නැකැත් කියන්නේ රාහු කාලය මඟහරින එකටද?
රාහු කාලය හා සුබ දවස් පිළිබඳ පොදු පිළිගැනීම් ඇත. ජේ‍යාතිෂය පිළිබඳ උසස් දැනුමක් නොමැති උදවිය වුවද රාහු කාලය මඟහැර ගමන් බිමන් යෑමෙන් වැඩ කටයුතු ඇරැඹීමෙන් කරදර බාධකවලින් මිදී තම අභිමතාර්ථයන් සාර්ථක කර ගනිති.
නැකැත යනු කුමක්ද? නැකැතක් සෑදිය යුත්තේ කෙසේද? ගමේ පැරැණි වියපත් ජේ‍යාතිෂ මහතා නැකැත හැඳින්වූයේ කැත නැති කරන බලය ඇති වේලාව ලෙසයි. කැත නැති කරන බලය ඇති වේලාව තුළ එම ස්ථානය ඉතා පිරිසුදුය. අශුද්ධ කිසිවක් නැත. පොළොව – බිත්ති අලුතින් පිරියම් කර හෝ කහ දියර ඉස පිරිසුදු කර ඇත. මල් පහන් පිදීමෙන් සිත් පිරිසුදු වී ඇත. ඇඳුම් පැලඳුම්ද පවිත්‍රය. දකින ඇස් තුළ සිතන සිත් තුළ කේ‍රා්ධ – වෛර දුරුවී ඇත. කැත නැති තැන ඇත්තේ වටිනාකමකි. එවන් වටිනාකමක් ඇති වේලාව සුබ නැකැතකි.
එදා ගැමියන් නැකැත හඳුනාගත් සරල දැක්ම එලෙසය. නැකැත යනු චන්ද්‍රයා සිටින ප්‍රදේශයයි. නැකැත අපට දැකීමට නොහැකිය. චන්ද්‍රයා ගමන් කරන ප්‍රදේශය අල්ලා නැකැත සාදාදීම සාර්ථකය. මෙම ශාස්ත්‍රය ගණිත ක්‍රම පදනම්ව පවතියි.
නැකැත යනු දවස ගෙවී යෑම මෙන් නොනැවතී පවතින නක්‍ෂත්‍ර දැක්මකි. සෑම දිනයකටම නැකැතක් ඇත. නැකැතක් ගෙවී යනවිට තවත් නැකැතක් උදාවෙයි. අස්විද ආදී නැකැත් විසිහත මේෂාදී ෙදාළොස් රාශි ආශි්‍රතව ඇත්තේය. එදින පවතින නැකැත යනුවෙන් ජේ‍යාතිෂයේ පිළිගනු ලබන්නේ චන්ද්‍රයා ගමන් කරන නැකැතයි. යමෙක් මෙලොව එළිය ලබන විට එදින චන්ද්‍රයා ගමන් කරමින් සිට නැකැත එම ජන්මියාගේ උපන් නැකැතයි. අස්විද සිටි රේවතී දක්වා නැකැත් විසිහතෙන් එක නැකැතක් සෑම අයකුටම උපන් නැකැත ලෙස උරුම වී ඇත. උපන් නැකැතට තමන් කරනු ලබන සුබ කටයුත්තට අදාළ දින පවතින නැකැත සුබ විය යුතුය. දිනයේ පංචාංග ශුද්ධිය ද විමසීම වැදගත්ය. අදාළ දිනය – එදිනට නැකැත – තිථිය – යෝගය – කරණය යන සංඥා පහ සුබදායකව පිහිටීම පඤ්චාංග ශුද්ධිය ලෙස හැඳින්වේ. දිනයෙන් ආයුෂයද, නැකැතින් පව් දුරුකිරීමද, තිථියෙන් ශි්‍රයාවද, යෝගයෙන් නිරෝගී බවද, කරණයෙන් කාර්ය සිද්ධියද උදාවෙයි.
නැකැත යහපත් වීමට එක්කල යුතු – අත්හළ යුතු, විමසුම් කළ යුතු තවත් ජේ‍යාතිෂමය කරුණු රැසක් තිබේ. පඤ්චාංග ලිතට අනුව යෙදෙන සුබ දවස ජේ‍යාතිෂවේදියාගේ දැනුම අනුව තීරණය වෙයි. උදාහරණයක් ලෙස නිවෙසක් තැනීමේදී කෝණ මාසයන් අත්හළ යුතුය. නියමිත සුබ වෙලාවට උදාව ඇති නැකැත ජන්මියාගේ නැකැත හා පෑහීම අත්‍යවශ්‍ය වෙයි. තත්කාල ලග්නය, හතරවැන්න ආදියේ බලයද වැදගත්ය.
නැකැත්කරණයට හානිදායක කරුණු සහ තිබිය හැකි දෝෂයන් හැකි පමණ විනාශ වන අයුරින් නැකැත සැකසිය යුතුය. ආරම්භක ස්ථානය, සුබ දිශාව – කළ යුතු පුද පූජා යනාදිය ජේ‍යාතිෂවේදියාගේ පරිණතභාවය මත උපකල්පනය වේ. දෝෂ දුරුවීමට නැකැත බලය සියල්ලෙන්ම සපුරා ගැනීමට වත්පිළිවෙත් අත්‍යවශ්‍යම වෙයි. වත්පිළිවෙත් කාර්යභාර පුද්ගලයා විසින් කිරීම හෝ නොකිරීම ජේ‍යාතිෂවේදියාට ගැටලුවක් නොවූවද එහි පලවිපාක ජේ‍යාතිෂවේදියා විසින් දැනුවත් කිරීම අර්ථාන්විතය.
බොහෝදෙනා විවාහ – නිවාස – මල්වර ආදී කරුණු සඳහා නැකැත් සෑදීමට පැමිණෙන්නේ දිනය සහ අනෙකුත් කරුණු සැලසුම් කරගෙනය. උදාහරණයක් ලෙස විවාහ කටයුත්තකදී විවාහපේක්ෂිතයන් දෙදෙනාට – නෑ හිතමිතුරන්ට පහසු දිනයක් මෙන්ම උත්සව ශාලා වෙන්කිරීම ආදියද සිදු වන්නේ ඔවුන්ගේ සිතුමනාපයටය. අවැසි වන්නේ ඔවුන්ගේ දිනයට මඟුල් නැකැත් සකසාදීම පමණකි. විවාහයක් සඳහා මඟුල් නැකැත් සෑදීම මාස හත අටකට කලින්වත් සිදුකළ යුතුය. විවාහය සඳහා ගැළපෙන මාසයක්, දිනයක් සැකසිය යුත්තේ දෙදෙනාගේම උපන් නැකැත්වලට සීහෙන පරිදිය. ජේ‍යාතිෂවේදියා අපහසුතාවට – උපහාසයට ලක්වන්නේ මෙවැනි අවස්ථාවලදීය. නොගැළපෙන නැකැතක් සෑදීමේ නොහැකියාව සැබෑ ජේ‍යාතිෂවේදියාට අපහසුතාවකි. මුදල මූලික කරගන්නා ඇතමකුගෙන් එම දිනයට නැකැතක් හිමිවීම සැබෑ ජේ‍යාතිෂවේදියා ප්‍රතික්ෂේප කළ සේවාදායකයාගේ උපහාසයට ලක්වීමකි.
සාර්ථක නැකැතකින් විරෝධතා – බාධක – පීඩා ඇති විය නොහැකිය. තම අභිමතයටද වඩා යහපත්ව කටයුතු සිදුවීම නැකැතක ඇති විශිෂ්ටත්වයයි. නැකැත යනු රාහු කාලය මඟහැරීම පමණක් නොවේ. නැකැතට වැඩ කිරීමෙන් විපත මඟහැරේ. විපත මඟහරින බලය ඇත්තේ නැකැතට පමණයි. එය හොඳම වෙලාවයි!
ජේ‍යාතිෂවේදී මතුගම ජයනෙත්ති
උපුටා ගැනීම මව්බිම
