙනුමෙන්, විවිධත්වයෙන්, පෝෂණ සංඝඨක අනුපාතයෙන් සහ ප්‍රමාණයෙන්, මෙන්ම ඖෂධීය ගුණයෙන්ද අනූන ආහාර වේලක්‌ අපට බත් මූලික කොටගෙන සකසා ගත හැකිය. එය ඉතා පැහැදිලි ලෙසම ලෝකයේම ඇති උසස්‌ම ආහාර වේලද වෙයි. බත් තුන් වේලටම ආහාරයට ගැනීමෙන් අපේ වැඩිහිටියන්ට කායික මානසික සුවතාවය නංවාගෙන ඇතිවිය හැකි පෝෂණ සහ සෞඛ්‍ය ගැටලු වලින් පහසුවෙන්ම මිදිය හැකිය. ප්‍රධාන කෑම වේලට පසු අතුරුපස ලෙසත් ප්‍රධාන කෑම් වේල් අතරටත් සෑම විටම කෙසෙල්, පැපොල්, අඹ, අන්නාසි ආදී සිය ගණනක්‌ වන දේශීය පලතුරු වර්ග හැකි තරම් එකතු කර ගත යුතුය. මෙහිදී බොහෝ දෙනා හොදම පලතුරු සේ විදේශීය මිදි, ඇපල් කෙරෙහි විස්‌වාසය තැබුවත් විදේශීය මිදි, ඇපල් යනු පලතුරු නොව වස විස ගැල්වූ රොඩු බව අවධාරණය කළ යුතුය. ප්‍රධාන ආහාර වේල් අතරට කෙටි කෑම වේල් 2 ක්‌ එකතු කර ගත හැකිය. ඒ සදහා ඉහතින්ද පෙන්වා දී ඇති පලතුරක්‌ භාවිතා කළ හැකිය. හාල් පිටි සහ පියලි වර්ගවල පිටි සම සමව ගෙන අග්ගලා සකසා ගැනීමෙන් සමතුලිත වැඩි පෝෂණ ගුණයක්‌ ලබාගත හැකිය. කුරහන් හැලපයක්‌ හාල්පිටි වලින් සැකසූ ආප්පයක්‌ වැනි දෙයක්‌ද ආහාර වේල් අතරට සුදුසු කෙටි කෑම වේ. බොහෝදෙනා පොඩි බඩගින්නට යෑයි කියා ක්‍රීම් ක්රැ‌කර් විස්‌කෝත්තු අධික වශයෙන් භාවිතයට පෙළඹී තිබුණත් එයින් අවැඩක්‌ මිස වැඩක්‌ නම් වන්නේ නැත. උදේට සහ රාත්‍රියට වෙනත් දේශීය විකල්ප ආහාර ගැනීමට අවශ්‍ය අයට ඒ සදහාද බාධාවක්‌ නැති අතර සතියකට කිහිප වරක්‌ එසේ කිරිමෙන් ආහාර වේල්වල විවිධත්වයද තවදුරටත් ඔප් නංවා ගත හැකිය. පිටි සහිත ආහාර සදහා හාල්පිටි, කුරක්‌කන් පිටි, උළුඳු පිටි, හල් පිටි, මුං පිටි ආදී දේශීය පිටි ප්‍රභවයන් යොදා ගත යුතුය. මේ ආහාර පාන් පිටි වලින් තොර වීම සෑම අතින්ම යහපත්ය. ලබා ගත යුතු ආහාර ප්‍රමාණ තීරණය කිරීමට ඇති හොදම ක්‍රමය වන්නේ තමාගේ ශරීරයේ උසට සරිලන බර පවත්වා ගන්නා ප්‍රමාණයට ආහාර ගැනීමය. සෑම දෙනාම ආහාර වේලේ විවිධ උපරිමයෙන් වැඩිවන පරිදි සහ ආරක්‌ෂාවන පරිදි ආහාර වේල සැලසුම් කර ගත යුතුය. එවිට සියලුම පෝෂ්‍ය පදාර්ථ නොඅඩුව ලැබෙන අතර සෞඛයාරක්ෂාව උපරිමයෙන් තහවුරු වෙයි. වෛද්‍ය පාලිත සමන් ජයකොඩි
