විවාහය කඩිනම් කෙරෙන යෝග
තරුණ වයසට පැමිණි පසු වැඩිකල් නොගොස් ඉක්මනින් විවාහ සිදුවන යෝග කිහිපයක් ‘තරුපති’ පාඨකයන්ට හඳුන්වාදීමට කැමැත්තෙමි. ඒවා නම්,
- දෙවැන්න අධිපති ග්‍රහයා එකොළොස් වැන්නේ සිටියදී එකොළොස්වැන්න අධිපතියා දෙවැන්නේ නම් වැඩිකල් නොගොස් වාසනාවන්ත විවාහයක් සිදුවන්නේය. මෙම ග්‍රහ පිහිටීම බලවත් ධන යෝගයක්ද වන බැවින් විවාහයෙන් පසුව විශාල ධනවතෙක්ද වන්නේය.
- දෙවැන්න අධිපතියා 11 වැන්නේ සිටියදී ලග්නාධිපති 10 වැන්නේ සිටීමද ඉක්මන් විවාහයකට හේතුවේ.
- සිකුරු ග්‍රහයා 1, 4, 7, 10 යන ස්ථානයක සිටියදී ලග්නාධිපති ග්‍රහයා මකර හෝ කුම්භ රාශියක නම්ද ඉතාම බාල වියේදී විවාහය සිදුවේ.
- සිකුරු ග්‍රහයා 1, 4, 7, 10 යන ස්ථානවලින් එකක සිටියදී සිකුරුගෙන් 07 වැන්නේ සෙනසුරු පිහිටීමද එසේය.
- රවි 07 වැන්නේ සිටියදී 07 වැන්න අධිපතියා සිකුරු සමඟ සංයෝග වී නම් එය බාල කල විවාහ වන යෝගයකි.
- 07 වැන්න අධිපති ග්‍රහයා උච්චව හෝ ස්වක්ෂේත්‍රව හෝ මූල ත්‍රිකෝණව හෝ 5, 9 තැනක හෝ 4 හෝ 10 වැන්නේ නම් එයද ඉක්මන් විවාහයක ලකුණුය.
- කුජ, සිකුරු එකට හෝ කුජ, වෘෂභ හෝ තුලා යන රාශි එකක හෝ නවාංශකයද, සිකුරු වෘශ්චික හෝ මේෂ රාශියක හෝ කුජගේ නවාංශකයකද සිටි කල්හි සුදුසු කල විවාහය සිදුවේ.
- හත්වැන්න අධිපතියා සහ සිකුරු 1, 4, 7, 10 හෝ තැනක නම් 1, 5, 9 හෝ ශුභ ග්‍රහයන්ට මැදිව ශුභ දෘෂ්ටි ලැබ සිටියහොත්ද ඉක්මන් විවාහයකි.
- දෙවැන්න හා 11 වැන්න අධිපති ග්‍රහයන් දෙදෙනා සංයෝග වී 10 වැන්නේ නම් ඉක්මන් විවාහයකි. ඊට ලග්නාධිපතිද එක්වී සිටියහොත් විවාහයෙන් පසුව දියුණු වේ.
- සිකුරු, කුජ, සඳු තිදෙනා බලවත් නම් එයද විවාහය ඉක්මන් වීමකි.
- කුජ, සිකුරු, සඳු, ගුරු බලවත් වීමද එසේය.
- සිකුරු 07 හෝ 11 වැන්නේ වීමද ඉක්මන් විවාහයකට මඟ සලකුණුය.
- කුජ ග්‍රහයා තුලා හෝ වෘෂභ රාශියක නම්ද එසේය.
- කුජ ග්‍රහයා කටක රාශියේ හෝ සිකුරු, කටක රාශියේ වීමද ඉක්මන් විවාහයකට හේතු වේ.
- 07 වැන්න අධිපති ග්‍රහයා උච්චව සිටීමද යහපත්ය.
- ශනිට කුජ පෙනීමද ඉක්මන් විවාහයකට හේතුවේ.
මව්බිම
