සැප්තැම්බර් මාසයේ උපන් ඔබ ගැන අංක විද්‍යාත්මක විග්‍රහය
සැප්තැම්බර් මාසයේ උපන් ඔබ ගැඹුරු තාර්කික හා විශ්ලේෂණාත්මක මනසකට හිමිකම් කියයි. සමහර අවස්ථාවලදී නොසිතූ ලෙස අවිනිශ්චිත භාවයට පත්වේ. ඔබට ඉතා ක්‍රමානුකූලව හා විධිමත්ව සැලසුම් ක්‍රියාත්මක කිරීමේ හැකියාවක් ඇත. ඔබගේ පරිපූර්ණ බව අන් අය පුදුම කරවන්නකි. පිරිසුදුව ජීවත්වීමට ඉතාමත් කැමැති පිරිසකි. ප්‍රකාශ කරන අදහස ඉතා නිවැරැදි වුවත් එය ප්‍රසන්නව ඉදිරිපත් කිරීමේ හැකියාවක් නම් නැත. ඔබ පාරිශුද්ධත්වයට හා යහපැවැත්මට ඉතා ආදරය කරයි. පවුල් ඒකකයේ සමහර කාරණා වලදී නම් මෙය ඉතා අයහපත් ලෙස බලපාන අවස්ථාද ඇත. නීති පිළිපැදීමේදී ඉතා සූක්ෂ්ම වේ. ඔබගේ ප්‍රායෝගිකත්වය ගැන ඔබට ඇත්තේ දැඩි විශ්වාසයකි. පුළුල් මතක ශක්තියක් හිමි ඔබ මිතුරන් තෝරා ගැනීමේදී ඉතාසූක්ෂ්ම වේ. භෞතිකවාදී ආකල්ප දරන ඔබ වෙළෙදාමට දක්ෂය.
තවද තමාගේ ඇඳුම්, පැලඳුම් ගැන, නිවෙසේ අලංකරණය පිළිබඳව ඉතා සැලකිලිමත් වේ. නමුත් තමාගේ අදහස් මතම ක්‍රියාකරන ආත්මාර්ථකාමී කොට්ඨාසයකි. තවද නපුරු වුවහොත් එහි අනන්තයටද, ගුණවත් වුවහොත් එහි අනන්තයටද යා හැකි පුද්ගල කොට්ඨාසයකි. ආදරයේදී ඉතා සංකීර්ණ ස්වභාවයක් ගන්නා ඔබ මධුවිතට නම් දැඩි ලොල් බවක් දක්වයි.
සෞඛ්‍ය තත්ත්වය:
ඔබ සාමාන්‍යයෙන් සෞඛ්‍ය සම්පන්නය. නමුත් අධික කෝපය නිසාම හෘදයාබාධ තත්ත්වයන් ඇති කරගත හැකිය. ස්නායු ආබාධ, දුර්වල බඩවැල්, අක්‍රමවත් බඩවැල්, ආමාශගත රෝග, මල බද්ධය, අර්ශස් රෝගය ඇතිවිය හැකිය. හිරුඑළිය හා වාතය හොඳින් පවතින ස්ථානවල වාසය වඩාත් යෝග්‍ය වේ.
සුදුසු රැකියා :
ව්‍යාපාර, නීති ක්ෂේත්‍රය, මනෝ වෛද්‍ය, පුස්තකාලයාධිපති, භාෂා ගුරුවරුන්, සාහිත්‍ය විචාරකයන්, වෛද්‍යවරුන්, රසායනාගාර ශිල්පීන්, ඔෟෂධවේදීන්, ජේ‍යාතිෂවේදීන්, හෙද හෙදියන් ලෙස කටයුතු කිරීම ඉතාමත් සුදුසු වෘත්තීය ක්ෂේත්‍රයන් වේ.
යහපත් මිතුරු - මිතුරියන් සහ විවාහක සහකරු - සහකාරියන් :
පෙබරවාරි 19 හා මාර්තු 27 අතර උපන් අය, අප්‍රේල් 20 සිට මැයි 27 දක්වා උපන් අය, දෙසැම්බර් 21 සිට ජනවාරි 27 දක්වා උපන් අය මිතුරු ඇසුරට සහ විවාහයට ඉතා සුදුසු වේ. තවද ඕනෑම මාසයක 5, 14, 23 යන දිනවල උපන් අය කෙරෙහිද ඔබ වඩාත් ඇලුම් කරයි.
මූල්‍ය තත්ත්වය :
ජීවිතය සාර්ථක කර ගත හැකි පුද්ගලයන්ය. ව්‍යාපාරික ක්ෂේත්‍රයට වඩා ඇල්මක් දක්වයි. ඇතැමුන් ජීවිතය කාලකණ්ණි කර ගත්තද, නොපැකිළව වියදම් කිරීමට නම් රුසියන්ය.
වාසනාවන්ත වර්ණ :
අළු, දිලිසෙන සුදු සහ රිදී පැහැය.
වාසනාවන්ත දිනය :
බදාදා
වාසනාවන්ත අංකය :
(ලොතරැයි වාසනාව සඳහාද භාවිත කළ හැකිය.) 1, 3, 4, 5, 7, 8 (මෙම අංකය අවසාන අංකය ලෙස ගත හැකි අංකද භාවිත කළ හැකිය.උදා - 52 = 5+2 = 7
වාසනාවන්ත මැණික් වර්ග :
එමරල්ඩ් (මරකත) හා දියමන්ති
සුදුසු ස්වාභාවික (මැණික්) පලඳනාවන් :
- මූලාධාර පාෂාණ පලඳනාව
- අනහත පාෂාණ පලඳනාව
- ස්වධිෂ්ඨාන පාෂාණ පලඳනාව
(ජන්ම පත්‍රයට අනුව සුදුසුම පලඳනාව තෝරා ගත යුතුය)
උපුටා ගැනීම මව්බිම
ගුප්ත යනු සැඟවුණු රහස් යන තේරුමයි. විද්‍යාව නම් ශිල්පයයි. මේ සැඟවී ඇති රහස් ශිල්පය කවදා කවර කලෙක ආරම්භ වීදැයි නොදනිමු. ඍෂීන්...
ජ්‍යොතිෂයේදී බොහෝ විට අප අවධානය යොමු කරනුයේ දෛවය පිළිබඳ කරුණු විමසීමටය. එනම් විශ්ව ශක්තිය අප කෙරෙහි කි‍්‍රයාත්මක වන්නේ කෙලෙසද? ධනාත්මකවද, සෘණාත්මකවද...
කුම්භ ලග්නයට අධිපති ලග්නාධිපති සෙනසුරු ග්‍රහයා වන අතර රැකියාව පිළිබඳව කියැවෙන දහ වැන්න අඟහරුට හිමි වෘශ්චික රාශියයි. අඟහරු ග්‍රහයා දහ වැන්න තුළම...
විවාහ කටයුතු සඳහා නැකත් සෑදීමේ දී පැරණි සම්ප්‍රදාය අනුව මනමාලයා නිවසින් පිටත්වීම, පෝරුවේ නැගීම, මුදු මාල පැලඳවීම මනමාලිය කැන්දාගෙන යෑම ආදී...
හෙළ ගොවියන් ගොවිතැන් කටයුතු සඳහා ගුප්ත ක්‍රමද යොදාගෙන ඇත. සමහර ගුප්ත ක්‍රම විද්‍යාත්මකව විස්තර කළ නොහැකි අතර සමස්තයක් හැටියට වගා බිම්වල...
හෙළ ඉතිහාසය සාක්ෂි සහිතව මීට වසර පන්දහසකටත් එහා දිවෙන බවට අද මුළු ලෝකයම පිළිඅරන් තිබෙනවා. මැණික් විද්‍යාව, ජොතීර්වේදය සහ හෙළ වෙදකම...
