තරබාරුව මට්ටු කරන දොඩම්

බෙහෙතකට හේතකට ගන්න දොඩම් ගහක් අනිවාර්යයෙන්ම වවා තිබීම එදා ගැමි ගෙදරක තිබුණ අපූරු ලක්ෂණයක්. පැණි දොඩම්, ඇඹුල් දොඩම් වශයෙන් අපට ආවේණික දොඩම් වර්ග බොහෝ ඇත. වෙළෙඳපොලේ ඇති දොඩම් විශේෂ, තවත් වර්ග ඇති බව මතක් කර දෙන්නේ පොකුරු පොකුරු වශයෙන් වෙළඳපොලේ දැකීමට ඇති විටය. ආයුර්වේදයට ඉතාම සමීප හිතවතෙකු වන දොඩම්වල යුෂින් ගුලි වර්ග, කසාය වර්ග බොන්නට දෙනු ලබන්නේ අනුපාන වශයෙනි. මේ දොඩම් ගැන අපට හෙළිදරව් කළ තොරතුරු ගැන විමසා බලමු.

දොඩම් ඖෂධයක් ලෙස

පිළිකා සෑදීම වළකයි. දොඩම්වල පවතින Pectin නැමැති රසායන ද්‍රව්‍යය නිසා බඩවැල්වල තියෙන විෂ ඉවත්කර පිළිකා සෑදීම වළක්වයි. පීනසට ගුණදායක වේ. මළ බද්ධයට හිතකර වේ. තුවාල සුව වීමට ඉවහල් වේ. කුරුලෑවලට අපූරු ගුණයක් ලබාදෙයි. ප්‍රදාහ නාශක ගුණය ඇත. විෂබීජ නාශක ගුණය පවතී. ගර්භාෂගත රෝගවලට වඩාත් හිතකර වෙයි. විදුරුමස්වලින් රුධිරය ගැලීම නතර කරයි. ලේ හිඟතාවයෙන් පෙළෙනන්ගේ ලේ වඩයි.

දොඩම්වල හිතකර ගුණ

වමනය එනවිට දොඩම් යුෂ පානයට දීමෙන් එය වළකාගත හැකියි. හිසරදයට දොඩම් යුෂ හොඳ ඖෂධයක් වේ. දොඩම් යුෂ පානය කිරීම තුළින් හිසරදයෙන් පීඩා විඳීම අඩුකර ගත හැකියි. ආහාර ජීර්ණ ක්‍රියාවලිය පහසු කරයි.
සම හිරුට නිරාවරණය වීම නිසා ඇතිවන පිළිස්සීම්වලින් සම ආරක්ෂා කරයි. රුධිරයේ ඇතිවන අපහසුතා මඟහරවාලයි. ශරීරයේ කොලෙස්ටරෝල් ප්‍රමාණය අඩු කරනු ලබයි. ප්‍රතිශක්තිකරණය ඇති කරයි. සන්ධි රෝග වළකාලයි.
රුධිර පීඩනය පාලනය කරයි. පෙනහලු හා මුඛ පිළිකා සෑදීම අවම කරයි. හෘද ස්පන්දන වේගය පාලනය කරන දොඩම් සමෙහි පැහැපත් බව රඳා පවත්වා ගැනීමට උදව් වෙයි. ඇස් පෙනීම දියුණු කරයි. සමේ සංවේදනය දියුණු කරයි. තෘප්තිමත් පානයක් වේ.
ආහාර රුචිය වැඩි කරයි. තරබාරුව නැති කරයි.
තරබාරුව මට්ටු කරන්නට දොඩම්වලට ඇත්තේ අපූරු බලයකි. හොඳින් ආහාර දිරවා බැහැර කිරීමට උදව් වන බැවින් අන්ත්‍රවල ඇතිවන අපහසුතා මඟහරවයි. එවිට මළ හොඳින් පිටවීම නිසා ශරීරයේ අපද්‍රව්‍ය බැහැර වීම ද හොඳින් සිදු වේ. එවිට ලෙඩ රෝග වර්ධනය වීම අඩුවන බැවින් සිරුර අවශ්‍ය පරිදි හැඩකර ගැනීමට ද පුළුවන. සිහින් සිරුරක රහසට මේ දොඩම් යුෂ හොඳ ඖෂධයක් ද වන්නේය.

දොඩම්, කෝඩියල්, ජෑම්, කේක් වැනි ආහාර වර්ග සාදයි. කහපාට දොඩම්වලට වඩා ලංකාවේ සෑදෙන කොළ පාට දොඩම් පෝෂණ ගුණයෙන් ඉහළයි. එසේම ප්‍රතිඔක්සිකාරක ගුණයෙන් ද ඉහළයි.

නැවුම් පලතුරකි.

විටමින් ඛ් බහුල දොඩම්වල පොටෑසියම් හා කැල්සියම් මෙන්ම ලවණ හා විටමින් D,A වර්ග ද ඇත. පලතුරු අතර ඉතාම රසවත් හා ගුණයෙන් වැඩි පලතුරු වර්ගයක් වේ. ආහාර වේලක් ගැනීමෙන් පසු දොඩම් යුෂ හෝ බික් ආහාරයට ගැනීම තුළින් ගත් ආහාර හොඳින් දිරවනු ලබයි. පලතුරු කූඩයක දොඩම් නොතිබුණොත් එය අඩුවකි. ඕනෑම තැනකට රැගෙන යා හැකි දොඩම් අපූරු ගුණදායක පලතුරකි.

100g අඩංගු පෝෂ්‍ය පදාර්ථ