අත්ලේ පිහිටි ලපවලින් හෙළිවන රහස්
කිසිම රේඛාවකට ලපයේ සලකුණ සුභ පිහිටීමක් නොවේ. උමතු රෝග හෝ උණ රෝග වැළඳීමට හේතුවන බැවින් ජීවන රේඛාවට කළු ලපය අසුබයි ශීර්ෂ රේඛාවටත් ලපය අසුබ පිහිටීමක් වෙයි. මොළයට සම්බන්ධ රුධිර නාළවල දුර්වලතාවන් නිසායි එවැනි ලප පිහිටන්නේ හෘදය රේඛාව මත කළු ලපයක් පිහිටීම හෘදයාබාධයක් හෝ වකුගඩු සම්බන්ධ රෝගයක් ඇති බව පෙන්නුම් කරන අතර දෛව රේඛාවේ ලප දර්ශනය වේ නම් අදාළ වයස් සීමාවේදී තමාගේ ජීවන තත්ත්වයේ පහත වැටීමක් ප‍්‍රකට කරයි’ සුඛ රේඛාවේ දිස්වෙන රක්ත වර්ණ ලපවලින් රක්ත වාතයෙන් පෙළෙන රෝගියෙකු හඳුනාගත හැක.
අත්ලේ පිහිටන රේඛා මණ්ඩලවල ස්වභාවය මෙන්ම අත්ලක පිහිටන විවිධ සලකුණු මගින් ද කෙනෙකුගේ ජීවිතයට බලපාන සුබ අසුබ තත්ත්වයන් ද විග‍්‍රහ කළ හැකිය. මේ අයුරින් පිහිටන ලප සලකුණු ද සමහර අයගේ අත්ල මත දැකිය හැක. බොහෝ විට ඒ පිළිබඳව ඔබ නොසලකා හැරියත් ඒ තුළින් ඔබේ ජීවිතයේ වැදගත් සිද්ධීන් අනාවරණය වෙයි.
ලපය කියා හැඳින්වුවත් හැම එකක්ම රවුම් ආකාර නොවේ. නොයෙකුත් හැඩයට ඒවා පිහිටිය හැක. සමහර ඒවා දිගැටි හැඩයෙන් ද සමහර ඒවා තිතක් මෙන් ද පිහිටිය හැක. සමහර ලප ප‍්‍රමාණයෙන් ලොකු වුවත් පුංචි ලප ද දැකිය හැකිය. පාට ගැන කිව යුත්තේත් ඒ ටිකමයි. හැම ලපයක්ම කළු නොවන අතර රතුපාට ලප ද පිහිටිය හැකියි. අත්ලේ පිහිටි කළු පාට ලපවලින් අසුබ ඵල වැඩිවන අතර, දුඹුරු හෝ රතුපාට ලපවලින් එතරම් ම අශුභ තත්ත්වයක් සිදු නොවන බව හස්ත රේඛා විද්‍යාවේ සඳහන් වෙයි.
සමහර අයගේ අත්වල උපතින් ම ලප පිහිටිය හැකි අතර සමහර අයගේ ටික කලකට ලප වැඩිය හැකියි. මේ අයුරින් කුමන විදියේ ලප වුවත් අත්ලෙන් එම ලප දර්ශනය වන තාක්කල් ඒවායෙහි විපාක ලැබෙන බව විශේෂයෙන් අමතක නොකළ යුතුය. මේ අයුරින් අත්ලේ එක් එක් ස්ථානවල ලප වැටීමෙන් ඇතිවන පලාපල කෙසේ ද කියා දැන් අපි සලකා බලමු.
- මේ සමග පළවන රූප සටහනේ (1) සටහන් කර ඇති ස්ථානය දෙස දැන් බලන්න. එය ගුරු මණ්ඩලයයි. ගුරු මණ්ඩලය මත වැටෙන එම ලපය සුබ පිහිටීමක් නොවේ. කොපමණ සැප සම්පත් තිබුණත් නිරන්තරයෙන්ම එය මානසික පීඩාවක් ඇතිවීමට හේතුවෙයි.
- මැදඟිල්ලේ මුල පිහිටියේ සෙනසුරු මණ්ඩලයයි. ඒ මත පිහිටි ලපයෙන් හදිසි අනතුරකට මුහුණ පෑමට සිදුවන බව පෙන්නුම් කරයි.
- නොයෙකුත් විදියේ නින්දා අපහාස විඳීමට සිදුවන බැවින් රවි මණ්ඩලයටත් ලපය අසුබය. එවැන්නන්ගේ ඇස්වල ආබාධ ඇතිවන අතර සමහර විට ඇස් අන්ධවීමට ද හේතුවෙයි.
- අංකය සටහන් වී ඇත්තේ බුධ මණ්ඩලයේ ය. ලප සලකුණ එම ස්ථානයේ පිහිටීම ස්නායු දුර්වලතා ඇති වීමට හේතු වන්නකි.
- කැපීම්, කැඞීම්, වැටීම් වැනි දෙයකින් තුවාල සිදුවිය හැකි බැවින් දෙවැනි කුජ මණ්ඩලයටත් ලපය අසුබ පිහිටීමකි.
- චන්‍ද්‍ර මණ්ඩලයේ කළු හෝ රතු ලපයෙන් හදිසි විපතක් මූර්තිමත් වෙයි. අනුන්හට ණය වී මානසිකව පීඩා විඳින අයගේ අත්වල ද එවැනි සලකුණු පිහිටිය හැක.
- යම් යම් සමාජ රෝගවලින් පීඩා විඳින අත්වල එම සිකුරු මණ්ඩලය මත කළු ලප දැකිය හැක. එම ලප දුඹුරු පැහැයෙන් යුතු නම් ඔහු හෝ ඇය නෂ්ටකාමයෙන් පෙළෙන අයෙකු බව සඳහන් වෙයි.
- වැනි අංකය සඳහන් ස්ථානය අයත් වන්නේ 1 නි. කුජ මණ්ඩලයටයි. කුජ ග‍්‍රහයා සටන්කාමීයෙකි. මේ නිසා තුවක්කු, කඩු, කිනිසි වැනි අවි ආයුධවලින් මරණයට පත්වන අයගේ අත්වල මෙම කුජ මණ්ඩලයෙහි කළුපාට ලප වැටිය හැක.
- මෙම ස්ථානය කුජ තලාව ලෙස හඳුන්වයි. මෙයත් කුජ ග‍්‍රහයාගේ බලපෑම් ලබන ස්ථානයකි. අත්ලේ මැද පිහිටි කුජ තලාවේ ඇතිවන ලපයෙන් නඩු හබ හෝ සතුරු කරදර ඇතිවන බව පෙන්වයි.
- මහපට ඇඟිල්ලේ නිය පිහිටි පුරුකේ ඇති ලපයෙන් කියැවෙන්නේ එම අයට ස්නායු දුර්වලතාවක් ඇති බවයි. එවැනි ලපයක් ඇත්තේ නම් ඔහුගේ හෝ ඇයගේ පියා මියගොස් තිබිය යුතුයි.
- කරන කියන කටයුතු සියල්ල නිෂ්ඵල වන බව දඹර ඇඟිල්ලේ නිය පිහිටි පුරුකේ පිහිටි ලපයෙන් කියාපායි.
- මෙම ස්ථානයේ ලපය ඉතා අසුබයි. ඉතා සමීපව ඇසුරු කරන අයකුට කරදරයක් විපත්තියක් සිදුවිය හැක.
- එම ඇඟිල්ලේ තුන්වැනි පුරුකේ ලපය ද අසුභය. රැුකියා සම්බන්ධ කරදරයක් පෙන්වයි.
- එම ලපයෙන් ඔහුට හෝ ඇයට මැලේරියාාව වැනි බෝවෙන රෝගයක් වැළඳෙන බව ප‍්‍රකාශ වෙයි.
- ජල යාත‍්‍රාවක ගමන් කරමින් සිටින අවස්ථාවක සිදුවන අනතුරක් කියැවෙයි.
- පදිංචි ස්ථානයට සම්බන්ධ සතුරු කරදර බලපාන බව පෙන්නුම් කරයි.
- වෙදඟිල්ලේ එවන් ලප නිසා පේ‍්‍රම සම්බන්ධයන් බිඳවැටෙන බව මතක තබා ගන්න.
- සමාජ තත්ත්වයේ කිසියම් බිඳවැටීමකට හේතුවෙයි.
- ඇස්, කන්, නාසා වැනි හිසට සම්බන්ධ ඉන්‍ද්‍රියක ආබාධ ඇති වේ.
- සුළඟිල්ලේ නිය පිහිටි පුරුකේ ලපය අධ්‍යාපන කටයුතුවලට අසුබය.
- දුරදිග නොබලා කරන කටයුතුවලින් කරදර ඇතිවිය හැක.
- ජලය, ගිනි, සුළිසුළං වැනි ස්වාභාවික හේතුවකින් තමාට ලොකු අලාභයක් සිදුවේ.
කිසිම රේඛාවකට ලපයේ සලකුණ සුභ පිහිටීමක් නොවේ. උමතු රෝග හෝ උණ රෝග වැළඳීමට හේතුවන බැවින් ජීවන රේඛාවට කළු ලපය අසුබය. ශීර්ෂ රේඛාවටත් ලපය අසුබ පිහිටීමක් වෙයි. මොළයට සම්බන්ධ රුධිර නාළවල දුර්වලතාවන් නිසායි එවැනි ලප පිහිටන්නේ. හෘදය රේඛාව මත කළු ලපයක් පිහිටීම හෘදයාබාධයක් හෝ වකුගඩු සම්බන්ධ රෝගයක් ඇති බව පෙන්නුම් කරන අතර දෛව රේඛාවේ ලප දර්ශනය වේ නම් අදාළ වයස් සීමාවේදී තමාගේ ජීවන තත්ත්වයේ පහත වැටීමක් ප‍්‍රකට කරයි. සුඛ රේඛාවේ දිස්වෙන රක්ත වර්ණ ලපවලින් රක්ත වාතයෙන් පෙළෙන රෝගියෙකු හඳුනාගත හැක. ඉහත ලපවලින් හෙළිවන දෝෂ මඟහැරෙන විදියේ වෙනත් සුභ ලක්‍ෂණ ද සමහර අයගේ අත්වල පිහිටිය හැකි බැවින් සමස්තයක් වශයෙන් අනිකුත් ලක්‍ෂණ ද බලා පලාපල ප‍්‍රකාශ කළ යුතුය.
හිඹුටානේ පියතිලක ද අල්විස්
