The Book Thief
කියවීම මිනිසා සම්පුර්ණ කරන බව කවුරුත් දන්නා කියන කාරණයකි. කියවීමෙන් ලබන්නා වූ දැනුම මිනිසකු පරිපුර්ණත්වයට පත්කරවන අයුරු මෙන්ම ඒ තුලින් ලෝකය දැකිය හැකි අයුරු අරුම පුදුම නොරහසකි. කියවීම පවා තහනම් වුණු ලෝකයේ අඳුරුතම යුගයක් වූ දෙවන ලෝක යුධ සමය ඉතා බිහිසුණු මෙන්ම භයංකර මතක රාශියක් බිහිකළ දැවුණු කාල පරිච්ජේදයකි. 1939-1945 හිදී ජර්මනිය තුල හිට්ලර් වෙනුවෙන් එරෙහිවුණු වුන් වෙනුවෙන් සිදුවූ ශෝචනීය ඉරණමට නාසි යුධ කඳවුරු සාක්ෂි දරයි. 2005 වසරේදී ප්‍රකාශයට පත් ඕස්ට්‍රේලියානු ගත්කතුවර මාර්කස් සූසක් (Markus Zusak)ගේ The Book Thief නවකතාව පාදක කරගනිමින් නිපදවූ The Book Thief චිත්‍රපටය ජර්මානු නාසි යුධ සමය අලලා ගොඩනැගෙන කතාවකි. බ්‍රයන් පර්සිවල් (Brian Percival) ගේ අධ්‍යක්ෂණයෙන් සහ මයිකල් පෙට්‍රෝනි (Michael Petroni) ගේ තිර රචනයෙන් නිමවුණු The Book Thief චිත්‍රපටයේ සංගීත අධ්‍යක්ෂණය ජෝන් විලියම්ස් (John Williams) අතින් සිදුවුවකි. 2013 ඔක්තෝම්බර් 3 වැනි දින Mill Valley Film Festival හිදී මංගල තිරගතවීම සිදුවුවද එයා ප්‍රේක්ෂක අතට නිසිලෙස පත්වන්නේ 2013 නොවැම්බර් 8 වැනි දින සිටය. චිත්‍රපටය පුරාවටම එහි කථකයා වන්නේ මරණයයි. ලියසෙල් සහ ඇගේ සොහොයුරා මාව සමගින් කෝච්චියෙන් ජර්මනියට පැමිණෙමින් සිටී. ඒ එන අතරමගදී මිය යන ඇගේ සොහොයුරා මිහිදන් කරන මොහොතේදී මිනී වලවල් කපන්නාගෙන් වැටුණු පොතක් ඇය අහුලා ගනී. ඉංගිරිසිය ඉගැනීම තහනම් වුනු යුගයක තනිව හෝ ඉගෙනීමට බොහෝ සෙයින් ඇලුම් කල ලියසේල්ට ඇයගේ අලුත් පවුලේ පියා වන හෑන්ස්, ඇයට ඉගෙනීමට බෙහෙවින් උදව් උපකාර කරයි. ඇය කියවීමට පටන් ගන්නා මුල්ම පොත වන්නේ මිනී වලවල් කපන්නගෙන් අහුලාගත් ඔහුගේ ජර්නලයයි. පහල තට්ටුවම තනිකරම ඇයගේ ශබ්ද කෝෂය බවට පත් කර ගන්නා ඇය හිතනා ආකාරයට පොත් ණයට ගනිමින් කියවීම පුළුල් කරයි. 17ත් වන හොලිවුඩ් චිත්‍රපට සම්මාන උළෙලෙහිදී Spotlight සම්මානය, Phoenix Film Crities Society සම්මාන උළෙලෙහිදී නවක හොඳම තරුණ රඟ දැක්වීම වෙනුවෙන් මෙන්ම Satellite Awardsහිදී හොඳම නවක සම්ප්‍රාප්තිය හිමි සම්මානය දිනූ සොෆී නෙලිස්සේ (Sophie Nelisse) ලියසෙල් ලෙසින්ද, ජෙෆ්රි රෂ් (Geoffrery Rush) හෑන්ස් හෙවත් අලුත් පවුලේ පියා ලෙසින්ද, එමලි වොට්සන් (Emily Wotson) රෝසා හෙවත් අලුත් පවුලේ අම්මා ලෙසත්, රූඩි හෙවත් ලියසෙල්ගේ හොඳම මිතුරා ලෙසින් නීකෝ ලෙයර්ස්ච් (Nico Liersch) ද, මැක්ස් ලෙසින් බෙන් ස්ච්නේට්සර් (Ben Schnetzer) ද, රංගනයෙන් දායක වේ. කථකයා හෙවත් මරණය ලෙසින් හඬ අවදි කරන්නේ රොජර් ඇලම් (Roger Allam) ය. පොත් පිළිස්සීම වෙනුවෙන් උත්කර්ෂවත් ලෙස සමරමින් උත්සව පැවැත්වූ නාසි යුධ අවධියේදී කියවීමට රුචි ඇති වුන් පොත් හොරකම් කරනු විනා අන් කවරක්නම් කරත්ද. මිනිත්තු 131ක් පුරාවට සිදුවන පොත් සොරකමක් එහෙත් එය සැබෑවටම පොත් සොරා ගැනීමක්ද, නැතිනම් පොත් ණයට ඉල්ලා ගැනීමක්ද?
නෙත්මි
