ටැටූ වලින් ගොඩ ගිය සුජී
තරුවලට ටැටු ගහන්න කලින් සුජී මෙතැනට එන්නේ ලොකු කැපකිරීමක් කරලා…පොඩි කාලේ ඉඳලම මම පේන්ටින්වලට හුඟාක් කැමති කෙනෙක්. ස්වීඩන් ඉඳලා ආපු ඩොමිනික් සිරිල් කියන ආර්ටිස් තමා මගේ පේන්ටින් දැකලා ටැටු කලාවට මගේ හිත යෙදෙව්වේ. ඊට පස්සේ තායිලන්තය, වියට්නාමය, ඩුබායි වගේ රටවල අවුරුදු 15ක් ටැටු ශිල්පියෙක් හැටියට වැඩ කරලා තමයි ලංකාවට එන්නේ. විශේෂයෙන්ම ලෝකයේ ජාතීන් 160කට වඩා ඉන්න ඩුබායි රටේදී මගේ ටැටු කලාව වැඩි වශයෙන් පෝෂණය වුණා කිව්වොත් නිවැරදියි.
සුජීට ෂේන් ෂින් මුණගැහෙන්නේ ඩුබායි රාජ්‍යයේදීයි.මට ශේන් ෂින්ව මුණගැහෙන්නේ ඩුබායි රාජ්‍යයේ ඉන්නකොට. ඒ අවුරුදු 15කට කලින්. පසුගිය දවස්වල මම ආයෙමත් ලංකාවට ආවාම ඔහුගෙ පවුලේ හැමෝම ටැටු ගහන්න මාව හොයාගෙන ආවා. ශේන්ගේ බෙල්ලේ ඔහුගේ නම ගහන්න කියලා තමයි මට කිව්වේ. ඊට පස්සේ ආම් එකේ ටැටු එකක් නිර්මාණය කළා. පසුගිය දවස්වල ශේන්ට ගහපු ටැටු අන්තර්ජාලයෙන් ලොකු කතාබහකට ලක්වුණා.
ගයාත්‍රි ඩයස් කියන්නේ තරුණ නොවුණත් තාමත් ලස්සනට ඉන්න කැමති කාන්තාවක්. ගයාත්‍රිත් ටැටුවලට කැමති චරිතයක්.. ගයාත්‍රිව සුජීට මුණගැහෙන්නේ හරිම අපූරු විදිහට.
ගයාත්‍රි ඩයස්ව මම හඳුනන්නේ නැහැ. අන්තර්ජාලය ඔස්සේ තමයි මම ඇයට ටැටු එකක් කරමු කියලා ආරාධනා කරන්නේ. ඇය මගේ ආරාධනාව පිළි අරගෙන මගේ ළඟට ආවා. එයාගේ අතට තමයි මම සිම්පල් ටැටු එකක් කළේ. ඊට පස්සේ මයික්‍රෝ බොඩින් කියන අයිබ්‍රෝස්වලට ගහපු ටැටු එකක් ගැහුවා. ඇය වයසින් තාරුණ්‍යය ඉක්මවා ගියත් යෞවනියන්ට වඩා කෙළිලොල් බවක් විදහාපාන චරිතයක්. මම හිතන්නේ ඇයට නිර්මාණය කළ ටැටු ගැනත් පසුගිය දවස්වල මාධ්‍ය තුළ කතාබහක් ගොඩනැගුණා.
කලාකරුවන්ට ටැටු මවන අතරේ ජින්ජර් සුජීව සොයාගෙන එන්නේ තවත් ආකර්ෂණීය ටැටු විලාසිතාවක් නිර්මාණය කරගන්න…ජින්ජර් කියන්නේ විලාසිතාවලට ප්‍රිය කරන අපූරු චරිතයක්. ඇයට මම මුලින්ම ගැහුවේ ආම් එකට ගැළපෙන ටැටු එකක්. වෝටර් කලර් මික්ස් කරපු ටැටු එකට ජින්ජර් හුඟක් කැමති වුණා. දැන් අවුරුදු පහක් තිස්සේ ඉඳන් ඇය ටැටු කරගන්න මගේ ළඟට එනවා. මම කැමතියි ලෝකයේ ජනප්‍රිය ස්ටාර්ස්ලා වගේ ලංකාවේ ස්ටාර්ලත් ටැටුවලින් තමන්ට ආකර්ෂණයක් ඇතිකර ගන්නවාට.
පසුගිය දවස්වල සුජී ළඟට පැමිණි බොහෝ තරුවලට ටැටු නිර්මාණය කළ ආකාරය ඔහු විස්තර කළා. ඒ වගේම ටැටු කලාවේ බොහෝ දෙනා අතර ඇති මත ගැනත් අදහස් එක් කරන්නත් සුජී අමතක කළේ නැහැ.ටැටු කියන්නේ ලෝකයේ ජනප්‍රිය තාරකාවල අනන්‍යතාව පෙන්වන එක් අංගයක්. බය නැතුව ඕනම කෙනෙක්ට ටැටු එකක් කරන්න පුළුවන්. මොකද අද තියෙන තාක්ෂණය එක්ක ඔබ ඒ ටැටු එකට අකමැති නම් මකලා දාන්න පුළුවන්.
ටැටු එකක් නියම සෞඛ්‍යාරක්ෂිත ආකාරයට ගැහුවොත් ශරීරයට අහිතකර නැහැ. සමහරු කියනවා ටැටුවල වර්ණ නිසා ශරීරයට හානි වෙනවා, කැන්සර් පවා හැදෙන්න පුළුවන් කියලා. නමුත් ලෝකයේ ටැටු කරන විදිහ දැක්කාම එය මිථ්‍යාවක් බව ඔප්පු වෙලා තියෙනවා.
ඒ වගේම ටැටු එකක් කරනකොට වේදනාවක් දැනෙනවා කියනවා. ඒක ටැටු එක කරන කෙනා අනුව වෙනස් වෙනවා. මොකද ටැටු එක ගැන උන්මාදයෙන් ඉන්න කෙනාට වේදනාවක් දැනෙන්නේ නැහැ. සමහර අයගේ ටැටු දවස් හතරක් විතර කරනවා. දවසට පැය තුන හතර ගානේ දවස් හතරක් පුරා ටැටු ගැහුවත් රිදෙන්නේ නැති අය ඉන්නවා. වේදනාව කියන එක ටැටු එක ගහන කෙනාගේ මානසිකත්වය අනුව තමයි තීරණය වෙන්නේ. ඒ වගේම වේදනාව අඩුකර ගන්න ක්‍රම පවා තියෙනවා.
කාන්තාවන් හා පිරිමි යන දෙපාර්ශ්වයේම අද ටැටු විලාසිතා කරනවා. කාලෙන් කාලෙට ට්‍රෙන්ඩ් එක වෙනස් වෙනවා. ජ්‍යාමිතික රූප සම්බන්ධ ක්‍රමයට නිර්මාණය කරන ටැටුවලට තමයි මේ දිනවල වැඩිම ඉල්ලුමක් තියෙන්නේ. ඒ වගේම ටැටු එක ගහන තැන ඒ කෙනාගෙ කැමැත්ත අනුව තීරණය වෙනවා. ඒ වගේම තරාතිරමක් නැතිව සෑම ක්ෂේත්‍රයකම අය අද ටැටු එකක් ගහන්න උනන්දු වෙනවා. අවුරුදු 20-40 අය අතර තමා වැඩිම කැමැත්ත තියෙන්නේ. ගුවන් සේවාවල වැඩ කරන අය, වෛද්‍යවරු ඇතුළු පිළිගත් රැකියා කරන අය අතරත් ටැටු ජනප්‍රිය විලාසිතාවක් බවට පත්වෙලා තියෙනවා. ටැටුවලට ගැළපෙන ආකාරයට හිසකෙස් සකස් කිරීමද බෙහෝ දෙනා අතර විලාසිතාවක් බවට පත්වෙලා තියෙනවා.
ක්‍රිෂාන්ත පුෂ්පකුමාරඋපුටා ගැනීම අරුණ
