කන්න හොඳ තෙල් වර්ග නිවැ­රැ­දිව දැන­ගන්න

තෙලෙන් සාදන ආහාර සඳහා ඔලිව් තෙල් භාවිත කළ හැකි නම් එය වඩාත් සුදු­සුය. ගැඹුරු තෙලේ බැඳ සකසා ගන්නා ආහාර සඳහා වඩාත් සුදුසු වන්නේ පොල් තෙල් ය.

වර්ත­මා­න­යේදී ලොව පුරා කොලො­ස්ට්‍රෝල් නැත්නම් රුධි­රයේ තිබෙන අධික මේදය ඉතාම බර­ප­තළ ගැට­ලු­වක්ව තිබෙ­නවා. මේ නිසාම බෝ නොවන රෝග ගණ­යට අයත් පිළිකා, හෘද­යා­බාධ, අංශ භාග තත්ත්ව මෙන්ම අධික රුධිර පීඩන තත්ත්ව ද ඉතාම ඉහළ අග­යක් ගන්නවා. තෙල් සහිත ආහාර ගැන ඔබ හොඳ අව­බෝ­ධ­ය­කින් කට­යුතු නොක­ළොත් තාව­කා­ලි­කව දිවට දැනෙන රස වෙනු­වට දිගු­කා­ලි­නව හිතට දැනෙන දුක වැඩි වෙන්නත් පුළු­වන්. නමුත් තෙල් කෑම අඩු කරන්න කීවට කන්න‍ ­හො­ඳයි කියපු තෙල් වර්ග­යක් ගැන නිවැ­රැදි අව­බෝ­ධ­යක් නොමැති නිසා මේ දැනු­ම්වත් කිරීම ඒ පිළි­බ­ඳයි.  

අතී­තයේ සිට අපේ පැරැ­න්නන් ආහා­ර­යට යොදා ගනු ලැබුවේ ගෙදර හිඳ ගත් තෙල් වර්ගයි. විශේ­ෂ­යෙන් පොල් තෙල්. කොත­රම් තෙල් ආහා­ර­යට එක් කර ගත්තද ඔවුන්ගේ කාර්ය­ශීලී බව සමඟ ශරී­රයේ තැන්පත් වන මේදය බොහො­ම­යක් දහ­නය වුණා. නමුත් වර්ත­මා­න­යේදී ශරී­රයේ තැන්ප­ත්වන මේදය එලෙස දහ­නය නොවෙන්නෙ වත්මන් පර­පුර කාර්ය­ශීලී බවින් අඩු­වන නිසයි.  

කොහොම නමුත් කාල­යත් සමඟ පොල් තෙල් ආහා­ර­යට නුසු­දුසු බවත් වඩා හොඳ එළ­වළු තෙල්, සෝයා තෙල්, කෝන් තෙල් සහ සූරි­ය­කාන්ත වැනි තෙල් වර්ග බවත් ලොව නන් දෙසින් අහන්න ලැබුණා. ඒ නිසාම මිනි­සුන් පොල් තෙල් භාවි­තය ක්‍රම­යෙන් අඩු කොට ඒ වෙනු­වට පෙර කි තෙල් වර්ග භාවි­තට හුරු වුණා. නමුත් වර්ත­මා­න­යේදී සිදු­ක­රනු ලබන සාය­නික පරී­ක්ෂ­ණ­ව­ලට අනුව ආහා­ර­යට වඩාත් සුදුසු පොල් තෙල් බව­ටත් එළ­වළු තෙල් කිසි­සේ­තම් සුදුසු නොවන බව­ටත් නැවත තහ­වු­රුව තිබෙ­නවා. මේ කාර­ණ­යෙන් එතෙක් නොදැක නොදැන සිටි සුදු පොල් තෙල් (Virgin Coconut Oil),සුපි­රි­සිදු පොල් තෙල් වැනි විවිධ නම්, ලේබල් යටතේ සුපු­රුදු පොල් තෙල් සාප්පු වලට එන්න පටන් ගන්නවා. කෙසේ නමුත් මේ කියන තෙල් වර්ග වුණත් ඉවක් බවක් නැතිව ආහා­ර­යට යොදා ගැනී­මෙන් සිදු­වන්නේ වයස 35 – 40 වන­විට අධි රුධිර පීඩ­නය, හෘද රෝග ආදි­යට ගොදුරු වීමයි.  

ලොව බොහෝ රට­වල සිදු­ක­රනු ලබන සාය­නික පරී­ක්ෂණ ආදි­යෙන් මිනිසා පරි­භෝ­ජ­නය කරන ආහාර පිළි­බඳ තොර­තුරු, ගුණ අගුණ කලින් කලට වෙනස් වෙනවා. එය හඳු­න්වන්නේ Evidence Base Medicareලෙසයි. එම තොර­තුරු සහ විවිධ පර්යේ­ෂ­ණ­වල ප්‍රති­ඵල එක­තු­වෙන් සාදනු ලබන විශ්ලේ­ෂණ හී (Meta analysis)පොදු ප්‍රති­ඵල ඔස්සේ මුල් කාලී­නව එළ­වළු තෙල් ශරී­ර­යට හිත­කර යැයි කීවත් පසු කාලී­නව එළ­වළු තෙල් භාවි­තය සහ එහි අව­සන් ප්‍රති­ඵල අධ්‍ය­ය­න­යෙන් පොල් තෙල් වඩාත් සුදුසු බව සොයා ගැණුනා. නමුත් මේ සිය­ලුම තෙල් වර්ග අධ්‍ය­ය­නයේ දී හමු­වන හිත­ක­රම තෙල් වර්ගය ලෙස පිළි­ගැ­නෙන්නේ ඔලිව් තෙල් ය.  

පරි­භෝ­ජ­න­යට සුදුසු තෙල් වර්ගය තෝරා ගත යුත්තේ තෙල් වර්ග­වල පවත්නා සංඝ­ටක සංයු­ති­යන් හා එහි පවත්නා සංතෘප්ත, අසං­තෘප්ත මේද වර්ග­වල ප්‍රමාණ සලකා බැලී­මෙනි. උදා­හ­ර­ණ­යක් ලෙස Extra Virgin තෙල් වල අසං­තෘප්ත මේද පව­තින අතර Organic Virgin Coconut තෙල්වල බහු­ල­වම අඩංගු වන්නේ සංතෘප්ත මේද­යයි. Pure Vegetable oil වල අධික ලෙස පව­තින්නේ බහු අසං­තෘප්ත මේද­යයි.  

එළ­වළු තෙල් සාදන්නේ බොහෝ විට කැනෝලා (Canola), ඉරිඟු (Corn), සෝයා ඇට (Soya bean), සුරි­ය­කාන්ත (Sun flower) සහ පාම් තෙල් (Plam Oil) යන තෙල් වර්ග කිහි­ප­යක එක­තු­ව­කිනි. එම තෙල්වල ඇති බහු අසං­තෘප්ත මේදය තාපය හමුවේ දුර්වල නිසා කිසි­වි­ට­කත් රත්කර සාදන කෑම­ව­ලට යොදා ගැනීම සුදුසු නොවේ.  

තෙලෙන් සාදන ආහාර සඳහා මේ අනුව ඔලිව් තෙල් භාවිත කළ හැකි නම් එය වඩාත් සුදුසු අත­රම සලා­ද­ව­ලට වැනි දෑට එක්කර ගැනී­මෙන් එහි පව­තින ප්‍රති­ඔ­ක්සි­කා­රක ගුණය හොඳින් පවත්වා ගත හැකිය. ඔලිව් තෙල් ‍රත් කිරී­මේදී සෑදෙන Freeradical එහි තිබෙන ප්‍රති­ඔ­ක්සි­කා­රක ගුණය මගින් විනාශ කරන නිසා ශරී­ර­යට හානි දායක වන්නේ ද නැත.  

ගැඹුරු තෙලේ බැඳ සකසා ගන්නා ආහාර සඳහා වඩාත් සුදුසු වන්නේ පොල් තෙල් ය. ඒ, එහි අධික සංතෘප්ත මේදය නිසාය. නමුත් වරක් පාවිච්චි කළ තෙල් නැවත නැවත බැඳී­මට ගැනීම සුදුසු නැත. ඒ, රත් කළ තෙල් සිසිල්වූ පසු නැවත රත් කිරී­මෙන් එහි ශරී­ර­යට අහි­ත­කර මුක්ත ඛණ්ඩ සෑදෙන බැවිනි. ලොව බහු­ල­වම භාවිත වන්නේ ඔලිව් තෙල් වන අතර ලංකාවේ දී නම් එය තර­මක් මිල අධික බැවින් බැඳුම් සඳහා ඔලිව් තෙල් ද ගැඹුරු තෙලේ බැඳි­මට පොල් තෙල් ද භාවිත කළ හැක.

මෙතෙක් නිසි අව­බෝ­ධ­ය­කින් තොරව භාවිත කළ තෙල් වර්ග­ව­ලට යන විය­ද­මට වඩා තෙල් නිසා සෑදෙන රෝග­ව­ලට යන විය­දම වැඩි බැවින් දෙව­රක් නොසිතා සුදු­සුම තෙල් වර්ගය පම­ණක් එදි­නෙදා ආහාර වේලට එක්කර ගන්න. හැබැයි ගුණ­දායි යැයි පව­සන තෙල් වර්ග වුණත් පම­ණට වඩා ගැනීම පෙර කී රෝග­ව­ලට අත­වැ­නී­මක් බව සිහි තබා ගන්න.

වෛද්‍ය කේ. කේ. ජී. ලහිරු ප්‍රබෝධ දිස්ත්‍රික් මූලික රෝහල - දික්ඔයසිළුමිණ