ව්‍යාපාරය සරුද තත්කාලායෙන් නිවැරදිව දැනගමු!
ශ්‍රී පද්මප්‍රභාශූරී පඬිවරයා භාරතයේ විසූ සුප්‍රකට ජ්‍යෙතිෂ් ශාස්‌ත්‍රඥවරයෙකි. එතුමා විසින් රචිත “භූවන දීපිකාව” නමැති ග්‍රන්ථයේ තත්කාල ශාස්ත්රය පිළිබඳව ඉතා වටිනා කරුණු රැසක්‌ අඩංගු වේ. මේ ලිපියට ඇතුළත් වන්නේ එම ග්‍රන්ථයෙන් උපුටා ගත් කරුණු කීපයකි. රැකියා ව්‍යාපාර කටයුතු පිළිබඳව තත්කාලයේ පැන විසඳුම් ලබා ගන්නා අයුරු මෙම ලිපියෙන් විග්‍රහ කර බලමු.
යම්කිසිවකු තත්කාලයෙන්, ශාස්‌ත්‍රයක්‌ ඇසීමට පැමිණි වේලාවට, ජන්ම කේන්ද්‍රයක්‌ සාදන ආකාරයට තත්කාල කේන්ද්‍රයක්‌ සාදා ප්‍රශ්නයක්‌ සාදා ප්‍රශ්නය විසඳීම එක ක්‍රමයකි. තත්කාල ශාස්ත්රය ඇසීමට පැමිණි අයගෙන් 108 (එකසිය අටට) අඩු ගණනක්‌ (අංකයක්‌) අසා එම ගණන 12න් (දොළසින්) බෙදා ඉතිරි වන අංකය අනුව මේෂ රාශියේ පටන් ලග්නය උදා කරගෙන තත්කාල කේන්ද්‍රය සාදා ප්‍රශ්නය විසඳීම අනික්‌ ක්‍රමයයි. උදාහරණ – ප්‍රශ්නකරු 108 පහළ අංකයක්‌ කී විට එය දොළහෙන් බෙදීමෙන් ලැබෙන ශේෂය
- 01 නම් උදා ලග්නය මේෂය වේ.
- 02 නම් උදා ලග්නය වෘෂභ යයි.
- 03 නම් මිථුනයයි.
- 04 නම් කටකයයි.
- 05 නම් සිංහයයි.
- 06 නම් කන්‍යාවයි.
- 07 නම් තුලාවයි.
- 08 නම් වෘශ්චිකයයි.
- 09 නම් ධනුවයි.
- 10 නම් මකරයයි.
- 11 නම් කුම්භයයි.
- 12 නම් මීනයයි.
මෙසේ තත්කාල ලග්නය උදා කරගෙන ග්‍රහයන් පිහිටුවා ගැනීම සුදුසුය.
ව්‍යාපාරය සාර්ථකද?
තත්කාල කේන්ද්‍රයේ එක, හතර, හත, දහය යන කේන්ද්‍ර ස්‌ථානවල හා පහ, නවය යන ත්‍රිකෝණ ස්‌ථානවල මෙන්ම අටවැන්නේ ද පාප ග්‍රහයන් නොසිට ශුභ ග්‍රහයෝ බලයෙන් යුක්‌තව සිටිත් නම් ව්‍යාපාරයෙන් ජය අත් වේ. ඒකාන්තයෙන්ම සාර්ථක වේ. එමෙන්ම බලවත් ගුරු සහ සිකුරු සංයෝගව දෙවැන්නේ හෝ තුන්වැන්නේ සිටින්නේ නම් ඉක්‌මනින් සාර්ථක ප්‍රතිඵල ලැබේ.
දැනට කරන කටයුත්තෙන් ලාබ ලැබේද?
උදා තත්කාල ලග්නයෙන් තුන, පහ, හත, එකොළහ යන තැනක බලයෙන් යුක්‌තව සුබ ග්‍රහයෝ සිටිත්නම් ලාබ ලැබේ. පාප ග්‍රහයන් සිටිත් නම් පාඩු සිදුවේ.
ඉක්‌මනින් රක්ෂාවක් ලැබේද?
උදා ලග්නයේ හත් වැන්නේ හා දහ වැන්නේ සුබ ග්‍රහයෝ බලයෙන් යුක්‌තව සිටින්නේ නම් ප්‍රශ්නකරුට රක්ෂාවක් ලැබේ. පාප ග්‍රහයන් සිටින්නේ නම් රක්ෂාවක් නොලැබේ.
යහපතක්‌ සිදුවේද?
උදා තත්කාල කේන්ද්‍රයේ කේන්ද්‍රස්‌ථානවල හා ත්‍රිකෝණස්‌ථානවල ශුභයෝ බලයෙන් යුක්‌තව සිටිද්දී අට වැන්නේ මෙන්ම කේන්ද්‍රස්‌ථාන පාපයන්ගෙන් තොරද ප්‍රශ්නකරුගේ අභිමතාර්ථයන් ඉෂ්ට වී යහපතක්‌ සිදුවේ.
ඉහත කියන ලද ස්‌ථාන ශුභ අශුභ ග්‍රහයන්ගෙන් මිශ්‍රනම් ශුභ අශුභ පල මිශ්‍රව ලබාදෙයි.
උපුටා ගැනීම දිවයින
වර්ග අඩි ප්‍රමාණය නිවෙසේ ප්‍රමාණය ඔබ මූලිකවම තීරණය කිරීම කළ යුතුයි. මෙහිදී ඔබගේ අවශ්‍යතා සහ ආර්ථික හැකියාවට ගැළපෙන වර්ග අඩි ප්‍රමාණයක් මූලිකවම...
ජ්‍යෙතිෂ ශාස්‌ත්‍රාණුකූලව නැකත් 27 ක්‌ පමණ ඇති අතර ඉපැරණි “මානසාගරී” ජ්‍යෙතිශ ග්‍රන්ථයට අනුව නම්, නැකත් 28 කි. අස්‌විද, බෙරණ, කැති, රෙහෙණ,...
ශක්තිය, බලය මිනිසා සහ පරිසරය යන මෙම සමීකරණය බැඳී ඇත්තේ ස්වභාවික නීතිය පරිසර නීතිය එසේත් නැත්නම් විශ්ව නීතිය යන අපට නොපෙනෙන...
මහපට ඇඟිල්ල :අත්ලේ සිකුරු මණ්ඩලයෙන් ආරම්භ වන ප්‍රබල ඇඟිල්ලකි. (පසුව එන ලිපියකින් අත්ලේ ඇති විවිධ මණ්ඩල ගැන විමර්ශනය කෙරේ.) මෙම මහපට...
මෙවැනි ජන්මීන්ට සිකුරු ගේ රාහු අතුරු දශාව තිබේ. ආරූඪ ලග්නයෙන් 3 වැන්නේ සිටි සිකුරුගේ මහ දශාවේ ආරූඪ ලග්නයෙන් අට අධිපති වූද,...
කෙනෙකු දෙස බැලූ පමණින්ම අපේ නෙත ගැටෙන අංග ලක්‍ෂණයක්‌ වන දෙනෙත් දේහ ලක්ෂණ විද්‍යාවේදී ප්‍රමුඛ තැනක්‌ ගනී. ඇස්‌වල වර්ණය හා පිහිටීම...
