මොනවා කළත් පවුල් ජීවිතයට මුල්තැන දෙනවා

මේ දිනවල විකාශය වන ‘ඉස්කෝලේ’ ටෙලිනාට්‍යයේ ‘ආලෝකා’ චරිතය ඔබ දන්නවා ඇති. ඒ චරිතයට පණ පොවන ඇය නදුනි කරුණාතිලක. ඇගේ ආදරණීය සැමියාද ජනප්‍රිය රංගන ශිල්පියෙක්. ඉතින් මේ දෙන්නාගේම නවතම කලා තොරතුරු දැනගන්න අපි නදුනි සමඟ කතාබහක නියැලුණා.

මේ දවස්වල විශේෂ වැඩක් නැහැ. පසුගිය දවස්වල මගේ සීයා නැති වුණා. සීයාගේ මළගෙදර වැඩකටයුතු සමග තමයි හිටියේ.

‘ඉස්කෝලේ’ ටෙලිනාට්‍යයේ මම ආලෝකාගේ චරිතය තමයි රඟපාන්නේ. පාසල් ගුරුවරියක් ලෙස රඟපාන නිසා වයස් භේදයකින් තොරව හොඳ ප්‍රතිචාර ලැබෙනවා.

මොකද සමහරු කැමැති ඉස්කෝලේ වැහිලා යනවාට. මම ඒකට විරුද්ධ නිසා ප්‍රශ්න මතුවෙනවා. ඒ විතරක් නෙවෙයි, මන්ත්‍රීවරුන්ගෙන්, ඒ වගේම සමහර ගම්වැසියන්ගෙනුත් ප්‍රශ්න මතුවෙනනවා. ඒ හැම දේකටම මුහුණ දෙමින් පාසල බේරාගන්න තමයි මම කටයුතු කරන්නේ.

ආලෝකා කියන්නේ නුවර ප්‍රදේශයේ හැදුණු වැඩුණු කෙනෙක්. දුෂ්කර පාසලකට තමයි පත්වීම අරගෙන එන්නේ, විද්‍යා ගුරුවරියක් විදියට. ඉතින් ආලෝකාගේ ජීවිතයට සමාන ගති ලක්ෂණ මා තුළත් තිබෙන නිසා චරිතය නිරූපණය කිරීමට පුංචි පහසුවකුත් දැනෙනවා.

මගේ ෆේස්බුක් එකේ පින්තූර දැකලා තමයි සම්බන්ධ වුණේ. මම මුලින්ම රඟපෑවේ ‘දෙවෙනි ඉනිම’ ටෙලිනාට්‍යයේ මාලිකාගේ චරිතය. පසුව ‘පාවෙලා වලාකුළේ ඒවිද අම්මා’ ටෙලිනාට්‍යයේ රඟපෑවා.

ඔව්, ඔහු දිනුෂ දිසානායක. හැබැයි අපි ආදරය කරන කොට කලාවට සම්බන්ධ වෙලා හිටියේ නැහැ. අවුරුදු හතරක් විතර ආදරය කරලා තමයි විවාහ වුණේ.

අපි දෙන්නා එකට රඟපෑවේ ‘පාවෙලා වලාකුළේ ඒවිද අම්මා’ ටෙලිනාට්‍යයේ. එතකොට අපි විවාහ වෙලා හිටියේ. හිතට පොඩි බයකුත් දැනුණා. නමුත් ඔහු ළඟ ඉන්න නිසා පොඩි සැහැල්ලුවකුත් දැනුණා.

අපි දෙන්නා අතර තිබෙන විශ්වාසයත් එක්ක අපට එහෙම කිසිම ප්‍රශ්නයක් නැහැ. මොන ප්‍රශ්නයක් ආවත් අපි දෙන්නා ඒ දේවල් කතාබහ කරලා විසඳා ගන්නවා. අපි දෙන්නට දෙන්නා හොඳ අවබෝධයකින් තමයි වැඩ කරන්නේ.

මට නිර්මාණයකින් ආරාධනාවක් ලැබුණොත් ඔහුත් පිටපත සහ චරිතය ගැන කියවලා බලනවා. මට කරන්න පුළුවන් නම් කරන්න කියලා ඔහු නිදහස දීලා තියෙන්නේ. ඒ නිසා කිසිම ප්‍රශ්නයක් නැහැ.

මම කලින් කිව්වා වගේම මේ ක්ෂේත්‍රය ගැන අපි දෙන්නා හොඳ අවබෝධයකින් ඉන්නේ. මම ගෙදර නැති වෙලාවට දිනුෂ ඉන්න පුළුවන්. ඔහු ගෙදර නැති වෙලාවට මම ඉන්නවා වෙන්න පුළුවන්. හැබැයි එහෙම වුණා කියලා අපි අතර කිසි ප්‍රශ්නයක් නැහැ.ගෙදර වැඩකටයුතු වුණත් දෙන්නාම ඒ වෙලාවට කරගන්නවා. මම මොන දේ කළත් පවුල් ජීවිතයට මුල් තැන දෙමින් තමයි කටයුතු කරන්නේ.

ඔව්, මම සංගීතය තමයි හැදෑරුවේ. දැනටමත් ගීත කිහිපයක් හදාගෙන යනවා. ඉදිරියේදී මගේ ආදරණීය ප්‍රේක්ෂකයන්ට ඒවා රසවිඳින්න පුළුවන් වේවි.

වසන්ත විතාරණගේඋපුටා ගැනීම saaravita.lk