අගස්ති ගේ පෙම්වතිය ගේ විස්තරේ මෙන්න.
මම අඬපු වාර අනන්තයි - නිලූෂි
ඇය අපට මේ දිනවල මුණ ගැසෙන්නේ දිවිතුරා ටෙලි නාට්‍යයේ වින්ඩි ලෙසිනි. ඊට අමතරව හිරු මෙගා ස්ටාර් වේදිකාවෙන්ද ඇයගේ හැකියාවන් අපිට දකින්න ලැබෙනවා. ඇත්තටම අගස්තිගේ සැබෑ පෙම්වතිය වින්ඩිද? ඉස්සරහට වින්ඩිට මොකද වෙන්නේ. ඒ ගැන දැනගන්න වගේම ඇය ඊට අමතරව මොනවද කරන්නේ කියලා දැන ගන්නත් එක්ක අපි නිලූෂි පවන්යාට කතා කළා.
නිලූෂි වින්ඩි ගැන මොකද හිතන්නේ?
වින්ඩි කියන්නේ මම රඟපෑ වෙනස්ම චරිතයක්. මේ චරිතය ඇතුළේ පොඩි ඕවර් ඇක්ටින් එකක් තමයි තියෙන්නේ. හරිම වෙනස්.
රසිකයෝ වින්ඩි ගැන මොනවාද කියන්නේ?
ගොඩක් අය හොඳයි කියලයි කියන්නේ. පළමු කොටස විකාශනය වුණු දවසේම ගොඩක් අය මට කතා කළා. ඉස්සරහට වින්ඩි ගේ ලොකු ලොකු වෙනස්කම් සිද්ධ වෙනවා.
ඇත්තටම වින්ඩි අගස්තිට ආදරෙයිද?
ඔව්.
හෙක්ටර් ඩයස් වැනි ජනපි‍්‍රය ගායකයෙක් එක්ක රඟපාන්න ලැබීම ගැන මොකද හිතන්නේ?
හොඳයි. ඔහුගෙත් පළමු ටෙලිනාට්‍යය. හෙක්ටර් අයියා වගේම අතුල අයියා” චන්ද්‍රිකා සිරිවර්ධන මේ නාට්‍යයේ රඟපානවා. වෙනස්ම අත්දැකීමක්.
නිලූෂි මේ දවස්වල වින්ඩිගේ රූගත කිරීම්වලට විතරද සහභාගි වෙන්නේ?
ඔව්. මීට කලින් ටෙලි නාට්‍යයක රූගත කිරීම් වලට සහභාගි වුණා. ඒක තවම විකාශනය වුණේ නැහැ. ඔය අතරේ තවත් ටෙලි නාට්‍යයක රූගත කිරීම්වලට සහභාගි වුණා. ඒකත් ඉදිරියේදී දැකගන්න ලැබේවි.
නර්තන වැඩකටයුතු එහෙම කොහොමද?
නර්තන හැකියාවත් මෙගා ස්ටාර් වේදිකාවෙන් දැකගන්න පුළුවන්. මේ දවස්වල ඒකෙත් ෂූටින් වලට සහභාගි වෙනවා. මෙගා ස්ටාර් ෂූටින් රියසල් එක්ක තමයි දවස ගෙවෙන්නේ.
රඟපෑමට ඒම ගැන මොකද හිතන්නේ?
මුල් කාලයේ මම රඟපානවා කියලා හිතුවේ නැහැ. ඇත්තටම රංගනය කියන්නේ මගේ හීනයක් නෙමෙයි. නර්තනය සහ නිරූපණය කියන දේවල් වලට තමයි මම ගොඩක් ආසා කළේ. ඒ වගේම නිවේදනය” රංගනය අහඹුවක් කිව්වොත් හරියටම හරි.
නිරූපණය කියන මාතෘකාවට අදවෙනකොට මොකද වෙලා තියෙන්නේ?
නිරූපණය පැත්තේ කරන වැඩ ගොඩක් අඩුයි. අනික ෂෝ එහෙමත් දැන් නැහැනේ. කොරෝනා ප‍්‍රශ්නයත් එක්ක ගොඩක් ෂෝ නැවතුණා. ෆොටෝ ෂූට් විතරයි තියෙන්නේ. රංගනය” නිවේදනය” නර්තනයට තමයි වැඩිපුර දායක වෙන්නේ.
නිවේදනයට ලැබෙන්නේ මොනවගේ ප‍්‍රතිචාරද?
හොඳ ප‍්‍රතිචාර ලැබෙනවා. මේ අංශ තුනම මම සමබරව කරගෙන යනවා.
ඔබ වැඩිපුර කැමැති රංගනයටද? නිවේදනයටද? නැතිනම් නර්තනයටද?
එහෙම එකක් කියලා කියන්න. හරිම අමාරුයි. නිරූපණය” නර්තනය සහ නිවේදනයට මම ආසයි.
ජනපි‍්‍රයත්වය කරදරයක් වුණ වෙලාවල් එහෙම තියෙනවාද?
නැහැ. එහෙම තවම වෙලා නැහැ.
නිලූෂිට වැඩිපුර ආදරය කරන්නේ නළුවෝ කියන්නේ ඇත්තද?
නැහැ. එහෙම දෙයක් නැහැ.
ආදරය කරන විශේෂ කෙනෙක් ඉන්නවාද?
නැහැ.
දැන්ම ආදරයක් ගැන හිතන්නේ නැතිද?
මටම කියලා ආදරයක් තිබුණා. ඒකත් එක්ක තමයි තවම ජීවත් වෙන්නේ. මම ඒ ගැන වැඩිය ලොකුවට හිතන්නේ නැහැ.
බිඳීගිය ආදරයත් සමඟ තවම ජීවත්වෙනවා එහෙමද?
ඔව්.
සිනමාවට ආරාධනා නැතිද?
මට එක අවස්ථාවක් හිමිවුණා මහාචාර්ය සුනිල් ආරියරත්න සර් ගේ. නමුත් මට ඒක අහිමි වුණා. ඊට පස්සේ මට ඇත්තටම ආරාධනා ලැබිලා නෑ. ටෙලිනාට්‍ය පැත්තෙන් තමයි මට ආරාධනා ලැබෙන්නේ. බලාගෙන ඉන්නවා. කාලය හැමදේම විසඳාවි.
ක්‍ෂේත‍්‍රයේ කැපිලි කෙටිලි වලට මුහුණ දීලා තියෙනවාද?
අම්මෝ අනන්තයි. අප‍්‍රමාණයි. ඒ නිසා මම අඬපු වාර අනන්තයි. ඒ දේවල් නිසා මම හැම තිස්සේම අලූත් කෙනෙක් විදිහට තමයි නැගිටින්නේ.
උපුටා ගැනීම මීවිත
