බියොන්සෙ ගේ හිනාව කැමරාවට විතරයි

ජනප්‍රිය ගායිකා බියොන්සෙගේ විවාහ ජීවිතය අඳුරු වෙන්නට පටන්ගෙන තිබෙනවා. ඇය විවාහ වී සිටින්නේ ඇමෙරිකානු රැප් ගායකයකු සහ ව්‍යාපාරිකයකු වන ජේ ඉසෙඩ් සමඟයි. ඔවුන් දෙදෙනා විවාහ වුණේ 2008 දීයි.

වයස අවුරුදු 4ක දියණියකගේ මවුපියන් වන මේ යුවළ දික්කසාදයකින් තම විවාහය කෙළවර කරගන්නට යන බවක් වාර්තා වෙනවා.

මේ හේතුවෙන් ලබන මාසයේදී ඇරැඹීමට සියල්ල සූදානම් කර තිබූ ‘ෆෝමේෂන්’ නම්වූ බියොන්සේගේ සංගීත ප්‍රසංග මාලාව අවිනිශ්චිත තත්ත්වයකට පත්වෙලා. කෙසේ වෙතත් තවමත් බියොන්සේ සහ ජේ ඉසෙඩ් යුවළ තම දෛනික ජීවිතයේ වැඩ කටයුතු සාමාන්‍ය පරිදි සිදු කරමින් සිටිනවා.

විශේෂයෙන්ම, දෙදෙනාගේ ව්‍යාපාර කටයුතු අඩාළ නොවන්නටයි වග බලාගෙන ඇත්තේ.

බොහෝ දෙනා පවසන්නේ කැමරාකරුවන් ඉදිරියේ බියොන්සේ සහ ජේ ඉසෙඩ් සිනාමුසු මුහුණුවලින් පෙනී සිටිය ද දෙදෙනා අතර කිසිදු සුහදකමක් නොමැති බවයි.

පසුගිය මාසයේ මුල් භාගයේ දිනකදී ලොස් ඇන්ජලීස් නුවර පැවැති සාදයකට එක්වූ බියොන්සෙ ප්‍රකාශ කර ඇත්තේ තම විවාහ දිවිය කෙළවර වී ඇති බවයි.සිලුමිණ