සාර්ථක විවාහයකට දේහ ලක්ෂණ අනුසාරයෙන් යුවතිපතියන් තෝරා ගනිමු….
විවාහය ජීවිතයේ වැදගත්ම සංධිස්ථානයකි. මිනිසාගේ දෙවන උපත විවාහයයි. ප්‍රේම සබඳතා හා යෝජනා මගින් විවාහ ගිවිස ගැනීම අද සුලබව දැකිය හැකිය. යහපත් ලක්ෂණ ඇති ස්ත්‍රීන් සරණ පාවාගන්නා පුරුෂයන් මෙන්ම යහපත් ලක්ෂණ ඇති පුරුෂයන් සරණ පාවාගන්නා ස්ත්‍රීන්ද දීර්ඝායුෂ ලබන්නේය. පවුල් ජීවිත යහපත් වන්නේය. ධනය, සැපය, දරුඵල මෙන්ම සමාජ ගෞරවයටද නිබඳව පාත්‍රවනු වනු ඇත. හඳහනේ ග්‍රහ පිහිටීම් හා පොරොන්දම් බලා සුබ නැකතට විවාහ වන ස්ත්‍රී පුරුෂ දෙපාර්ශ්වයේ දේහ ලක්ෂණ පිළිබඳවද ජ්‍යොතිෂානුකූලව විග්‍රහ කිරරීම මෙම ලිපියේ මූලිකම අරමුණයි.
කාන්තාවක විසින් විවාහය සඳහා පුරුෂයෙකු තෝරා ගැනීමේදී මෙන්ම පුරුෂයෙකු විසින් කාන්තාවක් තෝරා ගැනීමේදී ද හුදු බාහිර ඔපය ගැන පමණක්ම නොව අභ්‍යන්තර ගතිගුණ ගැනද සැලකිලිමත් විය යුතුය. බොහෝ විට ස්ත්‍රි පුරුෂ ශරීර ලක්ෂණයන් මගින් ඔහුගේ, ඇයගේ අභ්‍යන්තර ගතිගුණ ඉතා ප්‍රබලව පෙන්වයි. ඒ තුළින් අපට එය අවබෝධ කර ගත හැකිය.ීභාවකුතුහලය හා වෙනත් ඉපැරණි ජ්‍යොතිෂ හා දේහ ලක්ෂණ විද්‍යා පොත් පත් මෙන්ම මුඛ පරම්පරාවෙන් එන විස්තර රාශියකින් මෙය මනාව තේරුම් ගත හැකිය. පහත දැක්වෙන එක් යහපත් ලක්‍ෂණයක් නිසා අශූභ ඵල රාශියක අශූභ නැතිචී සුබ තත්වයට පත්විය හැකි බවද මතක තබා ගත යුතුය.
මුලින්ම අප බෞද්ධ සාහිතයේ එන ධම්ම පදට්ඨ කථාවේ එන එක් සිද්ධියක් පිළිබඳ අවධානය යොමු කරමු. එහිදී මාගන්දි බැමිණිය බුදුරජාණන් වහන්සේගේ පියවර සලකුණ බලා මෙසේ පවසා ඇත.
‘රත්තස්සහි උක්කුටිකං පදං හවෙ
දුට්ඨස්ස හොති සගසානු පීළිතං
මූළස්ස හොති අවකඩිඨීතං පදං
විවත්තච්ජද්දසි ද මිදිතං පදංච.’
අධික කාමාශාවෙන් පෙළෙන්නෙකුගේ යටිපතුල මැදින් උස්ව පිහිටියේය. ද්වෙෂාධිකයාගේ වහා හැපෙන ස්වභාව ඇත්තේය. මෝඩයාගේ පතුල පසුසට ඇදෙන්නේය. මෙවැනි පියවර සලකුණක් ඇත්තේ කෙළෙස් නැති අයෙකුටය. ඉහත දැක්වූයේ යම් පුරුෂයෙකුගේ පියවර සලකුනු බලා ඔහුගේ චරිත ලක්ෂණ දැන ගැනීමට අපේ බණ පොතේ එන උදාහරණයකි. එසේනම් අපි මුලින්ම ස්ත්‍රී දේහ ලක්ෂණ පිළිබඳව සලකා බලමු.
ස්ත්‍රී ලක්ෂණ :
පාද : මොලොක් පැතලි මස් වැඩි ලා රත් පැහැ පාද ඇති ස්ත්‍රීය ගුණ ධර්මයන් වඩන රාජ භාර්යාවක් වන්නේය. කොරසැඩි රළු වියළි පා ඇති ස්ත්‍රීය අවාසනාවන්තියකි. පයේ මාපට ඇඟිලි උස්ව පිහිටා තිබෙයි නම් බොහෝ සැප ලබන්නියකි. ගමන් කරන කල්හි දූවිලි ඇවිස්සේ නම් අවකල් ක්‍රියාවෙහි යෙදෙන ස්ත්‍රීයක්ය. පා ඇඟිලි එක පිට නැගී සිටිම වැන්දඹුවෙහි ලක්‍ෂණයකි.
නිය : පා, නියපොතු වටව උස්ව තඹවන් වුවහොත් ඈ භෝග සම්පත් ලබන්නීය. පිට පතුල අරුණ වර්ණ හෝ නෙලුම් පෙත්තක පිට පැත්තේ හැඩයට සමානව පිහිටා ඇත්නම් පිනැති වේ. උඩුපතුල මැද නැමී ඇත්නම් දිළිඳු වේ. පා මැද නහර ගැට ගැසුනේ නම් නිකරුනේ ඇවිදින්නියකි. උඩු පතුලේ ලොම් ගැවසුනේ දාසියකි.
ඇස්වට : බෝල යුග්මය සැඟවි නහර අඩුවුවහොත් ඈ පිනැති කාන්තාවකි.
විළුඹ : සම වූයේ නම් පිනැතිය. උස්ව පිහිටියේ නම් අසුභය.
කෙණ්ඩ : මස්වැඩි ලොම්නැති සිනිඳු සමින් වැසුනු කෙණ්ඩා ඇති කාන්තාව සැප ලබන්නීය.
දණහිස : මස්වැඩි වට වූ දණහිස් ඇත්තී වාසනාවන්තියකි.
උකුල : උකුල මහත්ව ඉගටිය සිහින්ව ඇත්තී පින්වන්තියකි. වැහැරී නැම් කුඩාව හෝ ලොම් ගැවසී ඇතොත් කනවැන්දුම් වීමේ ලක්‍ෂණයකි.
නිතඹ – (තට්ටම) : බිම්බාකාරව උස්ව හෝ මස් අධිකව පළල් වුවහොත් කම්සැප ලබන්නීය. ලෙලෙන නිතඹ ඇත්තී කාමාධිකය.
යෝනි : බෝපතක් වැනි වූයේ මුවකුරයක් වැනි වූයේ හා ඇත්කන්මුල් වැනි වූයේ නම් ශූභය. වම්පස උස්වූයේ නම් ගැහැනු දරුවන් වැඩි බවද, දකුණු පස උස් වූයේ නම් පිරිමි දරුවන් වැඩි බවද පෙන්වන ලක්‍ෂණයකි. සැවක් මෙන් රැළි ඇතුව වක් වූ යෝනිය ඇත්තී ගැබ් දැරීමට අසමත්ය.
වටොර (කලවා) : ඉතා දික් වූ කලවා දෙකක් ඇත්තී පින්වන්තය. මස් අධික වූයේ නම් ශූභය. මස් අඩුව වැහැරී ගියේ නම් අශුභය.
වස්තිය (යටිබඩ) : මහත නම් බොහෝ දරුවන් ලබන්නියකි. මහත්ව මොලොක්ව උස්ව තිබේ නම් යහපත්ය. රේඛා වෙන් ගැවසුන හෝ ලොම් වලින් යුත්ත වූයේ හෝ නහර ගැවසුනේ නම් අශූභය.
නාභිය : ගැඹුරුව දකුණට කරකැවී තිබේ නම් භෝග සම්පත් ලබයි. වමට කරකැවී තිබේ නම් අශූභය.
උදරය (බඩ) : මහත නම් බොහෝ දරුවන් ලබයි. ගෙමැඩියෙකුගේ ආකාරයට පෙනේ නම් රාජ දේවියකි. බලවත් සැමියෙකු ලබයි. මිහිගු බෙරයක් යව ඇටයක් සම වූ පුත්‍රයෝ ලබති. උඩට නැමී තිබේ නම් වඳ ස්ත්‍රියකි. පුහුල් ගෙඩියක ආකාරයට රළු බඩ ඇති නම් බොහෝ දුක් විඳී. බඩ මැද රැලි තුනක් ඇත්තී කාමයෙහි ගිජු වේ. වකුටු බඩ ඇත්තී සිත් තැවුලෙන් හා දුකින් කල් ගෙවයි.
පපුව : උඩට බිඳුනු ලොම් වලින් යුත් ස්ත්‍රීය සැමියා නසයි. උස් වූ පිරුණු ළය ඇත්තී වාසනාවන්තියකි. ළය පළල් වූයේ නම් වෙසඟනකි. අඟල් 18 ක් පමණ ළය ඇති ස්ත්‍රිය සැප ලබයි. ළය නොපිරිනු ස්ත්‍රිය අවාසනාවන්තය. පපුවේ රෝම තිබීම කණවැන්දුම් බවේ ලක්‍ෂණයකි.
පයෝධර : පිරුනු පයෝධර ඇත්ති වාසනාවන්තය. මුල මහත්ව ක්‍රමයෙන් සිහින්ව ඇත්නම් වාසනාවන්තය. වැහැරී ගියේ නම් අශූභය. දකුණු පියවුර උස්වූයේ නම් පිරිමි දරුවන් ලබයි. වම් පියවුර උස්වූයේ නම් ගැහැනු දරුවන් ලබයි. සමව ඝනව දැඩිව ඇත්නම් පුරුෂයාගේ කාම වර්ධනය කෙරෙයි. පියවුරු යුගළය අතර දුර වැඩි නම් ගුණවත් තැනැත්තියක් නොවේ.
උරහිස : නැමුණු උරහිස පුතුන් ඇති ලක්‍ෂණයකි. කෙටි වුවහොත් සැප ඇත්තියකි. මස් වැඩුනොත් ඉතා කාමාධිකය. මස් රහිත වූයේ නම් වැන්දඹු වෙයි. සමව උරහිස් ඇත්ති පින්වන්තය.
අත් : අතේ මහපට ඇඟිල්ල පියුම් කැකුලක් බඳු වූයේ හා පිරිසිදු හා පැහැදිලි රේඛා අත්ලේ පිහිටියේ නම් ඇය පිනැත්තියකි. අත්ල පියුමක් මෙන් මොලොක් වූයේ නම් සැප ලබන්නියකි. තරාදියක ලක්ෂණ රේඛා පිහිටා ඇති නම් වෙළෙඳ භාර්යාවකි. කොඩි කුඩ මත්ස්‍ය ස්වස්තික දුනු ආකාර ලක්ෂණ වලින් එකක් යම් කාන්තාවකගේ අත්ලේ පිහිටියේ නම් ඈ සැප ලබන්නියකි. චක්‍ර යුධායුද ඡය සංකේත යන ලක්ෂණ වලින් එකක් පිහිටියේ නම් ඇය කිසිලෙසකින් දුක් නොවදින භාග්‍යයවන්ත කාන්තාවකි. රෝම ගැවසුනු හා වළගැසුනු පිටි අල්ල ඇති කාන්තාව ස්වාමියාට අපල වෙයි. නහර ඉලිප්පී ලොම් ගැවසුනු පිටි අල්ල ඇති ස්ත්‍රීය චිත්ත සන්තාපයෙන් කල් ගෙවන්නියකි. මාපට ඇඟිල්ල මුල සිට සුලඟිල්ල දක්වා අල්ලේ රේඛා වැටී ඇති නම් ඇය ස්වාමියා නසන්නීය. පැතලි වැහැරී කොට හැකිලුනු ඇඟිලි පුරුක් රෝග භිය ඇති කරයි. වකුටු වූ හෝ රළු වූ නියපොතුද රෝග භිය ඇති කරන අතර නියපොතු වල සුදු බින්දු වැටීම අධික කාමාශාව ඇති බවෙහි ලක්‍ෂණයකි.
උපුටා ගැනීම දිවයින
