මේ දිනවල දරුවන්ට වැලඳෙන රෝග පුණ්‍යානී බන්දුතිලක ළමාරෝග විශේෂඥ ශික්‍ෂණ රෝහල - රාගම
මේ දිනවල රාත්‍රියට පවතින්නේ ඉතාම සීතල කාලගුණික තත්ත්වයක්. නමුත් දහවල දැඩි අව් රශ්මියක් සහ දුහුවිල්ල පවතින නිසා ඉක්මනින් රෝග පැතිරෙන්න පුළුවන්. විශේෂයෙන් දරුවන් මේ කාලයේදී වයිරස් ආසාදනවලට වැඩි වැඩියෙන් ගොදුරු වෙනවා. මවුපියන් ලෙස ඔබ ඒ පිළිබඳ අවධානයෙන් සිටීම ඉතාම වැදගත්.
වයිරස් ආසාදන
මේ දිනවල තිබෙන වැහිබර කාලගුණය නිසාම විවිධ රෝගාබාධ ඇති වෙනවා. කුඩා දරුවන් අතර ඇතිවෙන සෙම් ආසාදන මේ අතරින් ප්‍රධානයි. ඒත් එක්කම විවිධ වයිරස් ආසාදනවලටත් දරුවා ගොදුරු වෙන්න පුළුවන්. වැස්ස සහ සීතල නිසා මේ කාලෙදි දරුවාට හොඳ වාතාශ්‍රයක් ලැබෙන්නෙත් නැහැ. ඒ වෙනුවට දරුවාට ගේ ඇතුළතට කොටුවෙලා ජනෙල් දොරවල් වසාගෙන ඉන්න වෙනවා. එයන් වයිරස් ආසාදන පැතිරීම වැඩි වෙනවා.
කැස්ස - හෙම්බිරිස්සාව
හුඟක් දරුවන්ට මුලින්ම ඇතිවෙන්නේ කැස්ස සහ නාසය හිරවීම පමණයි. නමුත් කල් ගතවීමත් එක්ක හතිය එන්නත් ඉඩ තිබෙනවා. සෙම් ගතියට නම් ඖෂධ ප්‍රතිකාර අවශ්‍ය නැහැ. නින්ද සහ විවේකය ලබා දුන්නාම සෙම් රෝග සුවකරගන්න පුළුවන්. ඒ වගේම වැඩිපුර දියර වර්ග පානය කරවීමට සැලැස්වීමත් ඉතාම සුදුසුයි. නාසය හිර ගතිය තිබෙනවා නම් නාසයට සේලයින් ටිකක් දමන්න පුළුවන්. ඒ වගේම හුමාලය ඇල්ලීමටත් හැකියි.
නිව්මෝනියාව භයානකයි
මඳ උණ තිබෙනවා නම් ඒ කියන්නේ, 37ඛ්0ක් පමණ උණ තිබෙනවා නම් දරුවාගේ බරට අනුව පැරසිටමෝල් දෙන්න. නමුත් හතිය තිබේ නම් හැකි ඉක්මනින් රෝහල් ගත කළ යුතු වෙනවා. සමහර දරුවන්ට හතිය ඇවිත් එය නිව්මෝනියා තත්ත්වයට පත්වෙන්න පුළුවන්. නිව්මෝනියාවත් සමඟම තද උණ, සෙම, වමනය, බඩ රිදීම ඇති වෙනවා නම් තත්ත්වය ඉතාම භයානකයි.
අසාධ්‍ය වුණොත්
ඉහත සඳහන් කළ පරිදි ඉතාම අසාධ්‍ය තත්ත්වයකට දරුවා පත් වුණොත් ඉතාම ඉක්මනින් දරුවා වෛද්‍ය ප්‍රතිකාර සඳහා යොමු කළ යුතුයි. එවැනි අවස්ථවලදී නහරයකට කටුවක් ගහලා ප්‍රතිජීවක ඖෂධ ලබාදීම සිදු කරනවා. සමරහර විට සෙම් ආසාදන නිසා දරුවන්ට මැද කනේ ආසා දන ඇතිවෙන්න පුළුවන්. එයින් කන් කැක්කුම ඇති වෙනවා. කන අල්ලාගෙන දරුවා අඬනවා නම් එය මැද කනේ ආසාදනයක් නිසා වීමට ඇති ඉඩකඩ වැඩියි. ඒ වගේම කන ඇතුළේ තිබෙන පීඩනය නිසා කර්ණ පටහ පටලය පුපුරලා කනෙන් සැරව ගලා එනවා.
තයිනොසයිටිස්
සෙම්ප්‍රතිශ්‍යාව වැඩිවීම නිසා එන තවත් අතුරු ආසාදනයක් ලෙස තයිනොසයිටිස් ආසාදනය හඳුන්වන්න පුළුවන්. සෙම සහ ශ්‍රාව තයිමසය තුළ සිර වෙලා තද හිසරදය, තද උණ ගතිය, ක්ලාන්තය, කැරකිල්ල ඇති වෙනවා. එවිට ප්‍රතිජීවක ඖෂධ ලබා දෙන්න. ඒ වගේම උගුර, කන, නාසය සම්බන්ධ වෛද්‍යවරයකුට දරුවා යොමු කිරීමත් ඉතාම වැදගත්. දරුවාට දිගටම පවතින කැස්ස සමඟ හුස්ම ගැනීමෙ අපහසුව, තද උණ, වමනය, බඩ රිදුම තියෙනවා නම් ඒ දරුවා වහාම වෛද්‍ය ප්‍රතිකාර සඳහා යොමු කිරීමට මවුපියන් සිහි තබාගත යුතුයි.
හංසි ආටිගලමව්බිම
