මල් කළඹක්‌ අතින් ගත් මනාලියක්‌ සිහිනයෙන් දුටුවොත් ඔබත් ප්‍රවේසම්වන්න
එදිනෙදා ජීවිතයේදි නින්ද සමඟ අපට ලැබෙන සිහින ගැන අප දක්‌වන්නේ අඩු උනන්දුවක්‌. මන්ද සිහිනයක්‌ යනු සිහිනයක්‌ම යෑයි අප අතර ඇති විශ්වාසය නිසාය. නමුත් මෙම සිහිනවල විශාල අර්ථයක්‌ තියෙනවා. ඒ නිසා සිහිනවල අර්ථය මොනවගේද කියා දැනගමු.
මනාලියක්‌ / මනාලයෙක්‌
මනාලියක්‌ සිහිනයෙන් දැකීම බලාපොරොත්තු සහගත බව ඉඟි කරයි. සිහිනයේ ඔබ සිටියේ මනාලයා හෝ මනාලිය ලෙස නම්, ඔබගේ සැඟවුණු ප්‍රාර්ථනා ළඟදීම ඉෂ්ට සිද්ධ වනු ඇත. සිහිනයෙන් ඔබ දුටුවේ ඔබ මනාලයෙක්‌ වී මනාලිය සිප ගන්නවා නම් ළඟදීම ඔබට උරුම යම් කිසි දෙයක්‌ ඔබ අතටම ලැබෙනු ඇත. මනාලියන්ගේ මල් කළඹ අතින් අල්ලන බව ඔබ දුටුවේ නම් ප්‍රවේශම් වන්න. ජීවිතයේ ප්‍රධාන දේවල්වලට ඔබ මූලිකත්වය දී තිබෙනවාද? මේ ගැන දෙවරක්‌ සිතන්න. වැදගත් දේවල්වලට ප්‍රමුඛතාවය දෙන්න.
වර්ණ / පාට
දීප්තිමත් වර්ණ ඔබ සිහිනෙන් දුටුවේ නම් ඔබට ජීවිතයේ සතුට උදා වේ. නමුත් මෙය සාමාන්‍ය තත්ත්වයක්‌ පමණි. නමුත් එක්‌ එක්‌ වර්ණයෙන් අර්ථ දැක්‌වෙන විශේෂිත තේරුමක්‌ ද තිබේ. ඒ ගැනත් සැලකිලිමත් වන්න.
- නිල් – ජීවිතයේ ප්‍රශ්න හා අසීරුකම් ළඟදීම අවසන් වනු ඇත.
- කළු – ජීවිතයේ දුෂ්කරතාවලින් විශිෂ්ට ලෙස ජය ගැනීමට ඔබට හැකි වේවි.
- රතු – ඉවසීම සිඳී යනු ඇත. අනතුරක සේයාවකි. කල්පනාවෙන් වැඩ කරන්න.
- කොළ- පිටරට සවාරියකට වාසනාව හිමි වේ.
- තැඹිලි – ඔබේ කටයුතු කල් දැමීමට සිදු වේවි.
- රෝස – එකවරම ඔබට නොසිතූ විරූ සාර්ථකත්වයක්‌ ලැබෙනු ඇත.
- දම් – බොහෝ කලක්‌ පවත්නා ප්‍රීතියක්‌/සතුටක්‌ ඔබට හිමිවෙයි.
- කහ – ඔබේ ඉදිරිමග පැහැදිලිය.
- සුදු – හැම දෙයක්‌ම හොඳින් සාර්ථක වේ.
මරණය / මියයාම
මේ සිහිනය තරම් වැරැදි අර්ථයකින් සමාජයේ මුල් බැසගත් වෙනත් සිහිනයක්‌ නැති තරම් ය. මෙය ඉතාමත් සුබ සංකේතයකි. මරණයෙන් අදහස්‌ කරන්නේ ජීවිතය නැවතත් යොවුන් බව බවයි. තරුණ වන බවයි. ජීවිතයට අලුත් ආරම්භයක්‌ ලැබෙන බවයි. ජීවිතයට අලුත් ආරම්භයක්‌ ලැබෙන බවයි. ඒ නිසා මෙම සිහිනය අසුබ සිහිනයක්‌ නොවේ. ඔබ මේ සිහිනය දුටුවාද? එසේ නම් දැන් ඔබට අවස්‌ථාවක්‌ ලැබී තිබේ. එම නිසා ධෛර්යය සහ නිර්භීතකම වඩවාගෙන, ඔබව තේරුම්ගෙන ඉදිරියට යන්න.
අවමංගල්‍ය උත්සවයක්‌
අවමංගල්‍ය උත්සවයක්‌ ද සුබ සිහිනයකි. තමන්ගේ ජීවිතයේ “නරක දේවල්වලට යන්නට ඉඩ හරින බව” සංකේතවත් කරයි. සමහරවිට මෙමගින් මෙතෙක්‌ පැවැති ප්රශ්නයක් විසඳී යාමක්‌ බව පෙන්නුම් කරන අතර පැරැණි සබඳතා අලුත් වීමක්‌ හෝ පැවැති ගැටලුවක්‌ විසඳීයාමක්‌ වන්නට පුළුවන.
දබරයක්‌ / රණ්‌ඩුවක්‌
දබරයක්‌ හෝ රණ්‌ඩුවක්‌ සිහිනෙන් දැකීම සෑමවිටම අඟවන්නේ සැඟවුණු සිත්තැවුලක්‌ හෝ කණස්‌සල්ලක්‌ ඔබේ සිතේ සැඟවී තිබෙන බවයි. එය වහාම විසඳ ගැනීමට උත්සාහ කරන්න. නැතිනම් ප්‍රමාදය පසු තැවීමට හේතුවන්නා සේ කල් ගත වනවිට තත්ත්වය නරක අතට හැරෙන්නටත් පුළුවන්.
ගින්නක්‌
ඔබ දුරක සිට ගින්න දෙස බලා සිටියේ නම් සහ ඉන්පසු එම ගින්නේ දීප්තිය හා විශාලත්වය ක්‍රමයෙන් වැඩිවනු ඔබ සිහිනෙන් දුටුවහොත් එයින් හඟවන්නේ ඔබේ සාර්ථකත්වයයි. සිතේ සිරකරගෙන සිටින අඳුරු හැඟීමක්‌ද ගින්න මගින් සංකේතවත් කරයි. එනම් දුකක්‌ හෝ කෝපයක්‌ විය හැක. නමුත් ඒවා ඉක්‌මනින්ම පහවී යනු ඇත. මෙය හොඳ සිහිනයකි.
උපුටා ගැනීම දිවයින
.jpg "මනාලිය විලාසිතා කුඩුවක් නොවේ")
