ජැකලින්ගේ රහස් ඡායාරූප කිහිපයක් ලීක්වෙයි

ජනප්‍රිය ගායිකා යොහානි මෙන් ලංකාවේ නාමය ලෝකයක් ඉදිරියට ගෙන ගිය තවත් තරුවක් වන්නේ ජැකලින් ෆර්නැන්ඩස්ය. ඈ බොලිවුඩයේ අති දක්ෂ රංගන ශිල්පිනියකි. ජැකී යැයි කවුරුත් ආදරයෙන් හඳුන්වන ඇය බොලිවුඩයේ සිනමා රජු වන සල්මන් ඛාන්ගේ පෙම්වතිය කියාත් විවිධ වූ කටකතා පැතිරුණි. කලක් නිහඬව සිටි ඈ යළිත් කරළිය පැමිණියේ ‘හාදුවක්’ නිසාය. ඒ මීට මාස කිහිපයකට පෙර මුදල් වංචාවක් සම්බන්ධයෙන් වරදකරු වූ සුකේෂ් චන්ද්‍රසේකර් විසින් ජැකලින්ට හාදුවක් දෙන ඡායාරූපයක් ඉන්දීය මාධ්‍ය මගින් ප්‍රසිද්ධ කිරීමත් සමගයි.

ජැකලීන් ප්‍රසිද්ධ නාළිකාවකට පවසා තිබුණේ තමාත් සුකේෂ් අතරත් කිසිදු ආකාරයක සම්බන්ධයක් නොතිබුණු බවයි. මේ ප්‍රකාශය ඇය සිදුකර ගත වූයේ දින තුනක කාලයකි. ‘ඉන්ඩියා ටුඩේ’ වෙබ් අඩවිය මගින් ඔවුන් දෙදෙනා නාන කාමරයක සිප වැළඳ ගන්නා ආකාරයේ ඡායාරූපයක් ප්‍රසිද්ධියට පත් කර තිබුණි. ඒ සමගම යළිත් වරක් ජැකීගේ පෙම් කතාව සමාජ මාධ්‍යවල රසකතාවක් විය.

දුරකථනයේ රහස….‘ඉන්ඩියා ටුඩේ’ වෙබ් අඩවිය මගින් ප්‍රසිද්ධියට පත් කළ ඡායාරූපය සමග ගත් iPhone 12 Pro ජංගම දුරකථනය ගැනත් රහස් තොරතුරු බොහොමයක් කරළියට පැමිණියා. මෙම දුරකථනය සුකේෂ් විසින් මුදල් වංචා සිදුකිරීමට භාවිතයට ගත් එකක් බව ඉන්දීය මැතිවරණ කොමිසම පවසයි. ඒ සඳහා ඔහු භාවිත කර තිබුණේ ඊශ්‍රායල සිම් කාඩ්පතක් බව කියවේ.

ඊට අමතරව, සුකේෂ් බන්ධනාගාරගතව සිටින කාලයේදී බන්ධනාගාර නිලධාරීන්ව රවටා අනවසරයෙන් ළඟ තබා ගෙන සිටියේද මේ ජංගම දුරකථන යයි මෙය වන්නේය.

සුකේෂ්ගේ පෙම්වතිය ජැකීද….?සමාජ මාධ්‍ය කලඹවමින් ඉන්දීය පුවත්පත්වල ප්‍රධාන සිරස්තලයක් වූ ජැකීගේ හාදුවට අලුතින්ම පැටලුණු කතාව වූයේ ‘සුකේෂ්ගේ අනියම් සම්බන්ධය’ ජැකී බවයි. එයට හේතුව වූයේ සුකේෂ් ඒ වනවිටත් විවාහ වී සිටි තැනැත්තෙක් නිසාය. ඔහුගේ බිරිඳ වූයේ රංගන ශිල්පිනී ලීනා මාරියා පෝල්ය. ඔවුන් දෙදෙනාම ඉන්දීය පොලිසිය විසින් අත්අඩංගුවට ගනු ලැබුවේ කෝටි 200ක මුදල් වංචාවක් සම්බන්ධයෙන්ය.

කෙසේ වෙතත්, මේ මුදල් වංචාවට අත්අඩංගුවට ගත් ඔහුව පසුව ඇප මත නිදහස් කෙරුණි. මෙසේ ඇප ලැබීමත් සමග ඔහු මුලින්ම හමුවී තිබුණේ ජැකී බව ‘ඉන්ඩියා ටුඩේ’ වෙබ් අඩවිය සඳහන් කරන්නේය. මෙම සෙල්ෆි ඡායාරූපය ගෙන ඇත්තේද අප්‍රේල් හෝ ජුනි මාසය අතර දිනයක බවත් ඉන්ඩියා ටුඩේ’ වෙබ් අඩවිය සඳහන් කරයි. එයට හේතුව ලෙස සුකේෂ්ද ඇප මත නිදහස් වී තිබුණේ මේ කාලවකවානුවේ වීමයි.

එමෙන්ම, ජැකී චෙන්නායිහිදී සිව් වතාවක් සුකේෂ්ව හමු වී තිබූ අතර ඇයට සම්මන්ත්‍රණ සහ අනෙකුත් කටයුතු සඳහා යාමට ඒමට පෞද්ගලික ජෙට් යානයක් පවා ලබාදී තිබුණේ සුකේෂ් චන්ද්‍රසේකර් විසිනි. ඒ බව තහවුරු කළේ ඉන්දීය මැතිවරණ කොමිසමේ නිලධාරීන් විසිනි. ඒ ඔහු 2017 අප්‍රේල් මාසයේදී මැතිවරණ කොමිසමේ නිලධාරීන්ට අල්ලස් ලබාදී ඡන්ද වංචා සිදුකළ බවට කෙරෙන පර්‌යේෂණ වල තොරතුරු අනුවය.

මේ අතර සුකේෂ්ගේ නීතිඥවරයා මාධ්‍යයට පවසා තිබුණේ ජැකී සහ ඔහු අතර පෙම් සබඳතාවක් තිබූ බවයි. නමුත්, ජැකීගේ ප්‍රකාශිකාවක් සඳහන් කළේ මේ ප්‍රකාශය සම්පූර්ණයෙන්ම අසත්‍යක් බවයි.

‘බච්චන් පාණ්ඩේ’ ජැකී වෙනුවෙන්ද…?2022 වසරේ තීරගත වීමට නියමිත ‘බච්චන් පාණ්ඩේ’ චිත්‍රපටයේ ප්‍රධාන නිළිය ජැකලින් ෆර්නැන්ඩස්ය. එහි ප්‍රධාන නළුවා අක්ෂේ කුමාර්ය. මේ සඳහා ජැකී වෙනුවෙන් වියදම් කර තිබෙන්නේ සුකේෂ් චන්ද්‍රසේකර් විසින් බව ‘ඉන්ඩියා ටුඩේ’ වෙබ් අඩවිය සඳහන් කරයි. ඒ සඳහා තවමත් නිශ්චිත සාක්ෂි නොලැබුණත් තවමත් ඒ ගැන විමර්ශන කටයුතු පවත්වන බව ‘ඉන්ඩියා ටුඩේ’ වෙබ් අඩවිය සඳහන් වේ.

එයට හේතුව වන්නේ ජැකී පසුගිය වසර කිහිපයේදීම රඟපෑ චිත්‍රපට කිසිවක් ආදායම් වාර්තා තැබීමට නොහැකිවූ නිසාය. එවැනි පසුබිමක ආදායම් වාර්තා තබමින් ඉදිරියට යන අක්ෂේ කුමාර් සමග චිත්‍රපටයකට සම්බන්ධ වීමට ජැකීට අවස්ථාව ලැබීම බොහෝ දෙනෙක්ගේ විමතියට තුඩුදුන් කරුණකි.

හර්ෂණී දිසානායකඋපුටා ගැනීම අරුණ