දිනක්‌ දෙකක්‌ තැබූ අලුත් මාළු අධිශීත කර ආහාරයට ගත හැකිද?
එපා...
එක්‌සත් රාජධානියේ ආහාර ප්‍රමිති නියෝජිතාංශය (FSA) පවසයි. අලුත් මාළු නරක්‌ වීම ආරම්භ වූ විගසම ඒවා අධිශීත කිරීම නුසුදුසුය. ඒවායේ ප්‍රමිතිය සැලකූ විට FSA ට අනුව ඇස්‌ දීප්තිමත් හා පැහැදිලි ගතියක්‌ ඇත. සම සිනිඳු හා දිලිසෙන සුළුය. පිරිසිදු, නැවුම්, සුවඳක්‌ හමයි. ස්‌පර්ශ කරන විට මෘදු හා ඉපිලෙන (bouncy) ගතියක්‌ දක්‌වයි. තවද අලුත් මාළු ඕනෑවට වඩා අධි ශීතකිරීම නිසා ඒවා දැඩි බවට පත්වන බව ප්‍රමිති ආයතනය වැඩිදුරටත් පවසයි. එසේම අධිශීත කළ දිනය ද ලේබල් කර තිබිය යුතුය. යහපත් ප්‍රමිති තත්ත්ව යටතේ මාස 3 ක්‌ දක්‌වා අලුත් මාළු තබා ගත හැකි අතර ප්‍රමිතිය අඩු වනවිට මාස 6 ක්‌ තුළ ප්‍රයෝජනයට ගත යුතුය. කවච සහිත මාළු (shellfish) අධිශීත කිරීමට පුළුවන. බෙල්ලා, කාවාටියා, මට්‌ටියා වැනි මොලුස්‌කාවන් පණ පිටින් සිටියදීම අධිශීත කළ යුතු වන්නේ ඔවුන් මිය ගිය වහාම කුණුවීම ආරම්භ වන බැවිනි. අවශ්‍ය විටදී ශීතකරණය තුළ මාළුවල අයිස්‌ ගතිය සම්පූර්ණයෙන් දිය වීමට ඉඩ හරින්න. ඒ නරක්‌වීමේ අවදානම අඩු තත්ත්වයක්‌ යටතේ.
උපුටා ගැනීම දිවයින
