උපන් ලග්නයට සහ නමේ මුල් අකුරට හිමි අංකයෙන් ලොතරැයි දිනුමක්

දෛව අංක විද්‍යාවේ ඇති ගුප්ත ක්‍රම මඟින් වාසනාව උරගෑමේ අවස්ථාව ඇත. මෙහි සඳහන් ක්‍රමයට ඔබේ උපන් ලග්නයට සහ නමේ මුල් අකුරට හිමි ජය අංක තෝරාගෙන වාසනාව උරගෑමෙන් අනිවාර්යෙන් ම ඔබට දිනුමක් හිමි වනවා නිසැකයි. සුළු මුදලක් වැය කර රුපියල් කෝටියකට වඩා ලොකු මුදලක් ඔබේ අතට ලැබෙන්නේ නම් ඔබ මොන තරම් වාසනාවන්ත දැයි කියා ඔබටම සිතෙයි. ලොතරැයිවල වාසනා අංක පහත සඳහන් ක්‍රමයට තෝරා ගන්නේ නම් ඔබට එහි මුල් දිනුම අනාගතයේ දී කවදා හෝ ලැබෙනු ඇතැයි කීම අතිශයෝක්තියක් නොවේ.

ලොතරැයි දිනුමක් තමන්ට හිමි වේ දැයි දැන ගත හැකි එක් ගුප්ත මාර්ගයක් වන්නේ ඔබේ උපන් වේලාවට සෑදු දළ කේන්දර යයි. දැනට ඔබට තිබෙන දළ කේන්දර සියයට සියයක්ම නිවැරදි නොවේ.

ඒ නිසා පළමුව දළ කේන්දරයෙන් පලාපල බලන විට අදාළ උපන් වර්ෂයේ පංචාංග ලිතක් සොයාගෙන තමන්ගේ හඳහන සම්පූර්ණයෙන්ම සාදාගත යුතුය. දළ කේන්දරයෙන් ඔබේ ලග්නය සටහන් වී ඇති නිසා ලග්නයට හිමි ජය අංක ඔබට දී තිබේ. එම ජය අංක තෝරාගෙන ලොතරැයි පත් මිලට ගන්න. ඔබ මෙලෙස මිලට ගන්නා ලොතරැයි පත්වල අංක 5 ක් හෝ 6 ක් සටහන් වී ඇත.

හදිසි ධන ලාභ මෙන්ම ලොතරැයි වාසනාව පෙර කර්මාණුකුලව සිදු වෙන අහඹු සිද්ධියකි. පෙර ආත්මයන්හි කරන ලද කුසල්වල විපාක මත මෙම ආත්මයේ දී පලදීම සඳහා හේතු කාරණා වේ. හදිසි ධන ලාභ ලැබීම නම් ගිය ආත්මයේදී කෙතක වපුරන බීජ මෙම භවයේදී නෙලා ගැනීමක් ලෙස සැලැකේ.

පළමුව ලග්නයට අදාළ ජය අංක තෝරා ගන්න. ලග්න 12 ම අංක 3 බැගින් පහත දක්වා ඇත. ඔබ ලොතරැයි පත් ගන්නා වේලාවට ඔබේ ලග්නය පමණක් හිමි අංක පමණක් අරන් බලන්න. ලග්නය අනුව ඉලක්කම් 3 ක් ද, ඔබේ නමේ මුල් අකුරට හිමි අංක 3 ක් ද මේ සමඟ දෙනු ලැබේ. එම අංක 6 ම එකවර තෝරා ලොතරැයි පතත් මිලයට ගැනීමට අමාරුය. ඒ නිසා අංක 2 හෝ 3 ක් තෝරාගෙන ලොතරැයි පත් මිලට අරන් බලන්න.

ඔබ භාවිතා කරන නමේ මුල් අකුරට හිමි ඉංග්‍රීසි අකුර තෝරාගෙන අනෙක් ඉලක්කම් 3 ගෙන ලොතරැයි ගන්න. මෙම ඉලක්කම් දී ඇත්තේ ඉංග්‍රීසි අකුරු මුල් කරගෙනය. ඉංග්‍රීසි අකුරු 26 ට ඉලක්කම් 3 බැගින් දී තිබේ. ඔබේ ලග්නයට සහ නමේ මුල් අකුරට ඉලක්කම් 6 තෝරාගෙන ලොතරැයි පත් මිල මිලයට ගන්න.

මෙම ක්‍රමයට වාසනාව උරගෑමේ දී ඕනෑම කෙනෙකුට ජය අංක 6 ක් හිමි වේ. ඒ ඔබේ නමේ මුල් අකුරට හිමි අංක 3 ක් සහ ඔබගේ ලග්නයට හිමි අංක 3යි. උදාහරණයක් ගෙන බලමු.

කන්‍යා ලග්නයෙන් උපන් ‘කාන්ති’ යන නමට හිමි ජය අංක බලමු.

කන්‍ය ලග්නයට හිමි ජය අංක 21, 28, 27

නම කාන්ති නිසා ඉංග්‍රීසි අක්ෂරය K වේ.

K අක්ෂරයට හිමි ජය අංක 44, 37, 2

කන්‍යා ලග්නයෙන් උපන් කාන්තිට අයත් ජය අංක 6 මෙසේය. 2, 21, 27, 28, 37, 44 ලොතරැයි පත් මිලයට ගන්නා විට මෙම ඉලක්කම් 6 තෝරා ගන්න. එක වරම ඉලක්කම් 6 ම සඳහන් ලොතරැයි පත් මිලයට ගැනීමට අමාරු ය. ඉලක්කම් දෙක තුනක් වත් තෝරාගෙන වාසනාව උරගාන්න.

ජ්‍යෙතීර්වේදී ග.මු. සුබසිංහ
උපුටා ගැනීම සිළුමිණ