Gravity
පසුගිය දිනක ලන්ඩන් නුවර රෝයල් ඔපෙරා හවුස්හිදී නිමාවට පත්වූ, ජාත්‍යන්තර වශයෙන් අවධානයට සහ විචාරයට පත් වුනු චිත්‍රපට සම්මාන උළෙලක් වන BAFTA හෙවත් බ්‍රිතාන්‍ය ඇකඩමි සම්මාන උළෙලෙහිදී පෙර වසරේ අතිසාර්ථකව තිරගත වූ බොහෝ චිත්‍රපටි රාශියක් ඇගයීමට ලක්විය. විශ්වය යනු බොහෝ රහස් සඟව ගත්, නිහඬ නිශ්චල ස්ථානයකි. එහි ආරම්භය සහ අවසානය මෙතෙක් යැයි අවබෝධ කරගත්තෙකු හෝ, නැත්තේය. කුමනාකාරයේ විශ්මය ජනක දෑ එහි වේදැයි හෝ සිදුවේදැයි කිසිවෙකු නොදනී. බ්‍රිතාන්‍ය ඇකඩමි සම්මාන උළෙලෙහිදී හොඳම ශබ්ද සංයෝජනය මෙන්ම හොඳම පසුබිම් චිත්‍රපට සංගීතයට හිමි සම්මානය දිනා ගැනීමට විශ්වයේ අත්භූත හඬ සංකලනය වූ Gravity චිත්‍රපටයේ සංගීත නිර්මාණය වෙනුවෙන් ස්ටීවන් ප්‍රයිස් සේම හොඳම කැමරාකරණයට හිමි සම්මානය දිනා ගැනීමට Gravity චිත්‍රපටය වෙනුවෙන් විශිෂ්ට කැමරාකරණයක නිරතවූ එම්මානුවෙල් ලුබෙස්කි විසින් සමත් විය. තවමත් බොක්ස් ඔෆිස් වාර්තා අතර සැරිසරමින් ලොව පුර තිරගතවන Gravity චිත්‍රපටය, විද්‍යාත්මක ත්‍රිමාණ ප්‍රබන්දයක් වන අතර එය අල්ෆොන්සෝ කුඕරන් අතින් අධ්‍යක්ෂණය වුවකි. මෙහි ඇති විශේෂත්වය වන්නේ අල්ෆොන්සෝ කුඕරන් සමඟින් ඔහුගේ පුත් ජෝනාස් කුඕරන් ද තිර රචනයෙන් සහය වෙමින් චිත්‍රපට තිර රචකයකු ලෙස රිදී කරලියට පැමිණීමයි. Gravity චිත්‍රපටය බ්‍රිතාන්‍ය ඇමරිකානු සහයෝගිතා ප්‍රයත්නයක සාර්ථක පිළිතුරක් වේ. ගිය වසරේ අගෝස්තුවේදී 70 වෙනි වැනිස් චිත්‍රපට උළෙලෙහිදී ප්‍රථම වරට තිරගත කොට ලොව පුරා තිරගතවීම ඇරඹුණේ 2013 වසරේ ඔක්තෝම්බර් මුල් සතියේ සිටය. ජාත්‍යන්තර අභ්‍යවකාශ මධ්‍යස්ථානයේ නඩත්තු කටයුත්තක් වෙනුවෙන් දියත් කල මිෂන් STS-157 වෙනුවෙන් බොහෝ පළපුරුදු ඇති අභ්‍යවකාශගාමි කමාන්ඩර් මැට් කොවල්ස්කි සහ ප්‍රථම වතාවට අභ්‍යවකාශ මෙහෙයුමකට සම්බන්ධවන රයන් ස්ටෝන් සහභාගී වෙයි. රයන් ස්ටෝන් අභ්‍යවකාශ හබල් දුරේක්ෂයේ නඩත්තු කටයුතු වල නිරතවෙමින් සිටියදී හදිසියේ ඇතිවීමට පටන් ගන්නා උල්කාපාත වරුසාවක් පිලිබඳ පෘථිවියෙන් අනතුරු ඇඟවීමක් ලැබේ. නඩත්තු කටයුත්තේ අවසාන මොහොතේ සිටී ස්ටෝන් එය අවසන් කොටම ආරක්ෂාකාරී වීමට සැලසුම් කරයි. නමුත් අනපේක්ෂිත ලෙස උල්කාපාත වරුසාවෙන් බැටකන පිරිස විශ්වයට විසිවියාමත් සමඟ ඇරඹෙන ග්රවිට්ය් චිත්‍රපටය මිනිත්තු 91ක් පුරාවට දිගහැරේ. රයන් ස්ටෝන් වෙනුවෙන් සැන්ඩ‍්‍රා බුලොක් සහ මෑට් කොවල්ස්කි ලෙසින් ජෝර්ජ් ක්ලුනි රංගනයෙන් දායක වන Gravity හිදී ඔවුනට නැවතත් මහපොළවේ ගුරුත්වාකර්ශනයට නතුවීමට හෝ අත්විදීමට වරම් ලැබේවිද? නෙත්මි
ඇමෙරිකාව තුලදී නිර්මාණය වීම ඇරඹි Marvel Comic කතා මාලාවන් දැන් දැන් චිත්‍රකතාවලට පණපෙවුණු චිත්‍රපට වීමටත් ලොව පුරා සීඝ්‍ර ලෙස ජනප්‍රිය වීමටත්...
මෙය 7.3/10 IMDB අගයක් ලැබූ 2018 වර්ෂයේ නිකුත් කල Horror/Drama වර්ගයේ චිත්‍රපටියකි. මෙහි ධාවන කාලය පැය දෙකකුත් විනාඩි වේ.ඇනී ග්‍රැහැම්...
මායාව යනු කුමක්ද? මායාව කියන්නේ මුලා කිරීම, නමුත් මුලා කිරීමේ අභිප්‍රාය වන්නේ සොම්නස, විනෝදය ඇති කිරීම, ප්‍රබෝධවත් කිරීමයි. මායාව තිබෙනුයේ විශ්වාස...
මෙය 6.5/10 IMDB අගයක් ලැබූ 2009 වර්ෂයේ නිකුත් කල Horror/Supernatural වර්ගයේ චිත්‍රපටියකි. මෙහි ධාවන කාලය පැයකුත් විනාඩි තිස් නවයක් වේ."1969 පැසඩෙනා...
මෙය 7.2/10 IMDB අගයක් ලැබූ 2013 වර්ෂයේ නිකුත් කල Horror/ Drama/ Sci-fi වර්ගයේ චිත්‍රපටියකි. මෙහි ධාවන කාලය පැයකුත් විනාඩි 29ක් වේ."එක්...
ඔබ කැමැතිද මෙගා නාට්‍ය බලන්න? අවුරුදු ගණන් කොටස් හාර පන්සීයක් තරම් දිගට ඇදෙන මෙගා නාට්‍ය බලන්න ඔබ කැමැතිද? ඔබ කැමැති වුණත්,...
