දහඩිය කුෂ්ටවලට අත්ඛෙහෙත් මෙන්න

පුංචි දරුවන්ගේ රෝගවල දී අම්මලා හරියට කලබල වෙනවා. සිරුර පුරා දහදිය බිබිලි දාල හම ගොරෝසුවට දැනෙන කොට එයාලට දරා ගන්න බැහැ. දහඩිය බිබිලිවලට විවිධාකාර ඛෙහෙත් වර්ග වෙළෙඳපොළේ බහුල ලෙසින් දක්නට ලැබුණත් ඒවා බිළිඳු සුමුදු සමට කොහොම ක්‍රියා කරයි ද කියා සැකයක් තියෙනවා. මෙන්න තියෙනවා පුංචි ඈයන්ගේ දහඩිය කුෂ්ටවලට දේශීය අත් ඛෙහෙත්.

1. ගැට තුඹ සම්පූර්ණයෙන් ගෙන කොට ගන්න. ලූණු වතුරෙන් අඹරා ගන්න. එය දහඩිය කුෂ්ටය ඇති ස්ථානවල ගල්වා පැය දෙකකට පමණ පසු උණුවතුරෙන් නාවන්න. එක දිගට දින දහයක් පමණ සිදු කරන්න.

2. ඇඹිල්ල කොළ, පැණි දොඩම් ඉස්මෙන් අඹරා ගාන්න.

3. තෝර ඇට, අබ, තල, බෝංචි ඇට, කොට්ටන්, සහිඳ ලූණු සම පමණ ගෙන දී කිරිවලින් අඹරා රත බිබිලිවල ගාන්න.

4. අමු කහ, කොහොඹ කොළ, නිදිකුම්බා කොළ, නිදිකුම්බා කොළ, නෙල්ලි තම්බා ගත් වතුරෙන් සෝදා හොඳින් තෙත මාත්තු කරන්න. නීල්‍යාදී තෙලට කහ කුඩු ස්වල්පයක් මිශ්‍ර කර කකාරවා ගාන්න.

ඉකිලි කැසීමට ප්‍රතිකාර : 

1. අමුකහ සහ අහුගෙඩිවල ඉස්ම ස්වල්පය බැගින් ගෙන මදටිය හතරක පමණ ද තල තෙල් ස්වල්පයක් ද දමා කකාරවා කැසීම ඇති තැන්වල මදක් ආලේප කරන්න.

2. ඇත් තෝර දළු, අමු කහ කැබැල්ලක් ඇල් දියෙන් අඹරා ගාන්න.

විළුඹ පැලෙනවාට ප්‍රතිකාර :

1. මෝරා වියළි ගිය වැටකෙයියා කොළ පුච්චා ගත් අළු, සහිඳ ලූණු සහ එළගිතෙල් සම ප්‍රමාණයන් ගෙන් රැගෙන ලෝහ තටියක අඹරා ගාන්න.

2. වැල්පෙනෙල සම්පූර්ණයෙන් ගෙන ඇල් වතුරෙන් අඹරා විළුඹ පැලී ඇති තැන්වල ගාන්න. 3. කළු තල කබලේ බැද එළගිතෙල්වලින් අඹරා ආලේප කරන්න. 4. පිණ්ඩ තෙල් පුළුන්වල පොගවා එලන්න.

නියපිරිත්තන් කෑමට :

1. මුවකිරිය වැලේ කිරි ගාන්න.

2. වරා කිරි ගාන්න. 3. කවඩි ඛෙල්ලන් පුළුස්සාගත් අළු, හිරියල් සම`ග අඹරා ගල්වන්න. 4. හිරියල්, කබලේ බැදගත් පල්මානික්කම්, ගම් කුකුළු බිත්තර සාරුවලින් අඹරා කතා නොකර ගාන්න. 5. හීන් ගෙඳ කොළ ඉදුණු කෙසෙල් ගෙඩිවලින් අඹරා ගාන්න. 6. සියඹලා කොළ, කොටා මිරිකා ගත් ඉස්ම තලතෙල් සමග කකාරවා ගල්වන්න.

පත්තෑයන් දෂ්ට කර ඇති විටෙක, විස නැසීමට : 

පත්තෑයා කියන්නේ ගෙයි අහුමුළුවල, ගෙමිදුලේ, වත්තේ පිටියේ සෑම තැනකම දකින්න ලැඛෙන සත්ත්වයෙක්. බරපතල විසක් නැතත් තරමක වේදනාවක් සමග ඉදිමුමක් ද ඇති වෙනවා. එවැනි අවස්ථාවක සරල අත් ඛෙහෙත් දෙක තුනක් දැනගෙන ඉන්න එක වටිනවා.

1. කැකිරි කොළ ඇල්දියෙන් අඹරා ගාන්න.

2. රත්මල් පොතු, සුදුලුනු සමග අඹරා දෂ්ට කළ ස්ථානයේ ගල්වන්න. 3. බොඹු, දළු, අමුකහ දෙවර්ගය හොඳින් අඹරා දෂ්ට කළ ස්ථානයේ ගල්වන්න. 4. ගස් කරල් හැබ ඇල් වතුරෙන් අඹරා ගාන්න.

5. යකිනාරං ගසේ මුල් දෙහි ඉස්මෙන් අඹරා ගාන්න. 6. මදුරුතලා කොළ කොටා එම යුෂ දෂ්ට මුඛයේ ගාන්න. 7. ඉදුණු පුවක් ලෙලි ඉස්ම සමග විට හුණු මිශ්‍ර කර ගාන්න.

උපුටා ගැනීම දියණිය පුවත්පත