ජේ‍යාතිෂය බඩගෝස්තරයක්ද?
අද ශ්‍රී ලංකාවේ ජේ‍යාතිෂ පුනරුදයක් ඇතිවී තිබේ. පෙර කිසිම කලකට වඩා ජේ‍යාතිෂ චැනලින් වැඩිවී ඇත. දැනට දශක දෙකක පමණ පෙර සිට රූපවාහිනි මාධ්‍ය ජේ‍යාතිෂය සම්බන්ධව විශේෂ කාල පරිච්ඡේදයක් එදිනෙදාට වෙන් කර ජේ‍යාතිෂ විද්‍යා විශාරදයන්, ජේ‍යාතිෂ ආචාර්ය, මහාචාර්යවරුන් ලවා හුදී මහජනතාවට හිතකාමීව වැඩසටහන් මෙහෙයවීය. ජේ‍යාතිෂ සාකච්ඡා පැවැත්වීය. ජේ‍යාතිෂ පුවත්පත්වල පළවන ජේ‍යාතිෂ විද්‍යා විශාරදයන්ගේ ලිපි කියවා එම ලිපිවල පළවන ජේ‍යාතිෂ කරුණු කාරණා, ජේ‍යාතිෂ සිද්ධාන්ත, තම තමන්ගේ ජන්ම පත්‍රවලට ගළපා තේරුම් ගැනීමට ගොස් අමාරුවේ වැටී ඇති අවස්ථා ඇති බව 83 වැනි වියට පා තබන මට අවබෝධ වුණ නිසා මේ ලිපිය තරුපතිට ලියන්නට සිතිණි.
මෙසේ පළවන ජේ‍යාතිෂ පුවත් කියැවීමෙන් දැනීම් සම්භාරයක් ගොනුකර ගනු ලබන ජේ‍යාතිෂවේදීන් නොවන විද්වතුන් ප්‍රවීණ ජේ‍යාතිෂවේදීන් බවට පත්ව සිටින බවද පෙනේ. විවාහ උත්සවවලදී පෝරුවේ චාරිත්‍ර කිරීමට සහාය වූ අයද ආචාර්ය, මහාචාර්ය, රාජකීය, ජනාධිපති, ජේ‍යාතිෂ විද්‍යා විශාරද, ජේ‍යාතිෂ ඍෂිවරුන්ද බිහිවී තිබෙන බවද පෙනේ. එමෙන්ම මෙසේ ජේ‍යාතිෂය උගත් පඩිවරුන් විසින් ජේ‍යාතිෂ විද්‍යා පාඨමාලාද පවත්වා බිහිකර ඇති ප්‍රවීණ ජේ‍යාතිෂවේදීන්ද රාශියක් ශ්‍රී ලංකාවේ සිටින බවද පෙනේ. මෙම ජේ‍යාතිෂ පඩිවරුන්ගෙන් සත්‍ය උගන්වන්නේ කවරහුද, අසත්‍ය උගන්වන්නේ කවරහුද යන්න මට නම් ප්‍රශ්නයක් වී ඇත. එසේම නිවැරැදි අනාවැකි කියන්නේ කවුද නිවැරැදි අනාවැකි පළකරන්නේ කවුද, කිව හැකි කාටද, පළ කළ හැකි කාටද සත්‍ය වශයෙන්ම අපට ප්‍රශ්නයකි. මෙයට හේතුව වශයෙන් මට පෙනෙන්නේ සියලුම ජේ‍යාතිෂවේදීන් ප්‍රවීණ ජේ‍යාතිෂ විද්‍යා විශාරදයන් වීමය. ලෝකයේ කිසිම රටක අන්තර්ජාතික ජේ‍යාතිෂවේදීහු සිටිනා බවක් මා නොදනී. නමුත් ශ්‍රී ලංකාවේ අන්තර්ජාතික ජේ‍යාතිෂවේදීහුද සිටිති. තමාගේ ජේ‍යාතිෂ කටයුතු කරන ජේ‍යාතිෂඥයා එම සේවාදායකයාට දෙවියෙකි. එම ජේ‍යාතිෂඥයා තරම් නිපුණ ප්‍රවීණ පණ්ඩිත වෙනත් කෙනෙක් තවත් ඔහුට නැත. හැම ජේ‍යාතිෂඥයෙක් තුළම තමන්ට වඩා විශාරද දැනීමක් ඇති තවත් අය නැත යන නෛසර්ගික සංකල්පයක් තිබෙන බව මට පෙනේ. එවැනි අය තමා අජීවමාන කතරගම දෙවියන් ජීවමානව පසුගිය වසර දකින්නට පිළිවන් බව කීවේ, හිටපු ජනාධිපතිතුමා ඒකාන්ත වශයෙන්ම දිනනවා, නොදිනුවොත් වෙඩි තියාගන්නවා, බෙල්ල කපා ගන්නවා යනාදී වශයෙන් සපථ කළේ. ශ්‍රී ලංකාවේ නම් කිසිම විශ්වවිද්‍යාලයකින් ජේ‍යාතිෂ උපාධියක් පිරිනොනමන බවයි මා දන්නේ. භාරතයේ පිරිනමනවාද මා දන්නේ නැත.
උදර පෝෂණය සඳහා උපරිම සේවාදායකයන් ආකර්ෂණය කරවා ගැනීම සඳහා ජේ‍යාතිෂ පුවත්පත්වලට ජේ‍යාතිෂ ලිපි සපයන උගත් ජේ‍යාතිෂවේදීන්, සම්‍යක්ප්‍රයෝගයක් ලෙස ජේ‍යාතිෂ ආචාර්ය, මහාචාර්ය, ජේ‍යාතිෂ විද්‍යා ප්‍රභූෂණ, ජේ‍යාතිෂ විද්‍යා විශාරද, ජනාධිපති ජේ‍යාතිෂඥ, රාජකීය ජේ‍යාතිෂඥ, විශ්වකීර්ති ජේ‍යාතිෂඥ, විශ්වකලා ජේ‍යාතිෂඥ, ජේ‍යාතිෂ මාර්තංඩ ආදී ජේ‍යාතිෂ උපාධි සඳහන් කරන බවය මගේ හැඟීම. කේන්ද්‍රය, වේලාපත්කඩය, ජන්මපත්‍රය යනු බිලිඳකු උපදින වේලාවට විශ්ව කුහරයේ ග්‍රහ තාරකා ආදී ආකාශ වස්තු චලනය වෙමින් පවතින ස්ථාන සලකුණු කළ අහස් සිතියමකි. එම අහස් සිතියම ඉතාම දළ වශයෙන් කොටු 12කින් සලකුණු කර දිනය, තිථිය, නැකැත හා නැකැත් සංඥා සඳහන් කර තවත් සමහරෙක් අනවශ්‍ය වැල්වටාරමක්ද ලියා දෙන තල්පතකි. නැතහොත් කඩදාසි කොළයකි. මා පිළිගන්නා පරිදි සත්‍ය වශයෙන්ම එය නිවැරැදි කේන්දරයක් නොවේ. එම දළ කේන්දරය තල් පතකින් නිරූපණය කිරීමට නම් පැය 5ක්වත් ගතවේ. කඩදාසියකින් නම් පැයකින් හෝ දෙකකින් සාදා දීමට පිළිවන. එය නිවැරැදි නම් පැය 5ක කාලයක් ගතකර රු. 1000ක් ජේ‍යාතිෂවේදියා අය කළත් අද මුදලේ වටිනාකම අනුව ඉතාම සාධාරණය. පැය 2ක් කාලය මිඩංගු කර රුපියල් 400ක් හෝ 500ක් ගාස්තු වශයෙන් අය කළත් සාධාරණය. නමුත් මා ඉහත සඳහන් කළ ජේ‍යාතිෂ උපාධිධාරී සමහරෙක් කඩදාසි කොළයක දළ කේන්දරය කොම්පියුටර් මඟින් මිනිත්තු 10කින් සකසා දී රු. 5000, 6000, 7000, 8000, 9000, 10,000 ගාස්තු වශයෙන් අය කරන බව මට දැනගැනීමට ලැබී තිබේ. එසේම තවත් සමහරෙක් රු. 50, 100, 200, 300 වශයෙන්ද අය කරන බව පෙනේ. දළ කේන්දරය වුවත් මෙම අය කිරීම නොසෑහේ. තවද ප්‍රවීණ යැයි සම්මත විශේෂඥ ජේ‍යාතිෂවේදීන් මැදපෙරදිග, ඉතාලිය, ජර්මනිය, ප්‍රංශය, එංගලන්තය, ඇමෙරිකාව, රුසියාව ආදී විදේශීය රටවලදී උපදින බිලිඳුන්ගේ කේන්දර ශ්‍රී ලංකාවේ පළවන ප්‍රධාන ලිත් දෙක වන ලංකා ග්‍රහස්ඵුට ලිත හෝ අෑපා පංචාංග ලිත භාවිත කර එකී රටේදී ඉපදුණු සම්මත වේලාව ශ්‍රී ලංකාවේ සම්මත වේලාවට පරිවර්තනය කර ජන්මපත්‍ර තමාගේ පාණ්ඩිත්‍ය පිළිබිඹු කිරීමට සාදා දී තිබෙන බව මට ප්‍රත්‍යක්‍ෂය. ආදරණීය පාඨක භවතුනි කේන්දරය නමැති අහස් සිතියම ඉතාම නිවැරැදිව සාදා දිය හැකි ජේ‍යාතිෂවේදියකු වේ නම් ඒ සඳහා ඔහුට හෝ ඇයට රු. 5,000ක් වත් ගාස්තු වශයෙන් ගෙවීම ඉතාම සාධාරණය. විවාහ නැකැත් පද්ධතියක්, සුබ මුහුර්ත පිළියෙල කිරීමට අවම වශයෙන් රු. 10,000වත් ගාස්තු වශයෙන් ගෙවීම සාධාරණය. මන්ද ජේ‍යාතිෂවේදියාගේ මානසික (මොළය) වෙහෙස එතරම්ය. ඔබ දන්නවා මනමාලියක සැරසීම හැඩගන්වන ශිල්පීන්, ශිල්පිනියන්, පැය 3, 4ක කාලයක රු. 25,000, 30,000, 40,000, 50,000 ආදී වශයෙන් ගාස්තු අය කරන බව. ඒ නිකම්ම නිකන් ශෝභන කටයුත්තකටය. නියම නැකැත් පිළියෙල කරන ජේ‍යාතිෂඥයාට ඉහමොළ කකියන තෙක් මනස වෙහෙස කරවීමට සිදුවන බව සලකන්න.
මව්බිම
