මතකය වැඩි කරගන්න බෙලි ගසෙන් හාස්කමක්
• අඟහරුවාදා දිනකට එළිවෙන්න උදේ 4ත් 5ත් අතර දුටු සිහිනයක් තම නිවෙසේ දෙහි ගසට ඊසාන දිශාව බලා කීමෙන් සිහිනයෙන් යහපත් ප්‍රතිඵල ලැබේ.
• සැබැවින්ම තමන්ට සතුරකු තර්ජනය කළේ නම් උතුරු දිශාවට හැරුණු දෙහි අත්තක කොළ 7ක් අතින් වසාගෙන තම ඇබැද්දිය හිමිදිරි උදේ කීමෙන් සතුරු කරදර නොපැමිණෙයි.
• රාත්‍රියකදී බියට පත්වී සිටීමේදී නැවත නැවැත එම බිය සිතේ තැන්පත් වී තිබේනම් ඕං අක්ෂරය මහ නාරං ගසක කඳේ ලියා ඒ මත දකුණු අත තබා කරුණු කීමෙන් එම දෝෂය පහව යනු ඇත.
• උදර ආබාධයක් ඇති විටක කොහොඹ ගසක් මුල කොහොඹ කොළ උදරයට තබා ගසට හේත්තු වී ඛයං විරාගං ගාථාව 9 වරක් කීමෙන් සුවය ලැබේ.
• ඇස්වහ කටහව හෝ තුන්‍ෙදාස් ඇත්නම් පැසුණු පොල් ඇති ගසක කඳට ඕං ශ්‍රී ං නම-- යන වචනය 21 වර කියා අතින් ගසට තට්ටු කර සූර්ය උදාවට පෙර එම ගසින් පොල් තුනක් කඩා බිම නොදමා ලී උලකින් තුන්මංසලක ගැසුවේනම් ඇස්වහ කටවහ දුරුවෙයි.
• තැඹිලි ගසකින් ගොක් කොළ කතා නොකර කඩා ඒවාට සූනියම් දැහැන 54 වර කියා මතුරා පොල් ඇති ගස්වල ගැට ගැසීමෙන් එම පොල් හොරුන්ගෙන් ආරක්ෂා වෙයි.
• අලුත් නිවෙසක් තැනීමට පළමුව ලණු ගැසීමේදී නැකැතට සිටුවන කොටුව කිරි ගසකින් කපා සුබ දිශාව බලා සිටුවූවේනම් එම නිවෙසේ වැඩ ඉක්මනින් අවසන් වෙයි.
• අඹ, කොහොඹ, දෙහි අතු මිටි 3ක් සාදා කඩුල්ලට ඉහළින් එල්ලා තබයිනම් (කතා නොකර හිරු උදාවට පෙර) එම නිවැසියන්ට වසංගත රෝග උවදුරු නොපැමිණේ.
• ගසක ඉදුණු අඹ ගෙඩියක් කඩා එහි යුෂ පත්තිනි මෑණියන්ට පලතුරු පූජාවක් සමඟ පූජා කර එහි අඹ ඇටය තම භූමියේ ඊශාන දිසාවෙන් සිටුවේනම් දරුවන් බලාපොරොත්තු අයට යහපත් දරුවන් ලැබේ.
• බෙලි ගසක් මුල පොල් ගෙඩි 3ක් තබා ඒ මත වාඩි වී ඊශාන දිශාව බලා උදය වරුවක පොතපත කියවයිනම් ප්‍රබල මතක ශක්තියක් ගොඩනැඟෙයි.
• වැටකේ වෘක්ෂයක කඳෙහි නාග රූපය 9 තැනක ඇඳ එහි කොළයක තමන්ගේ නම 108 තැනක ලිවීමෙන් රාහු ග්‍රහයාගේ තද අපල මඟහැරී යයි.
• නිවෙසට නැඟෙනහිර දිශාවෙන් කෙසෙල් පැළ සිටුවයි නම් නිවෙසට ඇති දෝෂ දුරුවී යයි.
මව්බිම
