සුබ ගමනක් යෑමට පෙර පන්සලට යන්න

ගමනක් නොගිය කෙනෙක් නැත. විදේශ ගමන් යති. වන්දනා ගමන් යති. නෑදෑ ගමන් යති. හොඳ ගමන් යති. සමහරු නරක ගමන් යති. ධීවරයෝ මුහුදු යති. රා මදින්නා අතුරේ ගමන් යති. මේ සියල්ලම හැරදා අවසන් ගමන් යති. යළි එන්නේ නැත.

ඈත වන්දනා ගමනක් යෑමට ප්‍රථම ගමේ පන්සලට ගොස් මල් පහන් පූජා කර දෙවියන්ට පින්දී භාරවන්න. ගමන ගොසින් ආ පසුව තෙරුවන් නමැද බෝධි පූජාවක් එම පන්සලේදීම පවත්වා දෙවියන්ට පින්දී භාරය නිදහස් කරන්න. ගමනේදී කරගත් කුසල් ඒ ස්ථානයේම දෙවියන්ට අනුමෝදන් කරවන්න.

අපිට සෑම ගමනකදීම පන්සලට දුවන්න බැහැනේ. ඒ නිසා ගමනක් යෑමට ප්‍රථම ගෙදර බුදු කුටියට පහනක් දල්වා මල් පහන් පූජාකර තෙරුවන් නමැද තෙරුවන් බලෙන් මාගේ ගමන සාර්ථක වේවායි පතා යන්න. එම අධිෂ්ඨානය ඔබට ආශීර්වාදයක් වේ. කරදර බාධාවලින් තොරව ගමන යෑමට හැකිවේ.

පීනසය තිඛෙන අයගේ හැර නිරෝගී කෙනකුගේ කිවිසුම් අවස්ථාවේ ගමන් නොයන්න. එය මහත් බාධාවකි. සුනඛයකු කන්පට ගැසීම, බුරාගෙන ගමන වැළැක්වීම, ගමනක් යෑමේදී පළමු දෙවැනි අශුභ ලකුණුය. තුන්වැනි ලකුණ සුබනම් හොඳ හිතින් ගමන් අරඹන්න. අවස්ථා තුනම අශුභ නම් එම ගමන යන්න එපා. ඉන් පලක් නොවේ. පාඩු සිදුවේ. වෙලාව නරක නම් මරණයන් සිදුවේ. ගමනට අශුභ පෙර නිමිති ගැන දැන් විමසා බලමු.

අත්පා අහිමි අබ්බගාතයන් කොරුන්, ඉන්ද්‍රියන් අඩුපාඩු අය, අත් අහිමි අය, පා අහිමි, පාද කැපූ අය හමුවීම අශුභ වේ. මානසික රෝගීන්, දූලිපාට වස්ත්‍ර ඇෙග් එල්ලාගෙන කොණ්ඩය සැඩ පලු ගෙතී කිසිම පිරිසුදුකමක් නැති හත් අවුරුද්දකින්වත් නාලා නැති නිතර කියවන පරුෂ වචනයෙන් බැනවදින පිස්සන් හමුවී ගමන් යෑම ඉතා අශුභය. දරමිටි හිස තබාගෙන එන කාන්තාවන් හෝ යමක් හිස තබාගෙන එන අය, වැන්දඹුවන්, ළමයි නැති වඳ ස්ත්‍රීන්, හිගන ස්ත්‍රීන්, පිරිමි පෙනුම ඇති ස්ත්‍රීන්, ගැබ්බර ලියන් හමුව ගමන් යෑම අශුභයි. අන්ධයන්, හමුවී ගමන් යන්න එපා අශුුභයි. අවි ආයුධ රැගෙන කඹයක් උරෙහිලා ගස් කැපීමට යන අය හමුවී යෑම අශුභයි. වැරහැලි ඇඳගත් අය කැති උදලු ගල්ඉනි රැගෙන රහමෙර පානය කර වෙරි මතින් එන අය දැක ගමන් යෑම අශුුභයි. කළු වස්ත්‍රයෙන් සැරසුණු මුස්ලිම් කාන්තාවන් හා සිංහල අය රතුපාට රෙදි ඇන්ද අය, මළ මිනියක් රැගෙන පැමිණීම, පැවිද්දකු හමුවීම, සමහරු පැවිදි අය දැක හමුවීම සුබයි කීය. මෙය මතවාදයට තුඩු දුන් එකකි. මේ පිළිබඳ ඔබගේ අදහස් අගයමි. විදුලිය කෙටීම, අකුණු ගසන අවස්ථාවල ගමන් යෑම ඉතා අහිතකරවේ. ලුණු කරත්ත ඉදිරියට එනවිට ගමන් ඇරැඹීම ඉතා අශුභ භව පූර්වාචාරීන් විසින් ප්‍රකාශයට පත්කර ඇත. පරුෂ වචන කියමින් ඉදිරියට එන්නන්, හීරලුවන්, කටුස්සන් පාර හරහා යෑම. නරි, හෝතඹුවන් පාර පැනීම, නාගයන් පාර හරහා මාරුවෙනවිට ගමන් යෑම ඉතා අශුුභයි. අමුඩ ගැසූ අය මෙම අය ගම්බද දක්නට ලැබේ. අමුඩ ගැසූ උදවිය හමුවී යෑම අශුභයි. කෙස් වැටිය ලිහාගෙන (කඩාගෙන) එන ස්ත්‍රීන් දැකීම අයහපත් වේ. වඳ ස්ත්‍රීන් (දරුවන් නැති) පෙරමග හමුවීම නිසාද කටයුතු ඉටු නොවේ. ගමන දුෂ්කර වේ. පරුෂ වචනයෙන් බනින පිරිමි සහ ගැහැනු හමුවී යෑම නිසා මුදල් සොරා ගනී. බල්ලන්, කබරගොයන්, ගැරඩි පාර හරහා මාරුවීම ඉතා අශුභයි. දුක් මුසු ආරංචි අසන්න ලැබේ. පවුලේ ඥාතියකුට විපත් වේ. මෙය අශුභයි. බළලුන් පාර හරහා යෑම ඉදිරියට ආවොත් ගමනින් අනතුරු පීඩා ධනය වැයවීම් වේ. මුදල් හොරාගනී. ගමනක් යන විට ඉදිරියට හමුවීම ඉතා අශුභය දෙයකි සුනඛ මෙවුන්දම. හතුරන්ගෙන් කරදර සොරුන්ගෙන් පීඩා. නිතර අසනීප වීම සිදුවේ. රෝගීන් ඉදිරියට පැමිණි ගමන් යෑම ඉතා භයානකයි. හදිසි අනතුරු විපත් ගෙන දෙයි. අවමගුල් පෙරහරක් හමුවී ගමන් යෑම ඉතා අවාසනාවන්තයි. ගමනින් බලාපොරොත්තු දේ ඉටු නොවේ. කරදර සහිතයි. රා කැපීමට හිස් මුට්ටිය පිහිය රැගෙන රැවුල වවාගත් අය හමුවී ගමන් යෑම බලාපොරොත්තු සුන් වී යයි. ගමන කරදර සහිතයි. හරක් හොරෙකු හමුවී ගමන් යෑම අශුභයි. ගමන් යෑමට ඒ ඒ කාලයන්ට ගැළපෙන දිශා මෙසේය. උදයට උතුර, දවල්ට නැෙගනහිර, සවස දකුණ, රෑ පෑලදිග මෙය වයිතාලේ කියයි. වයිතාලෙන් ගමන් යන්න ඕනෑම දවසකට පොදුවේ ජය ලැබීමට භාග්‍ය උදාවේ. ගමන්බිමන් යෑම ගර්භදානය ධනය සැපයීම නව කර්මාන්ත ආරම්භය, දරුවන්ට අකුරු කියවීමට, සර්ප වෙදකමට, දිය නෑමට, මෛථුනයට, වී වැපිරීමට, වී කෙටීමට, තෑගිදීමට යන මෙම කරුණු වාව නාඩිය ක්‍රියාත්මක වනවිට ශුභයි. මෙය වම නාස්පුටයෙන් හුස්ම ගැනීම වේ. දකුණු නාඩියෙන් ලිපි ලේඛන ලිවීම, රා අරක්කු බීම, ලියුම් ලිවීම, කවි කීම ලිවීම, පිංගල නාඩියෙන් සුබයි.

ජ්‍යොතිර්වේදී ගොඩගම ජයසේන ජයසිංහ

උපුටා ගැනීම මවුබිම