ජ්‍යොතිෂය තුළින් කෙනෙකු ගේ දෛවය පමණක් නොව මනසද හඳුනාගත යුතුය
ජ්‍යොතිෂයේදී බොහෝ විට අප අවධානය යොමු කරනුයේ දෛවය පිළිබඳ කරුණු විමසීමටය. එනම් විශ්ව ශක්තිය අප කෙරෙහි කි‍්‍රයාත්මක වන්නේ කෙලෙසද? ධනාත්මකවද, සෘණාත්මකවද යන සිද්ධාන්ත කෙරෙහිය. ඕනෑම පුද්ගලයකුගේ ජීවන ගමන කි‍්‍රියාත්මක වන්නේ දෛවය පදනම් කරගත් දෛවෝපගත සැලසුම මත වුවත් එහි උපරිම හා අවමය තීරණය වන්නේ මනසෙහි ස්වභාවය අනුවය. එබැවින් ජීවිතය කි‍්‍රියාත්මක වන්නේ මනස හා බැඳී පවතින සමාජ සැලසුම හා පුද්ගලික ජීවිත සැලසුම අනුවයි. එබැවින් ජීවිතයේ වැදගත්ම ක්ෂේත‍්‍රය වන මනස අමතක කර දමා දෛවය තුළින් පමණක් ජීවිත ප‍්‍රශ්න විසඳීමට උත්සාහ කිරීම අසාර්ථක ක‍්‍රියාවක් වනු ඇත.සෑම අයෙකුගේම ආකල්ප, අභිලාෂ මට්ටම්, ලැදියාවන්, කුසලතා සහ සමාජමය ප‍්‍රතික‍්‍රියා ආදියෙන් එකිනෙකාට වෙනස් වේ. මෙම පදනම මත පුද්ගලයා තමාට ආවේණික වූ ස්වභාවයන් තුළ වර්ධනය වේ. සෑම අයෙකුම කුමන හෝ අංශයන් කෙරෙහි කිසියම් දක්‍ෂතාවක් පෙන්වයි. උපතින් භාග්‍යවන්තයන් මෙන්ම උත්සාහයෙන් දියුණු වන අයද සිටිති. ගුණධර්මවලින් පිරිපුන් අයද දූෂිත චරිත ලක්ෂණ පෙන්නුම් කරන අයද වේ. මෙම පුද්ගල විවිධත්වය ජන්ම පත‍්‍රයේ ග‍්‍රහ පිහිටීම් තුළින් හඳුනා ගැනීම ජ්‍යොතිෂයෙ ප‍්‍රධානතම කාර්යයකි. මෙහිදී කේන්ද්‍රගත ග‍්‍රහ පිහිටීම්, ග‍්‍රහ සංයෝග හා ග‍්‍රහ දෘෂ්ඨි ආදී පැතිකඩ කිහිපයක් ඔස්සේ විමසා බැලිය යුතු වේ.
අද සමාජයේ පවුල් ඒකකයත්, ගමත්, නගරයත්, වැඩපළත්, කඩ පිලත්, පාසලත්, විශ්වවිද්‍යාලයත් යන මේ සෑම තැනකදීම අපට දකින්නට අසන්නට ලැබෙන්නේ ක්‍රෝධය, වෛරය, ඊර්ෂ්‍යාව, ප‍්‍රචණ්ඩත්වය ඉහවහා ගිය මිනිස් ගුණධර්ම හා සාරධර්ම අන්තිම පතුලටම පිරිහී ගිය විවිධ වූ මානසික ස්වභාවයක් නිසා දැඩි මානසික ආතතියෙන් පෙළෙන පුද්ගලයන්ගෙන් පිරුණ සමාජයකි භාග්‍යස්ථානාධිපති අශුභව දුර්වලව පිහිටීම, චරිත පාරිශුද්ධත්වයෙන් කෙළෙසුණු තත්ත්වයක් පෙන්නුම් කරයි. ලග්නාධිපති හය අධිපති සමග සංයෝග වී ති‍්‍රකෝණයක පතිත වීම පිරිහුණු මානසික තත්ත්වයක් පෙන්නුම් කරයි. එමෙන්ම චිත්තාධිපති සඳු දුර්වල වී සිව්වැන්න ශනි, කුජ, රාහු යන පාපී ග‍්‍රහයන්ගේ දෘෂ්ටිය ලක්වීමෙත් මානසික පීඩාවන්ට අපරාධවලට නැඹුරු වු අය බිහිකරන යෝග වශයෙන් සැලකේ. සඳු හා බුධ ග‍්‍රහයන්ට බලවත් අසුබ බලපෑම් ඇති වුවහොත් දුෂ්කර ගැටලූ සහිත මනසක් ගොඩනැෙඟ්.
සෑම මිනිසකු සතුවම මාහැඟි වස්තුවක් ඇත. එය නම් මනසයි. මිනිසාට අවශ්‍යව ඇත්තේ ව්‍යාකූල බවින් තොර මනසකි. මනස නිතරම සමබරව පැවතිය යුතුය. මානසික සමබරතාව යනු චිත්තවේගීය ප‍්‍රජාතනික හා සමාජීය වශයෙන් පුද්ගල මනසේ පැවතිය යුතු සමබරතාවයයි. මානසික ආතතියෙන් පීඩා විඳින පුද්ගලයකුට තමා පීඩාවට පත් අයෙකු ලෙස කිසි විටකත් නොවැටහේ. ඔහු එය අත්දකින්නේ තමන්ට අවට පරිසරය මෙන්ම සතුරන්ගෙන් බොහෝ පීඩා ඇතිවන බවය. තමන්ට අවට පරිසරය සතුරු වී ඇති බවයි. තමන්ගේ දියුණුවට ඊර්ෂ්‍යා කරන ඥාතීන් හෝ අසල්වැසියන් තමන්ට අණවින, හදි හූනියම්, කොඩිවින කර ඇති බවය. එවන් සිතිවිලි අන්තර් පුද්ගල සබඳතාව පළුදු කරන තත්ත්වයන් නිර්මාණය කරයි. මෙලෙස සිතීම පවා දැඩි මානසික පීඩාකාරී තත්ත්වයක් ඇති කරන බව අමතක නොකළ යුතුය. මෙහිදී ඇත්ත වශයෙන්ම ජ්‍යොතිෂමය උපදේශනය වශයෙන් සිදුවිය යුත්තේ අදාළ පුද්ගලයා කට්ටඩියෙකු හෝ යකැදුරෙකු කරා යොමු කිරීම නොව යථාර්ථය හා අභිමතාර්ථය අතර පවතින පරතරය අවම කර ගැනීමට බුද්ධිමය පහසුකම් සැලසීමය. ඔහුගේ ජීවිතය පරිණාමය කරා කොටු කිරීමට සැලැස්වීමයි. ජ්‍යොතිෂය මිනිසාගේ අභ්‍යන්තරික කි‍්‍රයාකාරිත්වයත්, ස්වභාවයත්, චිත්තවේගී තත්ත්වයත්, බුද්ධිමය ශක්තීන් සහ සංවේදී තාවයන් විවරණය කිරීමට යම් ප‍්‍රයත්නයක් දරා ඇත. පුද්ගලයකුගේ මානසික හා චිත්තවේගික ශක්තීන් අනාවරණය වන්නේ සඳුගේ කේන්ද්‍ර ගත ග‍්‍රහබලය තුළින් සඳු බලවත් වූ තරමට මානසික හා චිත්තවේග වශයෙන් ඔහු ශක්තිමත්ය. මිනිස් ජීවිතය එක් පැත්තකින් විශ්ව ශක්තිය හා බැඳී පවතී. එහි අනෙක් පස ඇත්තේ මිනිසාගේ මනසයි. අප දෛවය ලෙසින් හඳුන්වන්නේ විශ්ව ශක්තිය හා බැඳී ඇති තත්ත්වයයි. දෛවයෙන් ව්‍යුක්ත වීමට අප කාටවත් බැරිය. එසේම දෛවය අපට වෙනස් කිරීමටද නොහැකිය. මෙම සත්‍යය කවුරුත් තේරුම්ගත යුතුය. එහෙත් දෛවය හසුරුවා ගැනීම අපට කළ හැක. එය කළ හැක්කේ මිනිසා සතු මනස උපයෝගී කර ගැනීම තුළින් පමණි.
ජ්‍යොතිෂ අධ්‍යාපනය පෞද්ගලිකත්වය පිළිබඳ ගැඹුරු විවරණයක් වන්නා සේම මානවයාගේ අපූර්වත්වය හා ආධ්‍යාත්මික ස්වරූපය හෙළිකරන දර්ශන විද්‍යාත්මකව ඉගෙනීමක්ද වේ. යම් පුද්ගලයකු ඇතුළත් වන ජ්‍යොතිර් විiාත්මක ආකෘතිය හඳුනා ගැනීමෙන් ඔහුගේ සමාජීය, ලිංගික හා මනෝ විද්‍යාත්මක ජීවිතය පිළිබඳව යම් අවබෝධයක් ලබාගත හැකිය. එමගින් එකිනෙකා තුළ ඇතිවන ප‍්‍රමාණාත්මක හා ගුණාත්මක වෙනස්කම් නිරන්තරයෙන්ම හඳුනාගෙන ඒවා සමාජ ප‍්‍රවර්ධනය මෙහෙයවීමේ කාර්යයට යොමුකළ හැකි වේ.
ජ්‍යොතිෂවේදී තුෂාරා වික‍්‍රමසිංහඋපුටා ගැනීම දිවයින
