මගේ හොඳ වැඩ ටිකක් ඉස්සරහට එනවා…

මගේ පෙනුම නිසා තමා අහිංසක චරිත ලැබෙන්නේ…

ආදරයෙන් කඳුළු සැලූ ඒ පුංචි අහිංසකාවිය විවිධ චරිත හරහා ඔබට සමීප වෙමින් අද ජනප්‍රිය රංගන ශිල්පිනියක් බවට පත්වෙලා. ෂෙහානි කහඳවල නම් මේ අහිංසකාවියත්පසුගිය දවස්වල අසනීප වෙලා හිටියේ. ඉතින් ඇයගේ සුවදුක් ගැන විමසමින් ඇයගේ කලා දිවියේ ඉදිරි වැඩකටයුතු ගැන අප විමසුවා…

පසුගිය දවස්වල ෂෙහානි ඔබත් මේ කොවිඞ්වලට ගොදුරු වෙලා හිටියේ. දැන් කොහොමද ඔබගේ අසනීප තත්ත්වය?ඔව්… මට කොරෝනාව කොහෙන් බෝ වුණාද කියලා මම දන්නේ නැහැ. මම එහෙම ඇවිදින්න යන්නේ නැහැ. ගෙදරට වෙලා තමයි ඉන්නේ. උණ, සෙම්ප්‍රතිශ්‍යාව වගේ බාහිර රෝග ලක්‍ෂණ මටත් පෙන්නුවා. ඉතින් වෛද්‍ය පරීක්‍ෂණ අනුව මටත් කොරෝනා රෝගය වැලඳී ඇති බව දැනගන්න ලැබුණා. දැන්නම් හුඟාක් දුරට හොඳයි.

පසුගිය දවස්වල නිර්මාණ කටයුතු සඳහා සම්බන්ධ වුණේ නැද්ද?නිර්මාණ කිහිපයක වැඩ කළා. අලුත් නිර්මාණවලින් ආරාධනා ලැබුණා. ඒ සියල්ලම මේ කොරෝනා ප්‍රශ්න නිසා කල්ගියා. මොකද රූගත කිරීම් සඳහා මේ දවස්වල දර්ශන තල සොයා ගැනීමට අපහසු නිසා.

ඔබට ආරාධනා ලැබෙන නිර්මාණ ප්‍රතික්‍ෂේප කරන්නේ ඇයි?මේ වන විට නිර්මාණ කිහිපයකම මම වැඩ කළා. හැබැයි ඉතින් මම එහෙම එක දිගට නිර්මාණවල වැඩ කරන්න කැමැති නැහැ. නිර්මාණ දෙකක් විතර බාරගෙන වැඩ කරනවා. එහෙම ඔක්කොම බාරගෙන වැඩ කරන්න ගියොත් කරන වැඩ ටිකවත් මට හරියට කරගන්න බැරි වෙනවා. එහෙම වුණාම මම නිර්මාණයට වගේම චරිතයට ලොකු අසාධාරණයක් කරන්නේ. ඉතින් පොඩි විවේකයක් අරගෙන නැවැත වැඩවලට සම්බන්ධ වෙනවා.

ඔබව හැමදාමත් අපි දකින්නේ අහිංසකාවියගේ චරිත තුළින්, සුවිශේෂී චරිත ලැබුණේ නැද්ද?මම වැඩ කරපු හැම චරිතයක්ම මම විනිවිද බවක් දකිනවා. මට එවැනි චරිත කරන්න ලැබෙන්නේ මගේ බාහිර පෙනුමත් නිසා වෙන්නට ඇති. හැබැයි ඉදිරියේදී මම වැඩ කරපු සුවිශේෂී චරිත කිහිපයක් දැකබලා ගන්න පුළුවන්.

චිත්‍රපට රංගනය වෙනුවෙන් ඔබේ දායකත්වය පසුබවක් දකිනවා?අවුරුදු දෙකක් තිස්සේ ඉඳලා සිනමා ශාලා වැහිලා. ඉතින් අලුත් චිත්‍රපට නිර්මාණවලින් දායක වීමට මම බලාපොරොත්තු වුණත් කොහොමද කරන්නේ මේ කොවිඞ් කතන්දරයත් එක්ක. ඒ සියලුම වැඩකටයුතු ඉදිරියට ගියා. මගෙත් ලොකු සිහිනයක් තිබෙනවා හොඳ සිනමා නිර්මාණයකට සම්බන්ධ වෙන්න.

වසන්ත විතාරණගේඋපුටා ගැනීම මව් රට

Share This Article

බෝනික්කෝ වගේ හැඩ අක්කා නඟෝගෙ වැඩ!

වසරේ ආරම්භයත් සමග අපේ ‘හාට්’ පිටු වලට පුංචි සුරංගනාවියන් දෙදෙනෙක් ගැන දැනගන්නට ලැබුණා. මෙහි විශේෂත්වය වන්නේ එකම පවුලේ අක්කයි, නංගියි ‘ගුග්ලි’...

එයා වටේටම කෝල් කරලා මාව හොයන්නේ නෑ ඒක තමයි මගේ නිදහස.

ලලයි ලිලයි ලයි හි රාධිකා කියන්නේ මේ දිනවල කාගේත් කතාබහට ලක්වෙලා ඉන්න චරිතයක්. රාධිකාට ජිවය දෙන්නේ රාධිකා ගුණවර්ධන. ඇය අපිට මින්...

අඩනිරුවත් චරිත හැමෝටම රඟපාන්න බැහැ! කොටට අඳිනවා කියන්නේ අමුතු දෙයක්ද?

සමහරු වැඩි කැමැත්තක් නැහැ…මට කියලා විශේෂයක් කරන්නේ නෑ…‘දූවිලි අහසේ’ පියාසර කරමින් ගුවන් සේවිකාවක් ලෙස කටයුතු කරන සුන්දර හැඩකාරියක් තමයි පියුමාලි පාලමකුඹුර....

මම ටෙලි නාට්‍යයක් අධ්‍යක්ෂණයට ලෑස්ති වෙනවා.

කලා ක්ෂේත්‍රයේ විවිධ චරිත අතර ගයත්‍රි ඩයස් කියන්නේ හැමෝගේම අවධානයට ලක්වෙන චරිතයක්. ආකර්ෂණීය පෙනුම සහ දක්ෂතාව නිසාම ටෙලි තිරයේ නිතර දෙවේලේ...

නීලා ඇවිත්! (PHOTO)

ඉතාලියේ ශ්‍රී ලංකා කොන්සල්ජනරාල් , ප්‍රවීන ගායිකා නීලා වික්‍රමසිංහ මහත්මියගේ  දේහය ඊයේ රාත්‍රී කටුනායක ගුවන් තොටුපළ වෙත රැගෙන විත් තිබේ . එම...

ගුණ සුවඳින් පිරුණු හයසින්ත් විජේරත්න මාතාව

හයසින්ත් විජේරත්න දයාබර රංගන ශිල්පිනිය අප අතරින් වෙන්වී තෙමසක් ගතවන මොහොතේ ඇගේ ගුණ සුවඳ මෙනෙහි කරමින් කෘතවේදී සටහනක් තැබීම අපගේ යුතුකමයි.දස...