බොලිවුඩයේ පරම්පරා පහක අභිමානය වෝග් කවරයට
පසුගියදාක වෝග් සඟරාව බොලිවුඩයේ පරම්පරා පහක අභිමානය සැමරුවා. ශ්‍රී දේවී, කරිෂ්මා, කාජල්, කරීනා, ආලියා යන බොලිවුඩයේ සම්මානනීය රංගන ශිල්පීන් පස්දෙනකු වෝග් කවරය සඳහා හැඩගැන්වීමේ ගෞරවය හිමිවන්නේ මනිෂ් මල්හෝත්‍රාටයි.
මනිෂ් මල්හෝත්‍රා රංගන ශිල්පීන්, ශිල්පිනියන් හැඩගැන්වීමේ කටයුතුවල නිරත වන්නේ වසර 25ක කාලයක සිටයි. එසේම වසර 10ක කාලයක සිට ඔහු වෝග් සඟරාවේ කවර නිර්මාණ සඳහා ඇඳුම් නිර්මාණ ශිල්පියකු ලෙස සහාය පළ කරනවා.ඒ නිසාම සිය නිර්මාණශීලී හැකියාව සහ වසර 25ක අත්දැකීම් සමරමින් මෙම කවරය නිර්මාණය කිරීම මනිෂ් මල්හෝත්‍රාගේ අරමුණ වුණා. සිය ට්විටර් ගිණුම හරහා මනිෂ් සිය අදහස් පළ කරමින් කියා සිටියේ සිය 25 වසරක අත්දැකීම් සපිරි වෘත්තියට සහ වසර 10ක් පුරා වෝග් සඟරාව ඉන්දියාවට දැක්වූ සහයෝගයට සිය ස්තුතිය පළ කරමින් මෙම සඟරා කවරය සැකසූ බවයි.
කෙසේ වෙතත් මෙම කවරයේ තවත් විශේෂත්වයක් තිබෙනවා. එයට හේතුව මෙම රංගන ශිල්පිනියන් පස්දෙනාම මේ වන විට ඉන්දියාවේ තිරගත වන චිත්‍රපටවලට සහ ඉදිරියේදී තිරගත වීමට නියමිත චිත්‍රපටවලට රංගනයෙන් දායක වී සිටීමයි.කාජල්, ෂාරුක් ඛාන් සමඟ දිල්වාලේ චිත්‍රපටයට රංගනයෙන් දායක වන අතර කරීනා, අර්ජුන් කපූර්ගේ චිත්‍රපටයකටත්, කරිෂ්මා සහ ශ්‍රී දේවී ඉදිරියේදී තිරගත වීමට නියමිත චිත්‍රපට දෙකකින් රිදී තිරයට ප්‍රවිෂ්ට වීමට නියමිතයි. ආලියා බාත්ද ඉදිරියේදී තිරගත වීමට නියමිත චිත්‍රපටයකින් හින්දි සිනමා ළැදි රසිකයන්ට දැක බලා ගත හැකියි.වසර 25ක් පුරා ඉන්දියානු සිනමාවේ බලවත්ම කාන්තාවන් පස්දෙනා ලෙස ශ්‍රී දේවි, කරිෂ්මා, කාජල්, කරීනා සහ ආලියා හඳුන්වනවා.
හංසි ආටිගලමව්බිම
නිතරම දකින බොලිවුඩ් තරුවක් නොවුණත් සොනක්ෂි සිංහ නම් වූ මේ රූපවන්තිය වත්මන් යොවුන් පරපුර අතර වඩාත්ම ජනප්‍රියයි. ඇය රංගනයට මෙන්ම නර්තනයටත්...
ඉන්දියානු සිනමාව යනු ලෝකයේ අන් රටවල පිහිටි සිනමාවන්ගෙන් බොහෝ සෙයින් වෙනස්වන්නා වූ සංකීර්ණ ස්වරූපයකින් සමන්විත සිනමා කලාපයකි. මන්ද එක් රාජ්‍යයක් තුළ...
බොලිවුඩ් සිනමාවේ ජනප්‍රිය මෙන්ම ප්‍රවීණ නළුවකු වන සන්ජේ දත්, පෙනහලු ආශ්‍රිත පිළිකා තත්ත්වයකින් පීඩා විඳින බව ඉන්දීය මාධ්‍ය වාර්තා කරයි. සන්ජේ දත්ට පෙනහළු...
අපි අමාරුවෙන් හම්බකරපු සල්ලි මේ…ඉන්කම් ටැක්ස් ප්‍රශ්න යනු සුපිරි බොලිවුඩ් තරුවලට අලුත් දේවල් නොවේය. සෑම වසර කිහිපයක් පාසාම වාගේ සුපිරි තාරකාවන්...
ජනප්‍රිය ගායිකා යොහානි මෙන් ලංකාවේ නාමය ලෝකයක් ඉදිරියට ගෙන ගිය තවත් තරුවක් වන්නේ ජැකලින් ෆර්නැන්ඩස්ය. ඈ බොලිවුඩයේ අති දක්ෂ රංගන ශිල්පිනියකි....
තාත්තා නිසා රිතික් දෙලොවක් අතර රුපියල් කෝටි ගණනින් මුදල් වියදම් කරමින් ප්‍රචාරක වැඩ සටහන් දියත් කරන්න බොලිවුඩ් පුරයේ චිත්‍රපට නිෂ්පාදකවරු පැකිලෙන්නෙ නැහැ....
