පෙර සංසාරයේ අප විසින් සිදුකරන ලද අකුසල කර්මවලට විපාක විඳින්නට සිදුවන කාලය අපල කාලය ලෙස හැඳින්වේ. මෙම කාලසීමාවේ අදාළ ජන්මීන්ට බොහෝ දුක්කරදර වලටත් රෝග පීඩා ආදියට මෙන්ම විවිධ බාධක වලට මුහුණ දීමට සිදුවේ. එකී තත්ත්වයන් මගහැර ගැනීම සඳහා අපේ පැරණි ජනයා විවිධ ශාන්ති කර්ම අනුගමනය කළහ. ඒ අතර බුදුරජාණන් වහන්සේගේ ශ‍්‍රී මුවින් දේශිත පරිත‍්‍රාණ දේශනා හෙවත් පිරිත් දේශනා ආශ‍්‍රයෙන් සකස් කර ගත හැකි රතන, අභිසම්භිදාන, සීවලී, ජලනන්දන වශයෙන් බුද්ධ යන්ත‍්‍ර රාශියක් ඇත.
මේ අතර ජන්මියකුට බලපෑ හැකි සියලූම නවග‍්‍රහ දෝෂ, අමනුෂ්‍ය දෝෂ, දුරුවීමටත් නිවසේ ඉඩමේ හතර කොන අටකොන ආරක්ෂා කර ගනිමින් රෝගාබාධා වලින් මිදී නඩු හබ මෙන්ම සතුරු කරදර ජයගනිමින් නොසිතූ දියුණුව ළගා කරගනිමින් අධ්‍යාපන ජය රැුකී රක්ෂා ලාභ වැනි සියලූ ජය අත්කරගත හැකි සර්වෝපද‍්‍ර හරණ යන්ත‍්‍රයක් ලෙස අති ප‍්‍රබල දස දිසා යන්ත‍්‍රය පෙන්වා දිය හැකිය.
ධම්මෝෂධ සමන් නත්ථ හෙවත් ධර්මය ඖෂධයක් කර ගන්න යන බුදු වදන සිහිතබා ගනිමින් බුදුවරු දස නමක් දිශාගත කොට දේශනා කොට ඇති දස දිසා පිරිත ආශ‍්‍රයෙන් නිර්මාණය වන්නා වූ දස දිසා යන්ත‍්‍රය ශාස්ත‍්‍රය මැනවින් දන්නා අයකු ලවා සුබ නැකතින් තඹ තහඩුවක ප‍්‍රස්ථාර ගත කොට කළු මැද අදාළ පිරිතෙන් නියමිත වාර ගණන පිරිත් කර බල පිහිටුවා ආතුරයාගේ උපන් නැකතට ගැලපෙන නැකත් බලා පැළඳ වීමෙන් කෝටියක් දෝෂ භංග වී සෙත සහනය සැනසිල්ල උදාවන බව සත්‍යය.
එමෙන්ම යන්ත‍්‍රය පළඳින අයද දිනපතා උදේ සවස මල් පහන් සුවඳදුම් පූජාකර බුදුන් වැඳ දස දිසා පිරිත හැකි වාර ගණනක් කියා අවසන දෙවියන්ට පිංදී තම ග‍්‍රහ දොස් බාධක දුරු කර දෙන මෙන් ඉල්ලා සිටීමෙන් විශාල වශයෙන් සෙත සලසා ගත හැකිය.
දස දිසා පිරිත
දිසාසු දසභාගේසු
ඨිතාබුද්ධානුභාවතෝ
වේරාදි අන්තරායාපි
විනස්සන්තු අසේසතො
ඒව මාදිගුණෝපේතං
පරිත්තං තං භණාමහේ
පදුමුත්තරො පුරස්ථි මායං
අග්ගිමහිවේච සෝභිතෝ
දක්ණෝ කස්සපෝ බුද්ධෝ
නිරිතේව සුමංගලෝ
පච්චිමේව සිණි බුද්ධෝ
වායඛ්‍යා මේධංකරෝ
උත්තරේ පියදස්සීච
ඊසානේ දීපංකරෝ
පඨවියං කකුසන්ධොව
ආකාසේ සරණංකරො
ඒවං දස දිසාවේච
සබ්බේ බුද්ධා පතිට්ඨිතා
අච්චන්තරායා සබ්බේ මේ
සෝක රෝග භයාපිච
විනස්සන්තු සාදා මයිහං
සබ්බිරියාපෙ:සුච
යක්ඛාදිදේවතා භීච
රාජ චොරාරි අග්ගිහි
අමනුස්සෙහි සබ්බේහි
තිරච්ඡුානගතෙපිච
ජාතා උපද්දවා සබ්බේ
විනස්සන්තු අසේසතො
සිරස්මිං තෙ බුද්ධ සෙට්ඨො
සාරිපුත්තෝච දක්බිණො
චාමංසෙ මොග්ගල්ලානෝ
පුරතොපිටකත්තයං
පච්ජිමෙ මම ආනන්දෝ
චතුද්දිසා බීණාසවා
සමන්තා ලෝක පාලාව
ඉන්ද‍්‍ර දේචෝව බ‍්‍රහ්මච
ඒතේසං අනුභාවෙන
සම්බුපද්දචුපද්දවා
අනේකා අන්තරායාපි
චිනස්සන්තු අසේසතො
තේරුම
දස දිසාවන්හි සිටියා වූ බුදුවරුන්ගේ ආනුභාවයෙන් වෛරයෝද අනතුරුද ඉතිරි නැතිව විනාශ වෙත්වා
මේ ආදී ගුණ වලින් යුතු පිරිතක් කියනු ලැබේ.
උතුම් වූ පදුම බුදුරාජණන් වහන්සේ නැගෙනහිර දිසාවෙන්ද ගිනිකොණ දිශාවෙන්ද රේවත බුදුරජාණන් වහන්සේ කාශ්‍යප බුදුරජාණන් වහන්සේ දකුණු දිශාවෙන්ද මංගල බුදුරජාණන් වහන්සේ නිරිත දිශාවෙන්ද වැඩ සිටිත් - බටහිර දිශාවෙහි සිණි බුදුරජාණන් වහන්සේ ද වයඹ දිශාවෙන් මේධංකර බුදුරජාණන් වහන්සේ ද උතුරු දිශාවෙහි පියදස්සී බුදුරජාණන් වහන්සේ ද ඊසාන දිශාවෙහි දීපංකර බුදුරජාණන් වහන්සේද වැඩ සිටිත් පොළොවෙහි කකුසඳ බුදුරජාණන් වහන්සේ ද අහසෙහි සරණංකර බුදුරජාණන් වහන්සේ ද වැඩ සිටිති
ඒ සියලූ බුදුවරුන්ගේ ආනුභාවයෙන් සියලූ අනතුරුද සියලූ ශෝක රෝග භය ආදිය ද විනාශ වේවා
සියලූ ඉරියව් පැවැත්මෙන් ඇතිවන උවදුරුද යක්ෂ දේව, රජ, සොර, සතුරු, ගිනි ආදියෙන් ඇතිවන උවදුරුද විනාශ වේවා හැමදාම ඔබට ඒ උවදුරු වලින් තොරව ජීවත් වන්නට වාසනාව ලැබේවා
සියලූ අමනුෂ්‍යයන් ගෙන් හා තිරිසන් සත්ත්වයන්ගෙන් ඇතිවුණා වූ සියලූ උපද‍්‍රවයෝ ඉතිරි නැතිව විනාශ වෙත්වා
සිරසෙහි හෙවත් මුදුනෙහි (හිිසෙහි) ඒ උතුම් ශ්‍රෝෂ්ඨ බුදුරජාණන් වහන්සේය. දකුණත සැරියුත් මහ රහතන් වහන්සේය. වමතෙහි මුගලන් මහ රහතන් වහන්සේය. ඉදිරියෙහි ත‍්‍රිපිටකයය. පිටුපස ආනන්ද තෙරුවන් වහන්සේය. සතර දිශාවෙහිම රහතන් වහන්සේලාය. හැම අතින්ම ලෝක පාලක ඉන්ද‍්‍ර දෙවියා හා බ‍්‍රහ්මයාය.
මේ සියලන්ගේම ආනුභාවයෙන් සියලූ උපද‍්‍රවයෝ ඉතිරි නැතිව විනාශ වෙත්වා
ජ්‍යොතිෂ්‍යවේදී රංජන් සිසිර කුමාර
සටහන - ධම්මික හේවාවසම්
උපුටා ගැනීම දිවයින පුවත් පත
