අලුත උපන් ඇතැම් දරුවන්ට නිල් පැහැති උපන් ලප
ඔබගේ සම මතුපිට දදයක් මතු වූවොත් ඔබ යම් තැති ගැනීමකට ලක්වනවා නේද? යම් ලෙසකින් එය ඔබගේ බිළිඳාගේ සම මතුපිට ඇති වුණේ නම් එහිදී ඇතිවන නොසන්සුන් බව අමුතුවෙන් වටහා දිය යුතු වන්නේ නැහැ. ඒ නිසා දරුවන්ට මුහුණ දීමට සිදුවන rash එසේ නැත්නම් සම මතුපිට ඇතිවන ආසාදන තත්ත්වයන් පිළිබඳව අපි මෙවර ළමා රෝග පිළිබඳ විශේෂඥ වෛද්‍ය සාකච්ඡාව මඟින් විමසා බලමු. ඒ සම්බන්ධව අප සමඟ අදහස් දැක්වූයේ ළමා රෝග පිළිබඳ විශේෂඥ වෛද්‍ය දිල්රුක්ෂි රුබේරු මහත්මියයි.
ළදරුවන්ට බහුලව ඇති වන සමේ රෝග පිළිබඳ පැවසුවොත්?
ඇත්තෙන්ම දරුවෙකුට ඕනෑම වයසකදී සමේ රෝග ඇතිවිය හැකියි. ඕනෑම දරුවෙකුට පළමු මාසයේදී පමණ දැකගත හැකි රෝග තත්ත්වයක් ලෙස Erythema Toxicum Neonatorum හැඳින්විය හැකිය. මෙය භයානක රෝග තත්ත්වයක් නොවන අතර කුඩා ළදරුවෙකුගේ ශරීරයේ ඕනෑම තැනක මෙම rash තත්ත්වය දැකගත හැකි වේ. මේ සඳහා විශේෂයෙන් ඖෂධ ලබා දීමට අවශ්‍ය නොවන අතර වරින් වර ඉස්මතු වීමට හැකියි. ඊට යෙදිය හැකි පිළියමක් ලෙස බිළිඳාගේ ශරීරයේ එම rash ඇති ස්ථානවල බේබි ක්‍රීම් ආලේපයෙන් දරුවාට ඇති වූ ගැටලුකාරී තත්ත්ව මඟහරවා ගත හැකියි. තවත් අවස්ථාවකදී අලුත ඉපදුණු දරුවන්ට ඇති වන රෝග අවස්ථාවක් ලෙස සිරුර පුරා කුඩා සැරව බිබිලි එසේත් නැත්නම් වතුර බිබිලි දැක ගැනීමට හැකි වේ. මෙවැනි අවස්ථාවකදී නම් වෛද්‍ය ප්‍රතිකාර කරා යොමු විය යුතුයි. මීට අමතරව ලංකාවේ අලුත ඉපදෙන දරුවන් අතර නිල් පැහැයට හුරු උපන් ලප වර්ගයක් දැක ගැනීමට හැකියාව තිඛෙයි. මෙම තත්ත්වය Mongolin Blue Spots නමින් හැඳින්වේ. මේ තත්ත්වයද මව්වරු එතරම් බියක් ඇතිකර ගත යුතු නොවන අතර අවුරුද්දක්, දෙකක් ගත වනවිට එය ස්වභාවිකවම මඟහැරී යයි. මෙම රෝග අවස්ථාවන්ට අමතරව Strawberry mark නැමැති සම ආශි‍්‍රත තත්ත්වයක් ඇති අතර එය දරුවාගේ සම මතුපිට රතු පැහැයෙන් දැකගත හැකි වේ. මෙය දරුවාගේ වර්ධනයත් සමඟ ප්‍රමාණයෙන් වැඩිවිය හැකියි. මේවා සිරුරේ ඕනෑම තැනක ඇතිවිය හැකි අතර එකවර ස්ථාන කිහිපයක ද දැකගත හැකි වේ. නමුත් මේ තත්ත්වය අවුරුද්දක් වැනි කාලයක් පුරා වර්ධනය වුවද ඉන් පසුව ක්‍රම ක්‍රමයෙන් අඩු වී යා හැකියි. පසුව මෙම තත්ත්වය නොපෙනී යන මට්ටම දක්වා අඩු වී යා හැකියි.
තරමක් වයසින් වැඩි දරුවන්ට සුලබව ඇතිවිය හැකි සම ආශි‍්‍රත ආසාදන.
තරමක් වයසින් මුහුකුරා ගිය දරුවන් අතර සුලබව ඇතිවන ර්ිය වර්ගයක් ලෙස Eczema තත්ත්වය හැඳින්විය හැකිය. මෙහිදී දරුවන්ගේ සමේ තද වියළි බවක් සමඟ සුදු පැහැයට සම මතුපිට rash එකක් අති විය හැකියි. ඒ වගේ තදින් කසන ස්වභාවයක් ද එහි තිබිය හැකියි. බොහෝදුරට ඛෙල්ල යට වැලමිට ආදී ශරීරයේ නැවෙන තැන්වල දණහිස පිටුපස ආදී තැන්වල සුලබව දැකගත හැකි වුවත් ශරීරය පුරා ඕනෑම තැනක ඇති විය හැකියි. මෙවැනි ත්ත්වයකදී අනිවාර්ය වෛද්‍ය ප්‍රතිකාර ලබාගත යුතු අතර එහිදී සබන් වර්ග, ක්‍රීම් වර්ග ද, තත්ත්වය තවත් උග්‍ර වී ඇත්නම් ඛෙහෙත් වර්ග පවා ලබා දීමට සිදුවිය හැකියි. මෙම Eczema විවිධ වර්ග තිබිය හැකියි. එවැනි රෝගී තත්ත්ව වරින් වර ඇති වී නැවත නැති වී යා හැකියි. මේ තත්ත්වය අවුරුදු දෙක තුනක් මෙසේ පැවැතිය හැකියි. මීට අමතරව දරුවන්ට ඇතිවන තවත් rash වර්ගයක් ලෙස දහඩිය බිබිලි පිළිබඳ කතාබහ කළ හැකියි. මේවා ශරීරය පුරා ඇතිවිය හැකි අත අත් කකුල්වලට වඩා මුහුණෙහි බහුලව දැකගත හැකි වේ. ඒ වගේම බොහෝ දහඩිය පිට කරන දරුවන්ට වඩාත් උෂ්ණ කාලවලදී මේ තත්ත්වය වැඩිපුර දැකගත හැකියි. දරුවන්ට විශේෂයෙන් මේ තත්ත්වය උග්‍ර වීමට හේතුව උෂ්ණකාලවලදී ඇඳුම් නොඇන්ද වීමයි. එවිට ශරීරයේ දහඩිය රැදීම නිසා කුෂ්ඨ තත්ත්වය තවදුරටත් වර්ධනය වේ. ඒ නිසා සෑමවිටම කපු ඇඳුමක් අන්දවා දරුවා තැබීම මීට හොඳම විසඳුමයි. ඒ වගේම දහඩිය බිබිලි බොහෝ සැරට තිබේ නම් දරුවා හැමදාම නෑ වීම වඩාත් සුදුසුයි. එවිට දහඩිය බිබිලි තත්ත්වය තරමක් හෝ පාලනය කළ හැකියි. එසේ නොවුණ හොත් දරුවාගේ සම මත ඇතිවන දාඩිය බිබිළි කැසීම නිසා තුවාල වී පැසවිය හැකියි. ඒ වගේම මේ නිසා ඇතිවන සැරව දරුවා තව දුරටත් අපහසුතාවට පත් කරවිය හැකියි.
ළමා රෝග පිළිබඳ විශේෂඥ වෛද්‍ය, දිල්රුක්ෂි රුබේරු
නුවන්ති කුලරත්න
උපුටා ගැනීම දිනමිණ පුවත් පත
