ඔබට හිමි සහකාරිය ලැබෙන දිශාව
ඔබට හිමි සහකාරිය ලැබෙන දිශාව පිළිබඳවත් ලග්න ගැලපීම් පිළිබඳවත් කෙටි විග්‍රහයක යෙදීම මෙම ලිපියේ පරමාර්ථයයි. තමාගේ ජන්ම ලග්නයට අනුව ලග්නාධිපති ග්‍රහයා හෝ හත අධිපති ග්‍රහයා සිටින රාශියේ සිට 5 වැන්න හෝ 9 වැන්න අයත් වන රාශිය ස්‌වකීය සහකාරියගේ ලග්නය වීමට බෙහෙවින්ම ඉවහල් වන බව පෙනී යයි. සමහර අවස්‌ථාවල සිකුරු සිටි රාශියෙන් පස්‌වැන්න හෝ නවවැන්නට අයත් වන රාශියක් සහකාරියගේ ලග්නය වීමට ඉවහල් වන බව කේන්ද්‍ර සැසඳීමේදී අවබෝධවනු ඇත. එසේම ඔබගේ ලග්නාධිපති ග්‍රහයා හෝ හත්වැන්නාධිපති ග්‍රහයා උච්ච වන රාශි දෙකකින් එකක්‌ද ස්‌වකීය සහකාරියගේ ලග්නය වීමට හේතු වේ. මේෂ ලග්නය උදාහරණයක්‌ වශයෙන් ගතහොත් කුජ ග්‍රහයා මකර රාශියෙහිත්, සිකුරු ග්‍රහයා වෘෂභ රාශියෙහිත් සිටියේ නම් මෙම රාශිවලින් එකක්‌ සහකාරියගේ ලග්නය වීමට ඉඩ ඇත. එසේම සම්බන්ධතාවක්‌ පෙරදැරි කරගෙන සහකාරිය තෝරා ගන්නේ නම් හත අධිපතියා තැන්පත් රාශිය හෝ 11 වැන්නට අයත් වන රාශියක් හිමිවන බව පෙනීගොස්‌ තිබේ.
මෙම ඉහත සඳහන් ක්‍රම අනුව ඔබට හිමි සහකාරියගේ ලග්නය දැන ගැනීමට හැකිවන බව පැවසීය යුතුව ඇත. එසේම විවාහ වන කාල සීමාව පිළිබඳව දැන ගැනීමේදී සිකුරු හෝ හත අධිපති ග්‍රහයා ලග්නාධිපති ග්‍රහයාට අයත් නවාංශකයක හෝ ත්‍රිකෝණ රාශියක ගමන් කරන විට විවාහය සිදුවන බව සැලකිය යුතුය. ලග්නාධිපති ග්‍රහයා උපතේදී සිටින ස්‌ථානයට සිකුරු ග්‍රහයාගේ ගෝචර ගමනද විවාහය සිදුවන කාල සීමාව කියා පාන්නකි. හත අධිපති ග්‍රහයාගේ ගෝචර ගමනද මීට ඉවහල් වන බව පෙනී යයි. ලග්නාධිපති ග්‍රහයා සිටි නවාංශකයට සිකුරුගේ ගෝචර ගමන මෙන්ම, හත අධිපති ග්‍රහයාගේ සංක්‍රමණයද විවාහය සිදුවන කාල සීමාව පැමිණ ඇති බව කියා පාන්නකි. මේ ආදී වශයෙන් හා කේන්දරයේ බලවත් ග්‍රහයන්ගේ දශා අතුරු දශා ආදියත්, ලග්නාධිපති ග්‍රහයාගේ හා හත්වැන්නාධිපති ග්‍රහයාගේ ස්‌වභාවයත් මේ පිළිබඳව බල පැවැත්මක්‌ ඇති කිරීමට සමත් වනු ඇත.
දිශාව පිළිබඳව නිගමනය කිරීමේදී ඡන්ම පත්‍රයක ලග්නය නැගෙනහිරටද, හතර වැන්න උතුරටද, හත්වැන්න බටහිරටද , දසවැන්න දකුණටද බලපාන බව ජ්‍යෝතිෂයට අනුව නිගමනය කළ යුතුව ඇත. ඒ අනුව ලග්නයට බුද - ගුරු දෙදෙනාත්, හතර වැන්නට සඳු සිකුරු දෙදෙනාත්, දසවැන්නට රවි - කුජ දෙදෙනාත්, හත්වැන්නට ශනි ග්‍රහයාත් දිග් බලයෙන් යුක්‌ත වන බව ජ්‍යෝතිෂයෙහි සඳහන්ය. දිශාව නියම කිරීමේදී හත අධිපති ග්‍රහයා සිටින රාශිය, ග්‍රහයාට හිමි දිග්බල දිශාව, රාශි වශයෙන් බල පැවැත්වෙන දිශාව, ආදිය පිළිබඳව සැලකිල්ල යොමු කොට වඩාත් බලවත් දිශා භාගයෙන් විවාහය සිදුවන බව නිගමනය කළ යුතුය. රාශි වශයෙන් බල පැවැත්වෙන දිශා මෙසේය. මේෂ, සිංහ, ධනු නැගෙනහිරටද, වෘෂභ, කන්‍යා, මකර දකුණටද, මිථුන, තුලා, කුම්භ බටහිරටද, කටක, වෘෂ්චික, මීන උතුරට ද ආදී වශයෙනි. උදාහරණයක්‌ වශයෙන් මිථුන ලග්නයෙන් උපන් ජන්මියෙකුගේ හත් වැන්නට අයත් වනුයේ ධනු රාශියයි. ධනු රාශියට අධිපති ගුරු ග්‍රහයා ලග්නගතව ඇතොත්, නැගෙනහිර දිශාවෙන් විවාහ සහකාරිය හිමිවන බව සැලකිය යුතුව ඇත.
කොස්‌ගොඩ ඡේ. පී. ද සොයිසා යසිසුරු ජ්‍යෝතිෂ සේවය අහුන්ගල්ලඋපුටා ගැනීම දිවයින
ජ්‍යොතිෂයේදී බොහෝ විට අප අවධානය යොමු කරනුයේ දෛවය පිළිබඳ කරුණු විමසීමටය. එනම් විශ්ව ශක්තිය අප කෙරෙහි කි‍්‍රයාත්මක වන්නේ කෙලෙසද? ධනාත්මකවද, සෘණාත්මකවද...
විභාගය, දරුවකුගේ බුද්ධිමත් බව මැන බලන ප්‍රධාන කාරණාවකි. ශිෂ්‍යත්වය, සාමාන්‍ය පෙළ හෝ උසස් පෙළ වේවා එය එලෙසමය. එහෙයින් ඉදිරියේදී යෙදෙන විභාග...
කෙනෙකුගේ ගමන බිමන, දේහ විලාශය අනුව ඔහුගේ හෝ ඇයගේ චරිත ස්‌වභාවයන් කිව හැකි අති දක්‌ෂයන් ඉපැරණි රජ දවසේ සිටි බව ඉතිහාසයේ...
නෙළුම් කොළයේ දමා ගෙන යම් දෙයක් බීම දැකීම, නෙළුම් කොළයක කෑම දමා ගෙන ආහාරයට ගැනීම දැකීම, සිහිනෙන් නෙළුම් කොළ කඩාගෙන සිනාසීම...
සතියේ දිනවල පවත්නා සුභාෂාව වේලාවන් එදින තත් කාලය අනුව එනම් වෙනස්වන ග්‍රහචාරය අනුව වෙනස්ය. මෙම සුබ අසුබ තත්ත්වයන් අවබෝධ කරගැනීමට මෙම...
මෙලොව උපදින ඕනෑම කෙනකුට පළමුවෙන් හිමිවන්නේ ලග්නයයි. ඔහුට හෝ ඇයට නමක් පවා හිමි වන්නේ ලග්නය ලැබීමෙන් පසුයි. කෙනකු උපදින මොහොතේ නැඟෙනහිර...
