කළු පාට ටයිල් නම් හොඳම නැහැ
වර්ග අඩි ප්‍රමාණය නිවෙසේ ප්‍රමාණය ඔබ මූලිකවම තීරණය කිරීම කළ යුතුයි. මෙහිදී ඔබගේ අවශ්‍යතා සහ ආර්ථික හැකියාවට ගැළපෙන වර්ග අඩි ප්‍රමාණයක් මූලිකවම තීරණය කිරීම වැදගත් වන අතර, ඉතා විශාල හෝ ඉතා කුඩා නිවාසවලින් සිදුවන කරදර ඔබට හිමි නොවනු ඇත. ලෝකයාට පෙනෙන්න තමන්ට නොගැළපෙන ඉතා විශාල නිවාස ඉදිකිරීම මෝඩකමකි. ඔබට ඉතා කෙටි කාලයකදී ඉදිකර ගත හැකි බරක් නැති නිවෙසක් පිළිබඳ අවධානය යොමු කළ යුතුයි. එසේම ඔබගේ නිවෙසේ වර්ග අඩි ප්‍රමාණය තීරණය කිරීමේදී ජන්ම නැකැතට ගැළපෙන වර්ග අඩි ප්‍රමාණයක් ලබා ගැනීම මූලිකවම වාස්තු සිද්ධාන්තයකි. මෙහිදී විශේෂයෙන් ගෘහ මූලිකයාගේ ජන්ම නැකැත සහ නිවෙසේ නැකැත එකට එකතු වීමෙන් ලැඛෙන සීහුම් බල නැකැත, සම්පත, පරම මෛත්‍රී, ක්ෂේම, සාධක වැනි ඉතා යහපත් නැකැතකට නිවෙස බලගැන්විය යුතු අතර ජන්ම, විපත්, වධ සහ ප්‍රත්‍යාධාරී වැනි බලගැන්වීම් ඉවත් කළ යුතුයි. විශ්ව ශක්ති රේඛාව බලවත් කරන්න සැලැස්ම සකස් කිරීමේදී නිවෙසේ ඊශාන සහ නිරිත දිශාව ඉතාමත් පිරිසුදුව සහ අවහිර රහිතව පවත්වා ගැනීමට උනන්දු වන්න. මෙහිදී ඊශාන සහ නිරිත දිශාවට යෙදිය හැකි ප්‍රධාන ගෘහ අංග පිළිබඳ දැනුම්වත් විය යුතුයි. ඊශාන දිශාව තුළ යෙදීමට සුදුසු සහ නුසුදුසු ගෘහ අංග සුදුසු ආගමික කටයුතු ළමා කාමර / අධ්‍යයන කාමර සාලය කාර්යාල කාමර නුසුදුසු පඩිපෙළ වැසිකිළි ගරාජය මුළුතැන්ගෙය විසිත්ත කාමර ප්‍රධාන නිදන කාමරය ඉහළ ජල ටැංකි නිරිත දිශාව තුළ යෙදීමට සුදුසු සහ නුසුදුසු ගෘහ අංග සුදුසු ප්‍රධාන නිදන කාමරය ඉහළ ජල ටැංකිය කාර්යාල කාමර නුසුදුසු පඩිපෙළ ගරාජය මුළුතැන්ගෙය ළමා කාමර වැසිකිළිවළ විශ්ව ශක්ති කේන්ද්‍රය ගෘහයක් සැලැසුම් කිරීමේදී විශ්ව ශක්තීන් කේන්ද්‍රය හෙවත් බ්‍රහ්ම පාදය නිසි ලෙස ආරක්ෂා කර ගැනීම තුළින් නිවෙසට විශ්ව ශක්තිය බලවත් ලෙස කාන්දු කර ගැනීමේ හැකියාව ලැඛෙනු ඇත. එම නිසා සෑම විටම බ්‍රහ්ම පාදය ඉතාමත් නිදහස්ව පවත්වා ගත යුතු අතර, ගෘහ හිමියාගේ ජන්ම නැකැතට එය සක්‍රිය කිරීම කළ යුතු වේ.
නිවෙස සෑදීමේදී බිම සකස් කොට ටයිල් කිරීමට ප්‍රථම බ්‍රහ්ම පාදය යෙදෙන ස්ථානය නිසි ලෙස හඳුනාගෙන එය නවරත්නයක් සහ සංඛයන් යොදා බලවත් කිරීමේ ක්‍රමයක් පුරාණ හෙළ වාස්තුව තුළ බහුලව භාවිත වී තිබේ. මෙය ඉතාමත් බලවත් ක්‍රමයක් වන අතර, නූතනයේදී ද මෙවැනි ක්‍රම භාවිතය තුළින් ඔබට විශ්වයේ ශක්තිය ළගාකර ගැනීමේ වාසනාව උදාවනු ඇත. ද්වාර සටහන නිවෙස සැලැසුම් කිරීමේදී නිවෙසේ ද්වාර සටහන බලවත්ව තබා ගැනීමට උනන්දු විය යුතුයි.
මෙහිදී ගෘහයේ ජය ද්වාරය වන දක්ෂිණ ද්වාරය අනිවාර්යයෙන්ම තැබිය යුතු අතර, එය ඡායා පාදයෙන් යෙදිය හැකි නම් ඉතාමත් සක්‍රිය වේ. එහිදී දකුණු දිශාව සමග දිශා 3කට නිවෙසේ පිටවීමේ ද්වාරයන් සුබ පාදවලට යෙදීමට වගබලා ගත යුතුයි. එහිදී මංගල ද්වාරය හෙවත් ගෘහයේ ප්‍රධාන ද්වාරය කිසිවටත් අනු දිශාවක මධ්‍ය රේඛාවට හසුවන ලෙස නොතැබීමට වගබලා ගන්න. එයිනුත් නිරිත හා ඊශාන මධ්‍ය රේඛාවට හසු නොවන ලෙස තැබීම කළ යුතුම දෙයකි.
මුළුතැන් ගෘහය නිවෙසේ මුළුතැන්ගෙය නිසි දිශාවට යොදා ගැනීමට ඔබ මුල සිටම වගබලා ගන්න. නිවෙසක මුළුතැන්ගෙය වරද්දා ගැනීම එම නිවෙසේ වාස්තු දෝෂ විශාල ප්‍රමාණයක් බලවත් වීමට හේතු වන අතර, නිවෙසේ මූල්‍ය ශක්තිය සහ ගෘහ හිමිකාන්තාවගේ සෞඛ්‍ය ආරක්ෂා වීමට ගෘහයේ මුළුත්නැගෙය සෘජුව බලපායි.
එසේම ගෘහයේ ආහාර පිසීම උතුර හෝ නැඟෙනහිර දිශාව බලා සිදුකළ යුතු අතර කිසිම විටක ගෘහය තුළට හැරී ආහාර පිසීම නොකළ යුතු වේ.
වර්ණ භාවිතය ඔබගේ ගෘහය සැලැසුම් කිරීමේ දීම ගෘහය සඳහා වර්ණ භාවිත කිරීම පිළිබඳ දැනුම්වත් විය යුතුයි. ගෘහයේ මුහුණත් දිශාව අනුව නිවෙසෙට ගැළපෙන වර්ණ තෝරා ගැනීම කළ යුතු අතර කිසිම විටක කළු පාට ටයිල්. කළු පාට ගේට්ටු, කළු පාට ගෘහ භාණ්ඩ හෝ කළු පාට දැව භාවිත කිරීම නොකළ යුතුයි.
ඉහතින් පෙන්වා දුන් ආකාරයට ගෘහය සැලැසුම් කිරීමේදී මූලික වාස්තු සිද්ධාන්ත පිළිබඳ ඔබ අවධානය යොමු කළහොත් දෝෂ රහිත නිවෙසක් ඉතාමත් කෙටි කලකින් ඉදිකර ගැනීමේ වාසනාව උදාවේවි. දෝෂ බලවත් නම්, නිවෙස සෑදීම ප්‍රමාද වන අතර, ඔබට එය වධයක් ලෙස බලගැන්වීම සිදුවේ. එසේම දෝෂ රහිත නිවෙස කඩිනමින් ඉදිවන අතර, එය ඔබට සම්පතක් හා ක්ෂේම භූමියක් බව පත්වේවි.
උපුටා ගැනීම මව්බිම පුවත් පත
