ඉපදුනොත් පෙබරවාරි මේ ගතිගුණ අතනාරී
කෙනකු උපන් දිනයට අනුකූලව ද ඔහුගේ හෝ ඇයගේ හෝ පලාඵල කිව හැකි අතර මුල් ලිපියෙන් විස්‌තර කෙරුණේ, ජනවාරි 21 ත්, පෙබරවාරි 19 ත් අතරතුර එනම්, කුම්භ රාශිය පිළිබඳ මාසයේ උපන් අයගේ පලාඵලය. අද ලිපියෙන් විස්‌තර කෙරෙන්නේ පෙබරවාරි 20 ත් මාර්තු 20 ත් අතරතුර එනම්, මීන රාශිය පිළිබඳ මාසයේ උපන් අයගේ පලාඵලය.
මීන රාශියේ ලක්‍ෂණ.
මසුන් දෙදෙනකුගේ රුවකි. පාලක ග්‍රහයා ගුරුය.
මීන රාශියට අදාළ මාසයේ උපත ලද ගැහැනු හෝ පිරිමි හෝ කෙනකුගේ ස්‌වභාවික ගති පැවතුම්
දයානුකම්පාව චරිත ලක්‍ෂණයක්‌ වන නිසා ඇසුරු කරන සියල්ලන්ම වාගේ සතුටු කිරීමට වෙහෙස දරන අතර ආගන්තුක සත්කාරයට දක්‌වන්නේ බලගතු කැමැත්තකි. සෙස්‌සන්ගේ හිතසුව පිණිස ස්‌වකීය ධනය හා කාලය ද වැය කිරීම ඔවුන්ගේ ස්‌වභාවයකි.
උසස්‌ මට්‌ටමේ හැඟීම් සමුදායක්‌ පවතින නිසා, උසස්‌ තත්ත්වයේ ශාස්‌ත්‍රීය කටයුතු, චිත්‍ර ශිල්පය යනාදියට තදබල කැමැත්තක්‌ දැක්‌විය හැකිය. වෙළහෙළදාම් කටයුතුවල නිරත වුව හොත් ලාබ ප්‍රයෝජන ලබාගැනීමේ වැඩි ඉඩකඩක්‌ පවතින නමුත් ඒ කෙරෙහි එතරම් ඇල්මක්‌ දක්‌වන සෙයක්‌ දක්‌නට නැති තරම්ය. අහසේ ප්‍රාසාද බැඳීම වැනි හිස්‌ දේවල් පිළිබඳව නිරතුරු කල්පනා කිරීමට ඔවුන් පෙළඹිය හැකිය. මෙවැනි හැඟීම් ඔවුන් තුළ ඇතිවන්නේ ඔවුන් තුළ පවතින නිර්මාණ ශක්‌තිය නිසාය.
ඉතා අවශ්‍ය දෙයකට වුවද, මුදල් වියදම් කිරීමට මැළිකමක්‌ දක්‌වන සෙයක්‌ දක්‌නට දක්‌නට ඇති අතර මුදල් පිළිබඳව ඔවුන් තුළ අමුතු විදියේ හැඟීම් පැවතීම ඊට හේතුවය. එසේ වුවද, පුංචි පහේ බඩුවක්‌ මිලට ගැනීමේදී පවා කීයක්‌ හරි ඉතිරි කරගන්න මාන බලන ඔවුහු, පුංචි පහේ අවශ්‍යතාවයක්‌ වෙනුවෙන් අත දිග හැර වියදම් කරන්නට ද පෙළඹෙති. කනට ඇසෙන හැමෙකක්‌ම වාගේ විශ්වාස කරන ස්‌වභාවයක්‌ ඔවුන් තුළ පවතින අතර කිසියම් දෙයක්‌ ඕනෑවට වඩා හිතට ගැනීම ද ස්‌වභාවයකි. අදමිටු පුද්ගලයන් ඔවුන්ගේ මෙම දුර්වලතාවය හඳුනාගෙන, අවස්‌ථාවක්‌ ලැබුණු විට එය උපයෝගී කරගනිමින් ඔවුන්ට අලාභ හානි සිදු කිරීමට ඉඩකඩ ඇත. එම නිසා මිතුරන් වෙසින් පැමිණෙන සතුරන් ගැන ඔවුන් අවධානයකින් සිටීමට මතක තබාගත යුතුය.
ජීවිතයේ තත්ත්වය හා සෞඛ්‍ය තත්ත්වය
නිරෝගීභාවය පිළිබඳව මීන රාශියට අදාළ මාසයේ උපන් අයට එතරම් කරදරයක්‌, ප්‍රශ්නයක්‌ ඇතිවන්නේ නැතත් සම්පූර්ණයෙන්ම නිරෝගී අය නොවෙති. අවබෝධයකින් යුතුව සෞඛ්‍ය තත්ත්වය පවත්වාගෙන ගියහොත්, දිගුකල් ජීවත්වීමේ වාසනාව ඇත. ස්‌නායු ආබාධ ඇතැම් විට ඇතිවිය හැකි අතර සිරුරේ ඉතා දුර්වල ඉන්ද්‍රිය පෙනහළුය. පමණ දැන ආහාර ගැනීමද, චාම් ජීවිතයක්‌ ගතකිරීම හා හැකි තරම් පිරිසිදු වාතය ආශ්වාස කිරීම ද සෞඛ්‍ය තත්ත්වය මැනවින් පවත්වාගෙන යැමට ඉවහල් වනු ඇත. ශරීරය ප්‍රවේසම්කාරීව තබාගැනීමට ද උනන්දුවක්‌ දැරිය යුතුය.
විනෝදාත්මක ක්‍රියා සහ කරන්නට ප්‍රිය ක්‍රීඩා යනාදිය
මීන රාශිය පිළිබඳ මාසයේ උපන් අය කැමැත්ත දක්‌වන්නේ, ස්‌වකීය නිර්මාණාත්මක හැකියාවන් හා තියුණු හැඟීම් ද වර්ධනය කරගත හැකි අන්දමේ පොතපත කියවීම, නැටුම්, ගැයුම්, වැයුම්, චිත්‍ර ඇඳීම යනාදියටය. ඔවුන් අධ්‍යාත්මික මට්‌ටමේ උසස්‌ හැඟීම් සහිත අය වන්නේ පවතින ශාස්‌ත්‍රීය හැකියාවන් නිසාය. මස්‌පිඬු ක්‍රියා කරවන ක්‍රීඩාවල යෙදෙන්න එතරම් උත්සාහයක්‌ නොදරන සෙයකි. දේශීය හෝ විදේශීය සංචාරවලට කැමැත්තක්‌ දැක්‌විය හැකිය.
කරන රැකීරක්‍ෂා යනාදිය
මිනිසුන්ට යහපතක්‌ කිරීමට මීන රාශියට අදාළ මාසය තුළ උපන් අයගේ බලගතු කැමැත්තක්‌ ඇති හෙයින්, වෛද්‍ය වෘත්තිය, හෙද වෘත්තිය වැනි වෘත්තියකින් ඔවුන්ට දියුණු විය හැකිය. ඔවුන් සෙනෙහෙවන්ත, ධෛර්ය සම්පන්න පුද්ගලයන් වන හෙයින්, සෙසු සේවකයන්ගේ ද සිත් දිනාගත හැකි නිසා වෙළහෙළෙ¹ම, කර්මාන්ත, කාර්යාල පාලක, පරීක්‍ෂක යනාදී ක්‍ෂේත්‍රයන්හි වෘත්තියක්‌ තෝරා ගතහොත් දියුණු වන්න පුළුවන. ගුරු වෘත්තිය තුළින් ද මාහැඟි සේවයක්‌ ඉටුකළ හැකිය. සෙසු සේවක, සේවිකාවන් ඔවුන්ට සලකන්නේ හිතමිත්‍ර ලීලාවකිනි. පවතින නිර්මාණ කුසලතාවන් නිසා, ග්‍රන්ථ රචනයෙන් ද දියුණු වන්න පුළුවන. පුවත්පත් කලාව ද ඔවුන්ට ගැලපෙන්නකි. ශාස්‌ත්‍රීය ලිපි ලේඛන රචනයට ද කැමැත්තක්‌ දැක්‌වීමට පුළුවන.
ප්‍රේමය හා විවාහ ජීවිතය
හිත මිතුරන්ට මෙන්ම ප්‍රේමය ද සෙවීම, මීන රාශිය පිළිබඳ මාසයේ උපන් අයගේ ස්‌වභාවයකි. ජීවිතයේ මුලදීම කල්තබාම වාගේ විවාහ ජීවිතයට ඇතුළත් විය හැකිය. කොටස්‌කරුවකු හෝ කොටස්‌කාරියක හෝ සොයා ගැනීමට පෙරාතුව කිහිප දෙනකුටම ආදරය දැක්‌වීමට පුළුවන. අතිනත ගැනීමෙන් පසුව දෙදෙනා කලදවස ගෙවන්නේ බද්ධ ප්‍රේමයකින් යුතුවය. දෙදෙනාම මීන රාශියට අදාළ මාසයේ උපන් අය නම් විවාහය වාසනාවන්ත නොවන්නටත් අමිහිරි ප්‍රතිඵල අත්විඳින්නටත් ඉඩකඩ තිබිය හැකිය. විවාහයෙන් මිහිරි ප්‍රතිඵල අත්විඳීම සඳහා වෘශ්චික හෝ මකර රාශීන්ට අයත් මාසවල එනම්, ඔක්‌තෝබර් 24 හා නොවැම්බර් 22 අතර හෝ දෙසැම්බර් 22 හා ජනවාරි 20 අතර හෝ උපන් කෙනකු හා සමඟ යුගදිවි ගමන ඇරඹීම මැනවි. ශුභ දවස සෙනසුරාදාය.
වාසනාව උදා කරන වර්ණය මැණික්‌ වර්ගය හා ලෝහය
නීල වර්ණයෙන් හා රතට හුරු නිල් වර්ණයෙන් ද ශුභපල ලබාගත හැකිය. වාසනාව උදාකර ගත හැකි මැණික්‌ වර්ගය රතු මැණික්‌ය. වාසනාව උදාකරදෙන විශේෂ ලෝහ වර්ගයක්‌ ඔවුනට නැත.
සෑම වසරකම ශුභාශුභ කාල වකවානු
මිථුන, කටක හා තුලා රාශීන්ට අදාළ මාස, එනම්, මැයි 21 හා ජුනි 21 අතර ද ජුනි 22 හා ජූලි 22 අතර සහ සැප්තැම්බර් 23 හා ඔක්‌තෝබර් 23 අතර ද වකවානු සෑම වසරකම ඔවුන්ට ශුභදායක කාලවකවානුය. අශුභදායක වකවානුව වන්නේ ඔක්‌තෝබර් 24 හා නොවැම්බර් 22 අතර කාලයයි. මේ නිසා ජීවිතයේ සියලුම ශුභ කටයුතු යටකී ශුභ කාල වකවානුවලදී ඉටුකිරීමට ද අශුභ කාලයේ විවේක ගැනීමට ද වගබලා ගැනීම යහපත්ය.
තමන් සිතන පතන සියල්ලක්‌ම සාර්ථක වන සෙයක්‌ දක්‌නට ලැබෙන්නේ යට කී ශුභ කාලයන්හිදීය. ඊට පටහැනි ස්‌වභාවයක්‌ දක්‌නට ලැබෙන්නේ යට කී අශුභ කාලයේදීය.
උපුටා ගැනීම දිවයින
.jpg "චොක්ලට් ෆජ්")
