අධ්‍යාපන දියුණුවට සරස්‌වති බන්ධනයෙන් පිහිට
උප්පත්තියෙන්ම කෙනකුට හීන බුද්ධියක්‌ ඇතිවාක්‌ මෙන්ම තවත් කෙනකුට උසස්‌ බුද්ධියක්‌ ඇත. බුද්ධියේ අර්ථ සීමා හතරකි. ස්‌ථානෝචිත ලෙස ක්‍රියාකිරීමේ පුළුවන්කම, 2 උසස්‌ ලෙස නොහොත් ව්‍යක්‌ත ලෙස කල්පනා කළ හැකි බව. 3 ඉගෙනීමේ පුළුවන්කම 4. මධ්‍යම ස්‌නායු පන්තියේ ක්‍රියාකාරිත්වයද වේ. මේ නිසා බුද්ධිය ක්‍රියා කිරීමට හොඳ ස්‌නායු පන්තියක්‌ අවශ්‍යයි. යම් යම් දේ අතර ඇති බන්ධන පහසුවෙන්ද වේගයෙන්ද නිවැරදිවද සොයා ගැනීම උසස්‌ බුද්ධියේ ලකුණු වේ.
උප්පත්තියේ පටන් ළදරු බුද්ධිය ටිකෙන් ටික වැඩේ. දරුවාගේ බුද්ධිය නමැති බීජයෙන් පැළයද, පැළයෙන් කොළය ද මල් පොහොට්‌ටු ද, මල ද, ගෙඩිය ද, වැඩීමෙන් ක්‍රමයෙන් මහා වෘක්‍ෂයක්‌ වන්නාක්‌ මෙන් ස්‌ව ශක්‌තියෙන් ස්‌වෝත්පාදනයෙන් ළමා මනස වැඩේ. බලන්න ළදරුවා බොහෝ පියකරු දේවල් දෙස බලයි. ඒවා අත ගා පරීක්‌ෂා කර මතකයේ තබාගනී. ඒවායේ චිත්ත රූප මවාගෙන ගබඩා කර ගනී. මෙසේ එක්‌ එක්‌ ළදරු මනස විවිධාකාරයෙන් වර්ධනය වේ.
ඒ නිසා බෝධි පූජාවකින් දේව පූජාවකින් හෝ පඬුරු ගැට ගැහීමෙන් වස්‌ කවි, සෙත් කවි ආදී කීවත් විභාග පාස්‌ කිරීමට නොහැකියි. එයින් අපට පිහිට ආරක්‌ෂාව නම් නොඅඩුව ලැබෙනවාමයි. ඒ නිසා ළමයකුගේ සහජ බුද්ධිය 90 නම් ඔහු යම් කර්මාන්තයකට දස්‌කම් දක්‌වන්නේ නම් එය වඩාත් දියුණු කළ හැකියි. එය කෙතරම් දියුණු කළ ද ඔහුට වෛද්‍යවරයකුට අවශ්‍ය 120 පමණ බුද්ධියක්‌ ඔහුට පහළ නොවේ. “ඒකයි ලොවින් එකෙක්‌ එක්‌ දෙයකට වෙයි සමත” යන වැකිය ප්‍රකාශ කර ඇත්තේ.
එහෙත් එකල ලංකාවේ පුරාණ මහා පඬිවරු හා මහා විද්‍යාඥඥයන් බිහිව ඇත්තේ පැරණි අද්භූත ගුප්ත මංත්‍ර විෂධ බල මහිමයෙන් බව පැරණි පුස්‌කොල පත්ඉරුවල සඳහන් වේ.
තොටගමුවේ ශ්‍රී රාහුල හිමියන් මහා සරස්‌වතී තෛලය හි අනුහස්‌ බලයෙන් මහා පඬිවරයකු වූ බවද වීදාගම මහා මෛත්‍රිය හිමි කඳකුමරුගේ වරප්‍රසාදයන් ලබා දස්‌කම් කළ බවත්, කාලිදාස මහා කවියකු වූයේත් කාල මැණියන් ගෙන් වරම් ලබා බවත් එසේම වෙනත් පඬිවරුන් රැසක්‌ සරස්‌වතී ගනදෙවි ආදී දෙවිවරුන්ගේ ගුප්ත, මන්ත්‍ර හා තෛල ඖෂධ, කල්ක ආදී බලයෙන් විද්‍යාඥනය ලබා ශාස්‌ත්‍රීය අතින් පුදුම මහා දස්‌කම් හාස්‌කම් කර ඇති බවත් ඉතා පැරණි පුස්‌කොළ පත්ඉරුවල සඳහන් කොට ඇත.
මේ නිසා අපේ ශිල්ප හදාරන දරුවන් මේ අති ශ්‍රෝෂ්ඨ ඉතා දුර්ලභ සරස්‌වතී බන්ධන මන්ත්‍ර රාජයා ශුභ නැකතින් බුqධ හෝරාවකින් බුධ දිනක පුර පක්‌ෂයේ ඔබටත් බුද්ධිය ඇතිවීමට මේ උපදෙස්‌ අනුව කරන්න.
පිරිසිදු පැන් කළයක්‌ පුරවා සුදු සුවඳමල් යහනාවක තබා සුවඳදුම් දී 1008 වරක්‌ ජපකර දින 21 ක්‌ උදේට පානය කරන්න. රන් තැඹිලිතෙල් අඟලක සුරයක පුරවා කර පළඳින්න, සාම්බ්‍රානි, දුම්මල, මල්සාම්බ්‍රානි, කවඩි සාම්බ්‍රානි නෙළුම් රේණු, අගිල් දේවදාර, ගුගුල්, සුදු හඳුන්, සැවැන්දරාමුල්, කුඩුකර උදේ ශරීරයට දුම් අල්ලන්න. දරුවාගේ ඔබේ බුද්ධිය වර්ධනය වේ.
මංත්‍රය – ඕං ශ්‍රීං ශ්‍රීං අස්‌වාහ අමරගුරු රනමයුරාසනේ බල දැරු ශ්‍රියා කාන්තාවී දෙදෙව් ලොවට අධිපති ශ්‍රක දිව්‍ය රාජයන්ගේ දිව්‍ය පරසතුමල් උයනේ පරසතුමල් නෙලා මල් යහනාවක්‌ කර අතුරුවා දස දහසක්‌ දිව්‍ය සළු ඵලා මල් මාලා පැළඳ රන් ඔත් මාලිගාව සමග ශක්‍ර දිව්‍ය රාජයා අප ගෞතම බුදුරජාණන් වහන්සේට පාණ්‌ඩ කම්භල සෛලාසනේ පිදු දා මේ දේවතාවී යහනාව පූජා කර චන්ද්‍ර මණ්‌ඩලයට වැඩ සිට සුවඳ මල් විමාන දේවාල රාජ බවන විහාර මාලිගා බලා වාස භවන ලත් ශ්‍රියා කාන්තාවී වා වා දේව ශ්‍රී කාලී එන් එන් මාගේ සුවඳ මල් අස්‌නට සරස්‌වතී දිව්‍ය දේවතාවී එන් එන් සුවඳ මල් පහන් කෙරේ දිෂ්ඨිලා මාගේ බන්ධනයට අසුව මම සිතු දේ සිද්ධකර දෙන්න මම යන ගමන දිනවා දෙන්න කූහේර පුර වෛශ්‍රවන දිව්‍ය රාජයින් අනින් බැන්දේන් ශ්‍රී ලොකාග්‍ර මුනිවරයන් අනින් තවද වෘක්‍ෂ දේවාල හිමාල දොරටු අධිපති දෙවියන් අනින් බැන්දේන් රවි, චන්ද්‍ර, කුජ, බුධ, ගුරු ශුක්‍ර රාහු කේතුයයි යන නව ග්‍රහ දෙවියන් අනින් බැන්දේන් ශ්‍රී කාන්තාවී පත්‍රකාලි පියරූපි සර්ව ලෝක නායක කී දේවසිරි කාලි ඝනදේවී සරස්‌වතී වරදේවී සිව් සැටක්‌ ශිල්ප ධාරනේ වර දේවී නමෝ නම( ඕං අංගුලිමාල මහා පෝරිසාද දැහැනේ ශ්‍රීං ශ්‍රිං ශ්‍රී මුඛ සලිත දේවතාවියේ මුඛය සලිතවී දිවතුල ප්‍රාණ දිෂ්ඨි සරස්‌වතී දේවසිරි කාලි වර වර නම)
මෙහි මම යන තැන්වලට අනුන්ට කරන විට ඔහුගේ නම කියා මතුරන්න.
