හෘද රෝගීන්ට පේර ගුණයි - කුඩා දරුවන්ට පේර අගුණද?

පේර යන නම ඇසූ පමණින්ම අපේ වැඩිහිටියන්ගේ සිත තුළ ඇතිවන්නේ ඉමහත් බියකි. හේතුව මෙම පලතුර කුඩා දරුවන්ට ඉතා අගුණ බවට විශ්වාස කරන නිසාවෙනි. අපේ වැඩිහිටියෝ පේරවල තිබෙන ගුණය නොදන්නා නිසා විය යූතුයි, එය ආහාරයට ගන්නට අකමැති. ඒ නිසා මේ ලිපිය සටහන් කරන්නේ ඔබ නොදන්නා පේරවල ගුණය පිළිබඳව දැනූවත් කිරීමටයි. මෙය ශ්‍රී ලංකාවේ ඕනෑම ප්‍රදේශයක ඕනෑම නිවසක දැකිය හැකි ශාකයකි. ව්‍යවහාරයේ සහ පත පොතේ සඳහන් වන්නේ ඉන්දියාව නිජ බිම ලෙසයි. මෙම පලතුරු මාංශල බවින් යූතු මෙන්ම එහි ඇති විශේෂත්වය නම් මාංශල කොටසේ කුඩා බීජ තැන්පත්වී තිබීමයි. එමෙන්ම තරමක් ඝන පලතුරක් හැටියටත් හඳුන්වන්නට පූළුවන. පේර ප්‍රභේද හතරකින් යූතුවේ. සාමාන්‍යයෙන් අපේ රටෙි දැකිය හැකි වන්නේ ලා රෝස සහ සූදු පැහැයෙන්, ඇඹූල් පේර, සාමාන්‍ය වර්ගයේ පේර හා රෝපණය කරන ලද විශාල පේරයි. මෙහි මේද පදාර්ථ අන්තර්ගත වන අතර විටමින් සී පදාර්ථයෙන් ද පොහොසත් බර පලතුරක් විදියට හඳුන්වන්නට හැකිය.

• මධූර හා කහට රසින් යූතු සීත පලතුරකි. පේර ආහාරයට ගැනීමෙන් ශරීරයේ වාතය, පිත, සෙම නසයි.
• අපගේ කුසගින්න වඩවන ආහාර රුචිය ඇති කරවන පලතුරකි. එමෙන්ම පේර ආහාරයට ගැනීමෙන් ශරීර ශක්තිය ඇති කරවන හා ශරීරය පෘෂ්ටිමත් කරවන ගුණය හිමිය.
• පේරවල සූවිශේෂී ගුණයක් තිබේ. එනම් පේර ආහාරයට ගැනීමෙන් හෘදයාබාධ ඇති වන්නට ඇති ඉඩ ප්‍රස්ථාව අඩූය. හෘදයාබාධ ඇති රෝගීන්ට ඉතාමත් සූදුසූ පලතුරකි.
• පේරවලින් බඩ පිපූම හා මලබද්ධය ඇතිවේ. එසේ සිදුවන්නේ එහි තිබෙන බීජ ජීර්ණයට අපහසූ නිසාවෙනි. ඒනිසා කුඩා දරුවන්ට එය ප්‍රමාණයක් ඇතිව ලබාදිය යූතුය.
• සමේ ලප කැළැල් විශේෂයෙන් අළුහම්, දද ඇතිවීමෙන් සම අවපැහැ ගැන්වෙන බව අපි දනිමූ. එවැනි අවස්ථා සඳහා ආයූර්වේදයේ පේර කොළ සමට හොඳ ඖෂධයක් බව පෙන්වා දී තිබේ. පේර කොළ ඇල්දියෙන් අඹරා ගෑමෙන් ඉහත සඳහන් රෝගවලට ගුණ වේ.