ගොටුකොළ කෑමෙන් හම පැහැපත් වෙනවා

මුකුණුවැන්න 

ඇස්වල පෙනීම දියුණු කරයි. ඇසේ සුද ඇති අයට ගුණදායක කෙදි සහිත බැවින් මළබද්ධය නැති කරයි. ලේ පිරිසිදු කරයි. ලේ වැඩීම සිදුකරයි. බඩගිනි ඇති කරයි. 

ගොටුකොළ  

ධාරණ ශක්තිය වර්ධනය වේ. මොළයේ කි‍්‍රයාකාරිත්වය වැඩි කරයි . ළමා කාලයේ සිටම ගොටුකොළ කැඳ බීමට පුරුදු කිරීමෙන් ඉගෙනීමේ කටයුතු වලට හිතකර වේ. නින්ද නොයන මහලු අයට නිදි සුව සැලසේ. ශරීර වර්ණය පැහැපත් වේ. තරුණ බව ආරක්‍ෂා කරයි. පීනස අපස්මාරය , උන්මාදය රෝගවලදී ඖෂධයක් වශයෙන් යොදා ගැනේ. පණු රෝග සමනයට ගොටුකොළ දඩු හා වළඟසහල් තම්බා පානය කිරීම ගුණදායකලු . යකඩ බහුලව අඩංගු වේ. 

කංකුං  

ආහාර දිරවීමට උපකාරි වේ. කෙඳි සහිත බැවින් මළබද්ධය නැති කරයි. පාණ්ඩු රෝගය සඳහා ගුණදායක වේ. 

කතුරුමුරුංගා  

කතුරුමුරුංගා කොළ ඇස්වලට හා පීනසට ගුණදායකය. කිරි පණුවන් නැති කරයි.මළ බුරුල් කරයි. ශරීරයේ විෂ නැති කරයි. මළ බුරුල් කරයි. හිසකෙස් වැඩීමට ආධාර වෙයි. පිළිකා මර්දනය කිරීමේ ගුණය ඇත. දිරවීමේ අපහසුතාව ඇත. එබැවින් සමහර අයට බඩබුරුල් වී විරේචනය වේ. කිරි දමාගෙන තෙල් දමා පිළියෙල කිරීමෙන් මෙය මඟහරවා ගත හැකිය. කකුළුවන් ඉස්සන් හා දැල්ලන් පිසීමේදී කතුරුමුරුංගා කොළ ස්වල්පයක් එකතු කිරීමෙන් විෂ තත්ත්වය නැතිකර ගත හැකිය. යකඩ අඩංගුය. මුරුංගා වලද මේ හා සමාන ගුණ ඇත.

උපුටා ගැනීම සිළුමිණ පුවත් පත