ජැකලින් පිඹුරකු සමඟ රඟපායි
මේ දිනවල රූගත වන චිත්‍රපටයක් තමයි, ‘ඩිෂූම්’. එය අධ්‍යක්ෂණය කරන්නේ රෝහිත් ධාවන්. මෙහි ප්‍රධාන චරිත රඟන්නේ ජෝන් ඒබ්‍රහම්, වරුන් ධාවන් සහ ජැකලින් ෆර්නැන්ඩස්. චිත්‍රපටයේ එන එක්තරා ගීතයක් රූගත කිරීමට මේ තුන්දෙනාට සිදුවුණේ භයානක සතකු ළඟ තබාගෙනයි.
ඒ, අනතුරුදායක සත්ත්වයා තමයි, පිඹුරා. අධ්‍යක්ෂවරයා පැවසුවේ මෙම ගීතය වඩාත් ලස්සන වන්නේ සැබෑ පිඹුරෙකු ද එයට එක්කර ගතහොත් පමණක් බවයි. ඒ අනුව බිය සැක දුරු කර පිඹුරකු සමඟ රඟපාන්නට ජැකලින්, ජෝන් සහ වරුන් එකඟ වුණා.
“මේ වගේ සතෙක්ව ළඟ තියාගෙන ගීතමය ජවනිකාවක් රඟපෑම හරිම අමාරු, අවදානම් දෙයක්. ඒත් අපි සතුටෙන් ඒක කළා. චිත්‍රපට කණ්ඩායමේ ශිල්පීන් අපිට හොඳ සහයෝගයක් ලබා දුන්නු නිසයි, සාර්ථකව රඟපාන්න හැකි වුණේ.
මේ ජවනිකාව රූගත කරද්දි ඒක බලන්න රසික රසිකාවියන් විශාල පිරිසක් එක්රොක් වුණා.” ජැකලින් සුපුරුදු සිනහව නංවමින් පැවසුවා.සිලුමිණ
