මට හැදුණු කාතාවක් නෑ! මේක මාර වැඩක්නේ!
- බාධක නැතුවාම නෙවෙයි…
- ගැහැනියක් විදියට ඒ හැම දේකටම මුහුණ දුන්නා…
කලා ක්ෂේත්රයේ ශිල්පීන්ට නිරන්තරයෙන්ම කතා හැදෙනවානේ. එය සාමාන්‍ය දෙයක්. හැබැයි මේ කියන්නට යන්නේ වෙනස්ම කතාවක්. ජනප්‍රිය රංගන ශිල්පිනී මනිෂා නාමල්ගමගේ ආදරණීය නැඟණිය තමයි කාංචනා ඛාන් (Kanchana Kaan) කියන්නේ. ඇගේ අක්කා වගේම දක්ෂ රංගන ශිල්පිනියක්. ඉතින් පසුගිය දවසක කාංචනාට අමුතුම කතාවක් හැදිලා තියෙනවා. ඒ කතාවේ සුලමුල හොයන්නට අපි ඇයට කතා කළා…
කාංචනාට මේ හැදුණු කතාව මොකක්ද..?මොනවා ගැනද අහන්නේ කියලා මට තේරෙන්නේ නැහැ. එහෙම කතාවක් මට හැදිලා නැහැ මම දන්න තරමින්.
එහෙනම් අපි ‘මේක පුදුම කතාවක්’ ගැන කතා කරමුකෝ. ඒ ගැන තමයි අහන්නේ..?ලාල් ප්‍රියදේව අධ්යක්ෂණය කරන සිනමා නිර්මාණයක් තමයි ‘මේක පුදුම කතාවක්.’ සුනිල් ටී. ප්‍රනාන්දු සහ තුෂාර පෙරේරා තමයි ඒ චිත්‍රපටය නිෂ්පාදනය කරන්නේ. මම මේ චිත්‍රපටයේ ‘සොනාලි’ ලෙසට තමයි රඟපාන්නේ.
‘සොනාලි’ චරිතය හරහා ඔබේ ඉදිරි සිනමා ගමන වෙනසක් සිදුවෙයිද..?අනිවාර්යෙන්ම… මටත් එහෙම හිතෙනවා. මම මේ වගේ චරිතයක් මෙයට පෙර කරලම නැහැ. උප ප්‍රධාන චරිතයක් තමයි මම රඟපාන්නේ.මගේ රංගන ජීවිතයත් හැරවුම් ලක්‍ෂය්‍යක් කියලා කියන්නත් පුළුවන්. මම මවකගේ චරිතයක් රඟපාන්නේ. මට දරුවෝ දෙන්නෙක් ඉන්නවා. මගේ නංගිගේ දරුවා හදාගන්නෙත් මම. මුලදි සොනාලි අහිංසක බව පෙනුණට පස්සේ නපුරු වෙනවා. ඉතින් මේ චිත්‍රපටයට මාව තෝරාගත්ත සියලුමදෙනාට ස්තුතිය පුද කරනවා.
පසුගිය කාලෙ නම් ඔබට පාරේ බැහැලා යන්න බැරි තත්ත්වයක නේද හිටියේ..?අම්මෝ ඔව්… ‘හදවතේ කතාව’ ටෙලිනාට්‍ය මම නිරූපණය කළ ‘කාන්ති’ චරිතය නිසා ගොඩදෙනෙක් මාව ප්‍රතික්‍ෂේප කළා. සමහරු මගතොටදී පවා මට බනින්න ගත්තා. හැබැයි ඉතින් පස්සේ හොඳට කතා කළා. ඒ චරිතයට ලැබුණු ප්‍රතිචාර නම් ඉහළයි. ඉතින් මම ‘කාන්ති’ චරිතයට හොඳ සාධාරණයක් කළා කියලා ලැබුණු ප්‍රතිචාරත් එක්ක හිතාගන්න පුළුවන්.
ඉතින් අද ඔබ ඉන්න තැන ගැන සතුටු වෙනවද..?ඇත්තටම ගොඩාක් සතුටුයි. මම හෙමින් ගමනක් තමයි ආවේ. හෙමින් ආවත් බාධක නැතුවාමත් නෙවෙයි. හැබැයි මම ගැහැනියක් විදියට ඒ සියල්ලටම මුහුණ දුන්නා. ඉතින් මට ලැබෙන හැම නිර්මාණයකටම, චරිතයකටම මම උපරිම සාධාරණයක් කරමින් මගේ ගමන මේ විදියටම ඉදිරියට යනවා.
‘නිරාවරණය’ ටෙලිනාට්‍ය තුළින් නේද ඔබේ ගමන වෙනස් වුණේ..?‘නිරාවරණය’ ටෙලිනාට්‍යයේ මම නිරූපණය කළ චරිතයෙන් තමයි මාව ගොඩදෙනෙක් දැනහඳුන ගත්තේ. ඒ ගැන සතුටුයි. ‘නිරාවරණය’ ටෙලිනාට්‍යයේ අධ්‍යක්‍ෂ රොෂාන් කුරුප්පු අයියාව මම කවදාවත් දැකලා තිබුණෙත් නැහැ. ඉතින් මම ගැන තැබූ විශ්වාසයට ඔහුට මම ස්තුතිය පුදකරනවා.
කාංචනා වඩාත් කැමැති සිනමාවටද, එහෙමත් නැතිනම් ටෙලිනාට්‍ය සඳහාද..?එහෙම කිසිම වර්ගීකරණයක් නැහැ. හැබැයි පසුගිය කාලේ චිත්‍රපට වෙනුවෙන් වැඩි කාලයක් යොදවන්නට සිදුවුණා. සමහරවිට මගේ උස, පෙනුම නිසා මාව චිත්‍රපට සඳහා තෝරාගන්නවා වෙන්නත් පුළුවන්. වේදිකාවට මම ගොඩාක් කැමැතියි. ඒත් වේදිකාව වෙනුවෙන් මට ලොකු කාලයක් යොදවන්න අපහසුයි.
ඔබ රංගනයට වගේම නර්තනයටත් දක්‍ෂයි නේද..?මම පුංචිම කාලේ ඉඳලා නර්තනය හැදෑරුවා. ඒ තුළින් වෙනම ශාරීරික අභ්‍යාසයක්ද ලැබුණා. උපුල් අරුණශාන්ත ගුරුවරයා යටතේ බැලේ පවා හැදෑරුවා.
ඔබේ සහෝදරිය ජනප්‍රිය රංගන ශිල්පිනියක්. ඇයගෙන් ලැබෙන සහාය..?මගේ අක්කා තමයි මනිෂා නාමල්ගම කියන්නේ. ඇය මට ගොඩාක් ආදරෙයි. මමත් ඒ වගේම තමයි. හැබැයි මම කවදාවත් මගේ අක්කා මනිෂා නාමල්ගම කියලා නම පාවිච්චි කරමින් රඟපාන්න අවස්ථාවක් ඉල්ලගෙන ගිහින් නැහැ. මගේ පාර මගේ උත්සාහයෙන්මයි හදාගත්තේ.
අක්කා – නඟාලා දෙන්නා ප්‍රේක්‍ෂකයන්ට මාරුවෙන අවස්ථාත් ඇති නේද..?එහෙම නැහැ… මම අක්කාට වඩා ගොඩාක් වෙනස්. අපි දෙන්නාගේ කොණ්ඬේ විතරයි එකවගේ සමානකම් තියෙන්නේ. මම අක්කාට වඩා ගොඩාක් උසයි. පැහැයෙනුත් වෙනස්.
පෞද්ගලික වැඩකටයුතුත් එක්ක කොහොමද කලාකටයුතු කරගෙන යන්නේ..?මගේ පෞද්ගලික ජීවිතය ගැන මාධ්‍යයට තවම කියලා නැහැ. ඒ වගේම මොන වැඬේ තිබුණත් මම කරන කලාකටයුතුවලදී ඒ දේවල් පටලගන්නේ නැහැ. මට පැවරෙන වැඬේ මම හරියට කරනවා. නිදහසේ, සරලව ඉන්න කෙනෙක් මම.
වසන්ත විතාරණගේඋපුටා ගැනීම මව්රට
ඒක ප්‍රේක්ෂකයෝ තීරණය කරයි…නිර්මාණවලට ලේබල් ගහල වෙන් කරන්න බැහැ…වසර දොළහක පමණ කාලයක් ටෙලිනාට්‍ය සහාය අධ්‍යක්‍ෂවරයකු ලෙසට කටයුතු කරමින් සිටි ඔහු පසුකාලීනව...
මේ දිනවල අති සාර්ථක ව තිරගත වන වාසව බදුගේ අධ්යක්ෂණය කළ විසල් ආදරේ චිත්‍රපටය ප්‍රේක්ෂකයන් ගේ නොමඳ අවධානයට ලක් වී ඇති...
නිළියක් වෙන්න ප්ලෑන් කෙරුවේ නැහැ…කූපන් දාලා සම්මාන ගන්නා කලාවට මම කැමැති නැහැ…තුරුණු වියේ සංවේදී ආදර කතන්දරයක් විදියට පුංචි තිරය රස ගැන්වූ...
ප්‍රසන්නජිත් අබේසූරිය කියන්නේ ටෙලි සිනමා ක්ෂේත්‍රයට නැතුවම බැරි නමක්. දක්ෂ චරිතාංග රංගන ශිල්පියෙකු සේම නාට්‍ය හා රංග කලාව පිළිබඳ විශ්විද්‍යාල ආචාර්යවරයකු...
නිරූපණ ක්ෂේත්රයේ සිටින බොහෝ දෙනාට ඇය අමුත්තියක නොවෙයි. දශක දෙකකට වැඩි කාලයක් තිස්සේ නිරූපණ ක්ෂේත්රයේ නියැලී සිටින ශිල්පිනියකි. වෙළෙඳ දැන්වීම් හා...
"එතකොට තාත්තා දන්නවා මට සිංදුවක් කියන්න වුවමනා වෙලා කියලා.." "ජනප්‍රිය කෙනෙක් මගේ බිරිඳ කර ගන්න පවා අවස්ථා මට තිබුණා.." "සමහරු වෙඩින් කරලා...
