මානසිකත්වය කථිකත්වය ආදී ගුණාංග හෙළි කරන සුළැගිල්ල
අපි ඔබව දැනුවත් කරන්නේ අත්ලේ පිහිටි පුංචි ඇඟිල්ල වූ සුළැඟිල්ල පිළිබදවයි. බුධ ග්‍රහයාට සම්බන්ධකම් ඇති නිසා මෙයට බුධ ඇඟිල්ල කියාත් හඳුන්වනු ලබයි.
සුළැඟිල්ලේ පිහිටීම අනුව හා හැඩ හුරුකම අනුව කෙනකුගේ ප්‍රකෘති ස්වභාවයද, මානසික තත්ත්වය, කථිකත්වය, උනන්දුව ආදී ගුණාංගද විනිශ්චය කරගත හැකිය. මෙම ඇඟිල්ල දිගින් වැඩි වීම එනම් සුළැඟිල්ල වෙදැඟිල්ලේ අග පුරුක ඉක්මවා යෑම ඉතා සුබ ලක්ෂණයකි. දික්වූද, මනාව වැඩුණාවූ සුළැඟිල්ල ඇති පුද්ගලයා දීර්ඝායුෂ ලැබීමට මෙන්ම ධනවතකු වීමට ද වාසනාවන්ත වේ. එමෙන්ම ඔවුන් දක්ෂ ලේඛකයෝ, කථිකයන් හෝ ව්‍යාපාරික ක්ෂේත්‍රයේ ඉහළ පුද්ගලයන් වෙති. දිගු සුළැඟිල්ලක් නොමැති කිසිවකු කිසිම අවස්ථාවක සමාජයේ උසස් තත්ත්වයකට පැමිණ නොමැත. ගුණයෙන් හීන අයකුට වුවද දිගු සුළැඟිල්ලක් පිහිටියේ නම් හේ වඩා දියුණුවක් ලබයි. චතුර ලෙස කතා කිරීමේ දක්ෂතාවක් ඇති ඔහු හෝ ඇයට ඇසූ පිරූ තැන් හා යහපත් ධාරණ ශක්තියක්ද ඇත.
සුළැඟිල්ල වෙදැඟිල්ලේ අග පුරුකට වඩා කෙට්ටු වීම අනුන් විසින් ඔහු පාලනය කරනවාට වඩා ඔහු විසින් අනුන් පාලනය කිරීමට සිත් යොමුවේ. වෙදැඟිල්ලේ අග පුරුක් සන්ධිය සමානව සුළැඟිල්ල දිග නම් ඔවුන් අධ්‍යාපනය කෙරෙහි වඩා සිත් යොමු කරන ඥානය දියුණු කර ගැනීමට වැඩි වෙහෙසක් දරන අය වෙති. අධ්‍යාපනය ලැබීමෙන් පසුවද ශාස්ත්‍රා ගතානුකූලව යම් යම් කර්මාන්ත කිරීමට උනන්දු වෙති. මෙම ඇඟිල්ලෙහි මුදුන උල්වීම බුද්ධිමත් භාවය ප්‍රකට කෙරෙන අතර එම ඇඟිල්ල සාමාන්‍ය ප්‍රමාණයට වඩා විශාල වීම අන් අයගෙන් ගෞරව ප්‍රශංසා ලැබීමටද හේතු වේ. ඇඟිල්ල ඉතා කුඩාවීම හදිසි තීරණ මත කරන කටයුතු වලින් සිදු කරගන්නා හානි පෙන්නුම් කරයි. සුළැඟිල්ලේ අග පුරුක තුලා රාශියටද, මැද පුරුක වෘශ්චික රාශියටද, මුල පුරුක ධනු රාශියටද අයත් වේ.
සුළැඟිල්ලේ මුල පුරුක එනම් අත්ලට සම්බන්ධ පුරුක අනිත් පුරුක්වලට වඩා දික්වී ඇත්නම් හෝ වංචාකාරී අදහස් ඇති කපටි අයෙක් ලෙස හඳුනාගන්න. එම පුරුක මහත් වී නම් ජීවත් වීමට ඉතා ආශා කරන අවංක අදහස් ඇති පරිත්‍යාගශීලී යුක්ති සහගත පුද්ගලයෝ වෙති. සුළැඟිල්ල මුල සිහින් අයුරින් පිහිටියේ නම් ඔවුනට දුර දිග බලා කටයුතු කිරීමේ හොඳ දැනුමක් ඇත. ඇඟිල්ලේ මැද පුරුක අනෙක් පුරුක්වලට වඩා කෙටි වී නම් හේ අවශ්‍ය වූ විටෙක අවශ්‍යම දෙයට පමණක් වියදම් කරන සකසුරුවම්කාරී පුද්ගලයකු වෙයි.
ඉගෙනීමෙන් කිසිම දියුණුවක් නොලබන අයගේ මැද පුරුක ඉතා සිහින්ව පිහිටයි. කර්මාන්ත හා වෙළෙඳ කටයුතු කෙරෙහි මනා දැනුමක් ඇති පුද්ගලයාගේ සුළැඟිල්ලේ මුදුන් පුරුක අනෙක් පුරුක්වලට වඩා දික්ව ඇති බව දැකිය හැකිය. එසේම ඔවුන් විවිධ විෂයයන් කෙරෙහි ළැදියාවක් ඇති එම විෂයයන් හදාරන්නකුද වෙයි. ශූර කපටිකම් දත් අයගේ සුළැඟිල්ලේ මුදුන් පුරුක මහතට පිහිටනු ඇත.
සුළැඟිල්ල කෙටියෙන් පිහිටි පුද්ගලයා උපාය කෞශල්‍යයෙන් හීන කතාවෙහි අදක්ෂයකු වන අතර ඉතාම කෙටි වුවහොත් ඔවුන්ගේ මානසික තත්ත්වයද දුර්වල වේ. ඉක්මනින් කෝපවන ස්වභාවය ඇතිවුවද එය වැඩි කාලයක් ඔවුන්ගේ සිත්වල නොපවතී.
නිය සහිත පුරුක කෙටි වීම සිහින්ව තිබණොත් විචාර බුද්ධියෙන් තොර වේ. අන් අයගේ වැරැදි තැන් තැන්වලට ගොස් ප්‍රකාශ කිරීමෙන් ඔවුනට අපකීර්තිය ඇති කිරීමටද, නිෂ්ඵල ක්‍රියාවන්හි නිතරවීමද, වැරැදි දේවල්වලට පෙලඹීමද එබඳු අය කෙරෙහි පවත්නා ගුණාංගයෝය.
සුළැඟිල්ලේ මුල පුරුක කෙටිව සිහින්ව පිහිටියේ නම් එම අය මවුපිය, වැඩිහිටියන්ගේ අවවාදවලට ගරු නොකරන අතර ඔවුනට නෑදෑයන් සමඟද වැඩි කාලයක් හොඳ හිත පවත්වාගෙන යෑමටද අසීරු වේ. ඔවුන්ගේ වචන භාවිතයද ප්‍රියජනක නොවේ. කෙටිවූද අශෝභන වූද, නැමුණාවූද වක ගැසුණාවූද සුළැඟිලි පිහිටන්නේ සොරුන් හා ගැටකපන්නන් ආදීන්ටය.
සුළැඟිල්ලේ අග පුරුක තුඩ උල්ව පිහිටි විට ගුප්ත ශාස්ත්‍ර වලට සමතකු වන අතර අග පුරුක හතරැස්වූ විට අලුත් දේවල් සෙවීමට උනන්දු වන්නකුද වෙයි. යම් දෙයක් ගැන විමසිල්ලෙන් බලා කටයුතු කිරීමේ ශක්තියක් ඔවුන් තුළ ඇත. අග පුරුක මහත්වී නම් කතා කිරීමට දක්ෂ යම් දෙයක් දැකීමෙන් පමණක් කිරීමට සමත් වගේම එය අන් අයට කියාදීමටද දක්ෂ අයකු වෙයි.
සුළඟිල්ලේ පහළ සිට මුදුන් පුරුක දක්වා විහිදී ගිය රේඛාවක් යම් අයකුගේ පිහිටියේ නම් හෙතෙම උසස් චින්තන ශක්තියෙන් මෙන්ම නොයෙක් විද්යාිවන් හා නොයෙක් ශාස්ත්රහ උගත් ප්‍රවීණ විශාරදයකු වෙයි. මුදුන් පුරුකෙහි පළල් වූ රේඛාවක් පිහිටි කල ඔවුන්ගේ සෞඛ්‍ය තත්ත්වය බලා සිටිය දීම දුර්වල වේ.
මුල් පුරුක, මැද පුරුක අතර ඍජු රේඛාවෙන් හෙළි වන්නේ ජන්ප්‍රිය කථිකයකු වීමේ වාසනාව ඇති බවකි. එමෙන්ම ඔවුන් සමාජ සේවයටද ළැදි අය වෙති. පුරුක මැද පිහිටියාවූ තරුවක ලක්ෂණයෙන් දීප්තිමත් අනාගතයකට හිමිකම් කියන දක්ෂ කථිකයකු වන බව කියැවේ.
හිඹුටානේ පියතිලක ද අල්විස්0716212020මුල්ලේරියාව නව නගරය
උපුටා ගැනීම මව්බිම
