අධි පෝෂිත දරුවන්ට සිදුවන දේ
වර්තමානයේ ලෝක ළමා ජනගහනයෙන් 1/3ක් අධිපෝෂණයට ගොදුරු වී සිටිනවා. අතීතයේ මෙය බටහිර රටවලට පමණක් උරුම වූ කාරණයක් වුවත්, එය අද ආසියාතික රටවල් පුරා පැතිර යමින් තිබේ. අවු. 2 - 19ත් අතර පසුවන දරුවන් මේ තත්ත්වයට මුහුණ පා තිඛෙනවා. මෙකී තත්ත්වය ආයුර්වේද න්‍යායන්ට අනුව කොටස් දෙකකට වර්ග කර තිඛෙනවා. එය, නියමිත උසට වඩා බර වැඩිවීම හා අති ස්ථූලතාවයයි. උසට සරිලන බර තිඛෙනවා දැයි ඕර්ධ් අගය මැනීමෙන් බලාගත හැකි අතර, එහි අගය 30 - 40ත් අතර පවතිනවා නම් එය අති ස්ථූලතාවය ලෙස සැලකිය හැකියි. කෙසේ වෙතත් මේ තත්ත්වයට දරුවන්ට මුහුණ පාන්නට සිදුවන කරුණු කාරණා රැසක් තිඛෙනවා. ඒ අතර දරුවන්ට අවශ්‍ය ප්‍රමාණයට ව්‍යායාම නොලැබීම එක් හේතුවක් වෙනවා. ඊට අමතරව දිවා කාලයේ නිදා ගැනීම මෙන්ම අධික ලෙස පැණි රස සහිත ආහාර ගැනීම හා සෙම වඩවන ආහාර ගැනීමත් එක් හේතුවක්. එසේම අධික තෙල් සහිත ආහාර, වෙළඳ පොළෙහි ඇති කෙටි ආහාර, ටින්කෑම වර්ග හා විවිධ මස් ආශ්‍රිත නිෂ්පාදන (මස් සඳහාම ඇතිකරන සතුන්) අධික ලෙස ආහාරයට ගැනීම ප්‍රධාන වශයෙන් අධිපෝෂණයට හේතු වෙනවා. විවිධ රසකාරක මෙන්ම කල් තබා ගැනීම සඳහා රසායනික යෙදූ ආහාර ගැනීම ද මෙයට බලපානවා.මේ කාරණා නිසා ශරීරයේ අනෙකුත් පද්ධති පෝෂණය වීමේ ක්‍රියාදාමය නවතිනවා. නමුත් මේදයට හිතවත් ස්ථානවල මෙකී මේදය තැන්පත් වෙනවා. ඒ අනුව අති ස්ථූලතාවය ඇති විය හැකියි. එසේ වීමෙන් ශරීරයේ සියලු ක්‍රියාකාරකම් සිදුකරගත නොහැකි ලෙස අස්ථාවර වීමක් වෙනවා. එවිට එවැනි දරුවන් තුළින් නිතර හති වැටෙන ස්වභාවයක් දක්නට ලැඛෙන අතර නිදිමත ගතියක් ද දක්නට ලැඛෙනවා. ඊට අමතරව අත් පා පණ නැතිවීම, කම්මැලි ස්වභාවය, දහදිය දුර්ගන්ධය ආදී වූ මූලික ලක්ෂණ දක්නට ලැඛෙනවා. තව ද උදරය හා පයෝදර පෙදෙස්වල මාංශ එල්ලා වැටීමක් දක්නට ලැඛෙනවා.
ඉහත ආකාරයට අධි බර හෝ ස්ථූලතාවයට ගොදුරු වීමේ දී ගැහැනු දරුවන් ඉතා ඉක්මනින් මේ තත්ත්වයට ගොදුරුවීමේ ප්‍රවණතාවයක් තිඛෙනවා. එයට හේතුව වන්නේ හෝර්මෝන හේතු බලපෑමක් ඇතිවීමයි. එසේම නිර්නාල ග්‍රන්ථිවල (තයිරොයිඩ්, පිටියුටිරි) ක්‍රියාකාරීත්වය නිසා ද මෙවන් තත්ත්ව ඇති වෙන්න පුළුවන්. තව ද ඇතැම් ඖෂධ නිසාත් මේ තත්ත්වය ඇතිවිය හැකියි. කෙසේ වෙතත් මෙවැනි තත්ත්වයකින් පීඩා විඳීන දරුවකුට වාත, ශ්ලේෂ්ම ප්‍රතිකාරයක් ලබාදිය යුතුයි. එසේම ආහාර පාන දීමේ දී පැණිරස අඩු ආහාර පාන ලබා දිය යුතුයි. අති ස්ථූලතාවයට විශේෂිත වූ ආයුර්වේද ප්‍රතිකාර ක්‍රමවේදය අනුව තීක්ෂන උෂ්ණ ද්‍රව්‍ය යොදා උද්වර්තනය (විවිධ ඖෂධ වර්ග දණ චූර්ණය චර්මයේ ඉහල අතට පිරිමැදීම) කරනවා. එසේම මෙවැනි දරුවන් ව්‍යායාම් කරා යොමු කිරීම හා ආහාර රටාව වෙනස් කිරීමට පෙර එම දරුවාට මේ තත්ත්වය ඇති වූයේ කුමන හේතුවක් නිසා ද යන්න සොයා බැලීම අත්‍යවශ්‍යයි. ඒ අනුව ප්‍රතිකාර ආරම්භ කළ හැකියි.විශේෂයෙන් සඳහන් කළ යුත්තේ වර්තමානයේ දරුවන් වැඩි ප්‍රමාණයක් මෙයට ගොදුරු වීමට හේතු වන්නේ ආහාරවල තිඛෙන අසමතුලිතතාවය බවයි. එනිසා මව්පියන් මේ පිළිබඳ වැඩි අවධානයක් යොමු කිරීම අත්‍යවශ්‍යයි. එසේම කුඩා කාලයේදීම දියවැඩියාව වැනි රෝග තත්ත්වයන්ට දරුවන් ගොදුරු වීමේ වැඩි ප්‍රවණතාවයක් ඇති වී තිඛෙන්නේ අප ඉහත සඳහන් කළ හේතු නිසයි. එනිසා ඒ පිළිබඳ සැලකිලිමත් වීම තුළින් නිරෝගී දරුවකු සමාජ ගත කිරීමට අවස්ථාව උදා වෙනු ඇත.
දුමින්ද අලුත්ගෙදර
උපුටා ගැනීම දිනමිණ පුවත් පතඇසුරෙනි
