දිනකට පානය කළ යුතු ජලය කන්න හොඳ පලතුරු

පැණි රස වැඩිපුර කන්නෙ නැතිව පලතුරු කන්න කියලා අපට වෛද්‍යවරු උපදෙස්‌ දෙනවා. ඉතිං බොහෝ දෙනා වෙළෙඳ පොළට ගිහින් පිටරටින් එන ඇපල්, දොඩම්, ඇට නැති මිදි ආදිය මිලදී අරගෙන කනවා. නමුත් මෙවැනි පලතුරු මිලදී ගන්නකොට ටිකක්‌ අවධානය යොමු කරන්න. මොකද දන්නවද මේ ගොඩක්‌ ඇපල් දොඩම් ලංකාවට එනකොට අවුරුද්දක්‌ විතර පරණයි. ඉතිං අවුරුද්දක්‌ දරුවකුට මේවායේ ඇපල් ගෙඩියක්‌ කන්න දුන්නොත් දරුවාගේ වයසත් අවුරුද්දයි. ඇපල් ගෙඩිය ගහෙන් කඩාගෙන වෙළෙඳපොළට ඇවිල්ලත් අවුරුද්දයි. අද හුගක්‌ දෙනෙක්‌ ඇට නැති මිදි ආහාරයට ගන්නවා. එවැනි මිදිවල තව පරම්පරාවක්‌ නැහැ. ඉතිං තවත් පරම්පරාවක්‌ නැති එහෙමත් නැත්නම් එම මිදිවලින් බීජ ගන්න බැරි නම් එවැනි පලතුරු දරුවන්ට කන්න දෙන එකත් එතරම් හොඳ නැහැ. ඒ හින්දා හැකිතාක්‌ දුරට දේශීය පලතුරු වර්ග දරුවන්ට කන්න දෙන එක තමයි වඩාත් සුදුසු. වෙරළු, සියඹලා, ඛෙලි, අඹ, පේර ආදී අපේ රටේ ඕනෑ තරම් පලතුරු තියෙනවා. ඛෙහෙත් වර්ග ආලේප කරලා අවුරුදු ගණන් පරණ පලතුරු කන්න දෙන්න තරම් අපේ රටේ පලතුරු අහේනියක්‌ නැහැ. 

දිනකට පානය කළ යුතු ජලය

ඒ වගේම තමයි අපට බොන්න හොඳම පානය පිරිසිදු ජලය. ජලය අඩුවෙන කොට සිරුරේ නොයෙක්‌ රෝග ඇතිවෙනවා. වකුගඩු ආබාධ, මුත්‍රා ආසාධන, ඇතිවන්න ප්‍රධානම හේතුව දිනකට සිරුරට අවශ්‍ය නිසි ජල ප්‍රමාණය නොගැනීමයි. අපගේ සිරුරට දිනකට අවශ්‍ය ජලය ප්‍රමාණය දැනගන්න සරලම ක්‍රමය තමයි අපගේ ශරීර බර 7 න් ඛෙදීම. උදාහරණයක්‌ විදියට කිලෝ ග්‍රෑම් 60 ක්‌ බර කෙනෙක්‌ දවසකට වතුර වීදුරු 09 ක්‌ විතර පානය කළ යුතුයි. අපි වතුර බොන වීදුරුවක්‌ මේ සඳහා භාවිතා කළ හැකියි. ඉතිං දරුවකුට වුණත් මේ විදියට බර මැනලා 07 න් ඛෙදාගෙන වතුර බොන්න දීමෙන් දිනකට සිරුරට අවශ්‍ය ජලය ප්‍රමාණය ලබාගත හැකියි. 

එක්‌සත් රාජධානියේ ක්‍රීඩා වෛද්‍ය සංගමයේ විශේෂඥ වෛද්‍ය අසංග විජයරත්න 

උපුටා ගැනීම දිවයින පුවත් පත ඇසුරෙන්