සුදුලූනු
මේද දහනය කිරීමේ විශේෂ හැකියාව
සුදුලූනු ලෝකයේ මෙතෙක් පහළ වූ බොහෝ දෑ අතුරින් ආහාරය පිණිස ඇති වටිනාම ද්‍රව්‍යයක් ලෙස හැඳින්විය හැකියි. සුදුලූනු, බී ලූනු, ලීක්ස් ආදී ශාක අයත් වන කුලයට සුදුලූනු අයත් වෙනවා. අද වන විට සුදුලූනු යනු නිකන්ම ආහාර රසකාරයක් නොවේ. සෞඛ්‍ය සම්පන්න ජීවිතයක් සඳහා අත්‍යවශ්‍යම වන ආහාර අතිරේකයක් ලෙස සුදුලූනු වැඩි වැදගත්කමක් උසුලනවා. ප්‍රතිශක්තිකරණ පද්ධතිය ශක්තිමත් කරමින් මිනිස් සිරුර විසබීජවලින් ආරක්‍ෂා කිරීම, ඇන්ටි ඔක්සයිඩ වර්ධනය, සෞඛ්‍යමත් රුධිර වහනයක් ඇති කිරීම, සුදුලූනුවල ප්‍රධාන කාර්යයි. සුදුලූනුවල සල්ෆර් අඩංගු වනවා. එය සිරුර ක්‍රියාශීලීවීමට හේතු වෙනවා. සුදුලූනු තැළීමෙන්, කැපීමෙන් හෝ කොටස් වශයෙන් ආහාරයට එකතු කර සිරුරට අවශ්‍ය සල්ෆර් ප්‍රමාණය ලබා ගැනීමට පුළුවන්. එමඟින් සිරුරට අවශ්‍ය ප්‍රතිදේහ සිරුර තුළම නිර්මාණය වනවා.සමෙහි ඇතිවන දද, කුෂ්ඨ සුව කිරීමේ ගුණය මෙහි අඩංගු වන අතර සෙම් රෝගය සඳහා ප්‍රතිකාරයක්ද සුදුලූනුවල අඩංගු වනවා. එය පෙනිසිලීන්වල අඩංගු ඔෟෂධීය ගුණයට සමානයි. අධ්‍යනයකට අනුව හෙළිවී තිබුණේ සුදුලූනුවලට රුධිරයේ අධික මේදය ද දහනය කළ හැකි බවයි. ඉන් කොලෙස්ටරෝල් හා රුධිර පීඩන අවදානම පහවන අතර අධික ස්ථුලතාවටත් එය පිළියමක්. නිතර කනවා නම් පිළිකා හැදෙන්නෙ නැහැ
- සුදුලූනුවල පිළිකා නාශක ගුණය බහුලයි. නිතර සුදුලූනු ආහාරයට ගන්නා පුද්ගලයන්ගේ සිරුරේ පිළිකා සෛල වර්ධනය වන්නේ නැහැ.
- ප්‍රතිශක්තිකරණ පද්ධතිය ශක්තිමත් කරවන අතර සිරුරට හිතකර ප්‍රතිජීවකයක් ලෙස ක්‍රියාකරයි.
- අධික රුධිර පීඩනය සමනය කරන අතර අවරුධිර පීඩනය ඇති අයගේ රුධිර පීඩනය සාමාන්‍ය කරයි.
- රුධිරයේ සීනි මට්ටම පාලනය කරයි.
- විටමින් ඒ, ඕ, ඕ2 ප්‍රෝටීන්, පොටෑසියම්, විටමින් ඛ්, කැල්සියම්, සින්ක් සහ තවත් පෝෂක බොහෝ ප්‍රමාණයක් අඩංගුයි.
- ආසාත්මිකතා ඇතිවීම පාලනය කරයි.
- අධික ස්ථුලතාව පාලනය කරමින් මේදය දහනය කරයි.
- නිතර සුදුලූනු ආහාරයට ගන්නේ නම් බෙහෙත් පෙති ගිලීම පාලනය කරගත හැකියි.
- උණට සහ කැස්සට සුදුලූනු හොඳ ඔසුවක්.
- අක්මාව සුවපත් කරවයි.
- රුධිර පට්ටිකා ප්‍රමාණය වැඩි කරයි.
- හෘදයාබාධ සහ හෘදයේ රුධිරය කැටිගැසීම පාලනය කරයි.
බර වැඩ කරන අයට ශක්තිය
ඊජිප්තුව පෙර දවස සිටම සුදුලූනු භාවිත කළ බවට සොයාගෙන තිබෙනවා. වරක් ඊජිප්තුවේ සංචාරයක යෙදුණු පිරිසක් 1548දී පමණ සුදුලූනු ගෙනවිත් එංගලන්තයේ රෝපණය කළා. එයින් පසුව සුදුලූනු එංගලන්තය පුරාම ව්‍යාප්ත වුණා. පීරමීඩ නිර්මාණය කළ පුද්ගලයන් දිනපතාම සුදුලූනු පුලුස්සා ආහාරයට ගත් බව පසුව කළ සොයා ගැනීමකින් හෙළි වුණා. එයින් ඔවුන් බලාපොරොත්තු වුණේ බර වැඩ කිරීමට අවශ්‍ය ශක්තිය ලබා ගැනීමයි. රෝමයේදී සුදුලූනු විස වර්ග සකස් කර ගැනීමටත් භාවිත කළා. ස්පාඤ්ඤයේදී, බැක්ටීරියා ආසාදන ඇතිවීම වැළැක්වීමට සහ ආසාදන ඇතිවූ අයට ප්‍රතිකාර කිරීම සඳහා සුදුලූනු ඖෂධ ලෙස යොදාගෙන තිබෙනවා. යුරෝපයේ තවමත් පවතින විශ්වාසයකට අනුව වැම්පයර් අවතාරවලින් බේරීමට සුදුලූනු භාවිත කරනවා. වැම්පයර්වරු සුදුලූනු ගන්ධයට බියවීම එයට හේතුවයි. එසේම ආහාර රුචිය වැඩිකිරීමට, බඩගින්න ඇති කිරීමට, ඔවුන් තවමත් සුදුලූනු ආහාරයට එක්කර ගන්නවා.
හිස්බඩම සුදුලූනු කන්න
උදේ ආහාරයට පෙර සුදුලූනු කැබැල්ලක් හිස් බඩම කන්න පුළුවන් නම් උදරාබාධ ඇතුළු රෝග රැසකට ප්‍රතිකාර සොයාගන්න පුළුවන් වෙනවා. හිස්බඩ පුංචි සුදුලූනු කැබැල්ලක් ආහාරයට ගත් විටම උදරයේ තිබෙන බැක්ටීරියා විස වර්ග ඉවත් වීමට ඉතාම සුදුසුයි. මීට අමතරව
- සුදුලූනු මඟින් ආතතිය වළක්වනවා. එයින් හදවත් රෝගද වළක්වාගත හැකියි.
- සුදුලූනු ආහාරයට ගැනීමෙන් ස්නායු සහනයට පත්වෙනවා.
- අහිතකර විස බීජ ඉවත් කරයි.
- අව රුධිර පීඩනය වළක්වා අහිතකර මේදය ඉවත් කරයි.
- අක්මාව සහ මුත්‍රාශ බිත්ති ශක්තිමත් කරයි.
- මේ ආකාරයට ශරීරයට අත්‍යවශ්‍ය ආහාරයක් ලෙස සුදුලූනු හැඳින්විය හැකියි.
දරුවන් ප්‍රසූත කළ මවුවරුන්ට
ගෙවතු වගාවක් ලෙසද සුදුලූනු වගාවෙන් සාර්ථක ප්‍රතිඵල ලබාගත හැකියි. සුදුලූනු වගා කිරීමට අවශ්‍ය වන්නේ සාමාන්‍ය කාලගුණයකි. සති 6ක කාලයකින් නිසි ප්‍රතිඵල ලබාගත හැකිය. සාමාන්‍ය හෝ කුඩා ප්‍රමාණයේ භාජනයක් සුදුලූනු පැළ සිටුවීම සඳහා සුදුසු වනවා. අලය සුදු පැහැ වන අතර පොළවෙන් ඉහළට මතුවන පැළය දුඹුරු පැහැයෙන් දකින්න පුළුවන්. ඉක්මනින් පැළ ගලවා පල ලබාගත හොත් ලැබෙන පල ප්‍රමාණයෙන් කුඩා වනවා. නමුත් තරමක් කල් යවා පල ලබාගන්නා විට විශාල ප්‍රමාණයෙන් සුදුලූනු ලබාගත හැකියි.
දිනකට සුදුලූනු ග්‍රෑම් 2ක් හෝ 4ක් ආහාරයට ගැනීමෙන් රෝග රැසකින් වැළකෙන්නට පුළුවන්. විශේෂයෙන් හෘදය වස්තුවේ ක්‍රියාකාරිත්වය නිසි පරිද්දෙන් සිදුවීම, උදරාබාධ සුව වීම සහ ආසාත්මිකතා සුවකර ගැනීමට ඉන් හැකි වනවා. රුධිර ගමනය හොඳින් සිදුවීමට සුදුලූනු ආහාරයට ගැනීම ඉතාම වැදගත්. ඉන් සම නිරෝගිමත් වනවා. එසේම අලුත් දරු උපතක් සිදු කළ මවකට සුදුලූනු ගම්මිරිස් මිශ්‍ර හොද්දක් පානයට ලබාදීම දේශීය වෙදකමේ ඇති සාර්ථක ප්‍රතිඵල පෙන්වූ ප්‍රතිකාර ක්‍රමයක්. නමුත් අධිකව සුදුලූනු ආහාරයට ගැනීම එතරම් සුදුසු නැහැ. නිතර සුදුලූනු ආහාරයට ගැනීම නිසා, අධික හිසරදය, තෙහෙට්ටුව, ආහාර රුචිය අඩුවීම, මස්පිඩු හැකිළීම ආදී අහිතකර ප්‍රතිඵල ඇති වෙනවා.
මව්බිම
