අණවින බන්ධන ආපිට යවන මහා යමගිරි හරන යන්ත්‍රය...
ගුප්ත විද්‍යාවේ හොඳ දේ ද නරක දේවල්ද බොහෝය. නරක දේවල්නම් මිනිසුන්ට හදි හූනියම් කිරීම්, ඉරි පැන්නුම්, වැල් පැන්නුම් වැනි දේය. තමාගේ පෞද්ගලික පළිගැනීම්වලටත්, ඊර්ෂ්‍යාවන්ටත් අනුන්ට මෙම ගුප්ත ක්‍රම කරයි. බුදු දහමේ පවසන අයුරින් මොලොවත් පරලොවත් අපා දුක් විඳීමට වේ. මේවා කරන්නාටද කරවන්නාටද අපා දුක් විඳීමට වේ. මෙවැනි නරක ක්‍රියා කළ විට එයටද මෙම ගුප්ත ක්‍රමයේ විවිධ ක්‍රම පෙන්වා දී ඇත. එයින් එක් අංගයක් ලෙස මෙම යමගිරි හරන යන්ත්‍රය දැක්විය හැකිය. මෙම යන්ත්‍රය පලදා ඇති පුද්ගලයාට අමනුෂ්‍යයෝ වැඳ වැටෙන බව කියැවේ. කිසි කෙනකුට ඔබට අනවින කළ නොහැකිය. පැලඳ ඇති තැනැත්තාට හොල්මන්, අවතාර නොපෙනේ. යන එන තැන්වලදී ආරක්ෂාව ඇතිවීම, සතුරන් දපනය වේ. මේ පෙන්වා දී ඇත්තේ මෙම යන්ත්‍රයේ ගුණ කිහිපයකි. ඔබ විසින් මුලින්ම රිදී, රන්, තඹ යන තහඩුවක නිවැරැදිව රූපයේ අයුරින් ඇඳ ගන්න. මෙසේ ඇඳගත් යන්ත්‍රය සුවඳ ධූපය අල්වා සඳුන් තෙලින් පිරිමැද ඉන් පසුව බදාදා දින බුධ හෝරාවෙන් ඊසාන දිශාවේ මල් බුලත් අස්න සාදා යන්ත්‍රය තැන්පත් කරන්න. ඉන් පසුව ඔබ මුලින්ම අංගුලිමාල පිරිතෙන් 108 වර යන්ත්‍රය පිරිත් කරන්න. ඊට පසුව සුවඳ ධූපය අල්වා පහත මන්ත්‍රයෙන් දිෂ්ටි කරගනු ලබන්න.
දිෂ්ටි මන්ත්‍රය :“ඕං දේව දිෂ්ටි අමනුෂ්‍ය දිෂ්ටි පිල්ලි අවතාර දිෂ්ටි යක්ෂ රාක්ෂ දිෂ්ටි ඒං ඒං ඔඩ්ඩි කඩවර දිෂ්ටි වා වා පත්‍ර කිලි අවතාර දිෂ්ටි හූයන් බන්ධන ඉපිල ඉපිල දිෂ්ටි භූත පෙරේත දිෂ්ටි සැනින් වර වර ඒන් ඒන් දිෂ්ටි දිෂ්ටි මා දෙන දොළ බිලි කැපගෙන වර වර දිෂ්ටි දිෂ්ටි ඒන්ඒන් ඒස්වා”
මෙම මන්ත්‍රයෙන් ඔබ මුලින්ම 1108 වර මතුරන්න. මෙසේ නියමිත වාර ගණන පිරෙන විට යන්ත්‍රය සිලි සිලි ගාමින් ශබ්ද නඟමින් සලිත වීමකට ලක්වේ. එවිට යන්ත්‍රය අතින් නොඅල්ලා පහත දක්වා ඇති මන්ත්‍රයෙන් 524 වාරයක් යන්ත්‍රයට පිඹිමින් මතුරන්න. එවිට යන්ත්‍රය සලිත වීම නවතී.
“ඕං ආං ඉෂ්ඨාර්ථ ජීව ජීව ඉරික්කාල් ඔරික්කු පුන්ඩු ප්‍රාණ ප්‍රාණ ජීව ජීව ජහගුරු සිවන්ත වේඩු ගිරි ජීව ප්‍රාණ ඕඩු ජීව යක්කිං වෙල්බන්ධ ජීව ආයු වංශාකාර ප්‍රාණ ජීව ජීව අඩුත්තු කුරු කුරු හෙණ පිල්ලි ජීව ප්‍රාණ සංකර මුත්තු ජීව ජීව ප්‍රාණ ප්‍රාණ ඒස්වා”
මෙය 524 වරක් මතුරා ඉන් අනතුරුව මෙසේ ජීවම් කර ගත් යන්ත්‍රයට සුවඳ ධූපය අල්වා රෝල් කර සුරයක් ගෙන කහ දියරයෙන් සෝදා පහත මන්ත්‍රය 07 වරක් කියා සුරය ඇතුළට දමන්න.
“ඕං යන්ත්‍රක් ජීවාය ඉහක්ජීව ජගතාය ප්‍රාණජ්ජීව සර සුර සුරු ථෙිරු මස්ත යන්ත්‍ර ප්‍රතිෂ්ට කුරු කුරු ඒස්වාහ”
(හත් වරයි) මෙසේ විධිමත් අයුරින් සකසා ගත් යන්ත්‍රය සුරයට ඇතුළු කර උතුර බලා පලඳින්න. ඔබට ඇති සියලු සතුරු බිය දුරුවේ. අනවින බන්ධන ආපසු යයි. අණවින කර ඇතිනම් ඒවායේ බල බිඳී යයි. මෙම සුරය කරේ ඇති අයකු යකුන් යක්ෂණියන්ට ගිනි බෝලයක් සේ පෙනේ. මෙය ඉතා බලගතු ආරක්ෂාවකි. මහා යමගිරි වින හරන රහස් යන්ත්‍රයකි. අත්දුටුවයි. සත්තයි. ඔබට සියලු ආරක්ෂාව ලැබේවා, දෙවියෝ රකීවා.
උපුටා ගැනීම මව්බිම පුවත්පත
