මම වැරදි දෙයක් කරලා කවදාවත් සල්ලි හොයන්නේ නැහැ.
නිරූපණ ක්ෂේත්‍රයට නවකයෙක් වන අශානි දිනුත්තරා සමගින් අද අපි ‘සාරවිට’ තරු කතා බහා අරඹන්නට මෙළෙස සූදානම් වුණේමු. මේ වනවිට ගීත රූප රචනා කිහිපයක පමණක් දකින්නට ලැබෙන අශානි ඉදිරියේදි විවිධ කලා නිර්මාණ ඔස්සේ ප්‍රේක්ෂක ඔබට සමිප විමට සූදානමින් සිටියි.
අශානි නිරූපිකාවක් වුණේ මැතකදි?දැනට වසරක් විතර වෙනවා මම නිරූපණ ක්ෂේත්‍රයට සම්බන්ධ වෙලා. ගොඩක්ම කරලා තියෙන්නේ නම් ඡායාරූපවලට පෙනී ඉන්න එක තමා. මම දන්නේ නැහැ මම නිරූපිකාවක්ද කියලා. නමුත්, ඡායාරූපවලට පෙනී හිටිය නිසා බොහෝ දෙනෙක් මාව නිරූපිකවක් විදිහට දැන් හඳුන්වනවා ඇති. කොහොම වුණත් මම ගොඩක් ආසයි නිරූපණ කටයුතුවලට සම්බන්ධ වෙලා වැඩ කරන්න.
නිරූපිකාවක් වෙන්න ආසාවක් තිබුණද?ඇත්තම කිව්වොත් නැහැ. පාසල් යන කළේ නිරූපිකාවක් වෙන අදහසක් මගේ හිතේ කොහෙවත් තිබුණේ නැහැ. මම හිතන්නේ මම මේ ක්ෂේත්‍රයට සම්බන්ධ වුණේ අහම්බෙන් කියලා. නමුත්, මම හිතනවා මම මේ ක්ෂේත්‍රය තෝරගත්ත එක අද වරදක් නැහැ කියලා. නිරූපණයට සම්බන්ධ වීමත් එක්ක මගේ ජීවිතේ ලොකු වෙනසක් සිදු වුණා කිව්වොත් හරි.
ක්ෂේත්‍රය ගැන මොකද හිතෙන්නේ?ක්ෂේත්‍රය හොඳයි. හොඳ ගමනක් යන්න පුළුවන්. හැබැයි හරියට හිටියොත් විතරයි.
අශානි සම්බන්ධ වුණ කලා නිර්මාණ තියෙනවාද?දැනට ගීත රූප රචනාවකට පෙනී ඉඳලා තියෙනවා. කොහොම වුණත් මේ රූප රචනාවට පෙනී හිටියට පස්සේ ගොඩක් ආරාධනා ලැබුණා විවිධ කලා නිර්මාණවලට. ඉදිරියේදි ඒ ලැබුණ කලා නිර්මාණ හරහාත් ප්‍රේක්ෂකයින්ට මාව දකින්න පුළුවන් වේවි.
නිරූපිකාවකට අද තියෙන පිළීගැනීම කොහොමද?නිරූපිකාවක් කියද්දිත් සමහරු හොඳ වගේම නරක විදිහට බලන අවස්ථාත් තියෙනවා. ඒක ඉතින්. එක එක්කෙනා හිතන හැටිනේ.
තරුණියන්ට මේ ක්ෂේත්‍රය සුදුසු නැහැ කියලා මතයක් තියෙනවාද?මම හිතන්නේ තමන්ට තමන්ව විශ්වාසයි නම් හැමදේකින්ම බේරිලා ඉන්න පුළුවන්කමක් තියෙනවා. තරුණ වැඩිහිටි කියලා වෙනසක් නැහැ.
මේක ඔබගේ වෘත්තියද? නැත්නම් වෙනත් වෘත්තියක ඔබ නියැළෙනවාද?නැහැ. මම රැකියාවක නිරත වෙන්නේ නැහැ. මම බලාපොරොත්තු වෙනවා මේ ක්ෂේත්‍රය තුළින් ඉදිරියට යන්න.
නිරුපණ කටයුතුවල යෙදෙද්දි ඔබ යම් සීමාවක් ඔබ පනවා ගෙන ඉන්නවද?ඔව්. මම මට ගැළපෙනවා කියලා හිතන තේමාවන් පමණයි නිරූපණ කටයුතුවලට තෝර ගන්නේ. මට ගැළපෙන්නේ නැහැ කියලා හිතෙන දේවල් මම කරන්නේ නැහැ.
මුදල් හොයන්න නිරූපිකාවේ අද විවිධ දේවල් කරනවා නේ?වෙන්න පුළුවන්. නමුත්, එහෙම දේවල්වලට යොමු වෙන්න මට අවශ්‍යතාවයක් නැහැ. මම වැරදි දෙයක් කරලා කවදාවත් සල්ලි හොයන්නේ නැහැ.
ක්ෂේත්‍රය තුළ දිගටම රැඳෙන්නද අදහස?ඔව්, නිරූපණය කියන්නේ මම ආසාවෙන් කරන වෘත්තියක්. මම තාම මේ ක්ෂේත්‍රයට අලුත්. මට ඉගෙන ගන්න බොහෝ දේවල් තියෙනවා තව. ඒවාත් ඉගෙන ගෙන හොඳ දක්ෂ නිරූපිකාවක් වෙන්න තමයි උත්සාහ කරන්නේ. ඒ වගේම රඟපාන්නත් මම ගොඩක් ආසයි.
උදව් කරපු අය?අම්මා තමා ගෙඩක්ම උදව් කරන්නේ මට. හැම වැඩකදීම මගේ පස්සෙන්ම ඉන්නවා. ඊට අමතරව තාත්තා, මගේ හොඳම යාලුවා මලිත්, ඒ වගේම තව යාළුවෝ ගොඩක් ඉන්නවා මට. ඒ හැමෝම මට ඉතින් උදව් කරනවා.
බුද්ධික සේනාධීර උපුටා ගැනීම සාරවිට.lk
මන්දාරාම් කතාවෙ ලොකු අක්කගේ චරිතය කියන්නෙ ප්‍රේක්ෂකයො ගොඩක් ආදරයෙන් වැලඳගත්ත චරිතයක්. ඉතින් ලොකු අක්කගේ චරිතය රඟපාන්නෙ නවක රංගන ශිල්පිනියක් මෙන්ම රූපවාහිනී...
අපේ කළා ලෝකයේ ඉන්න නව පරපුරේ දක්ෂ ජනප්‍රිය කඩවසම් රංගන ශිල්පියෙක් තමයි විරාජ් දනූෂ කියලා කියන්නේ. පහුගිය කාලයේ තිරගතවුනු ඒ ලෙවල්...
නර්ථන ශිල්පිනියක් මෙන්ම නව පරපුරේ දක්ෂ රංගන ශිල්පිනියක් ලෙස කාගේත් හදවත් තුල ලැගුම් ගත් ඇය නමින් හිමාලි සිරිවර්ධන. ඉතින් ඇය මේ...
මේ දවස්වල හිරු නාලිකාවේ ටෙලි සිනමා සිත්තමේ රූපගත කිරීම් කළා. අහස් මාලිගා ටෙලි නාට්‍යයේත් වැඩ කරගෙන යනවා. සුරංග අල්විස් අධ්‍යක්ෂණය කළ...
‘ඇගේ ස්වරය… මනමෝහනීයයි.., හඬන බිලිඳකු නැළවීමටත්… කෝමා තත්ත්වයට පත්වූවකුට නැවැත ජීවය දෙන්නටත් එය හොඳටම සෑහේය…’-ඉන්දියා ටුඬේබොලිවුඩයේ සුපිරි තරු ගැන රසවත් වංහුං...
“මගේ නම ඉෂංකා ජහන්වී කොස්තා. ගම පිළියන්දල. ඉගෙන ගත්තේ ලින්ඩ්සේ බාලිකා විද්‍යාලයෙන්. දැනට පුද්ගලික සරසවියක උසස් අධ්‍යාපනය හදාරනවා. ඒ අතරේදි තමයි...
