සිකුරුගේ ඇල්ම බැල්ම ඇති ජීවන අංක 6

මගෙ හොඳ කාලේ සිකුරා නළලේ කියලා කතාවක්‌ අපේ අය අසා ඇතැයි මම සිතමි. අද මා ලියන්න හදන්නෙ සිකුරුගේ ඇල්ම බැල්ම ඇති ජීවන අංක 06 ගැනයි. ඉහත අංක විද්‍යා ලිපි තුළින් මේ අංකය සොයන හැටි මා විසින් ලියා ඇත. ඕනෑම වර්ෂයක ඕනෑම මාසයක 06, 15, 24 දිනක ඔබ උපත ලබා ඇත්නම් අංක 06 ට අයිති බව වටහා ගන්න ඒ පිළිබඳ විස්‌තරේ ලියා තැබීම මේ ලිපියේ මූලික අරමුණයි. අංක 06 ජීවන අංකය හිමි උදවිය වයසට ගියත් මනමාල කම ටිකක්‌ විදහා දක්‌වන ගතියක්‌ ඇත. "හැට පිරුණත් වඳුරා බිම යන්නේ නැත." කියලා කථාවක්‌ අසා ඇතිනෙ. එය අංක 06 ට වඩාත් හිත කර වනු ඇත.

අංක 06 හිමි අයගෙ ජන්ම කේන්ද්‍රයේ රාහු 02 වැන්න තුළ උපතින් සිටී නම් කථා කරන්න යැම තුළින් බොහෝ දේවල් අවුල්කර ගන්නා බවද කිව යුතුය. වගකීම් ඉටු කිරීමට ගොස්‌ නැති ප්‍රශ්නවලට මැදිවේ. කොතරම් පැරදුනත් පැරදුනා මදී කියලා සමහර උදවිය තව තවත් තදින්ම බැඳී සිටීයි. කවදා නමුත් දිනන නිසා තදින් බැඳී සිටීමටද අංක 06 ජීවන අංක හිමි අය කටයුතු කරයි. සමහරු ලංකාව තුළ පමණක්‌ නොව විදෙස්‌ රට වලද කීර්තිමත් නමක්‌ තබා ගැනීමට උත්සාහ දරණු ඇත. නමුත් සිකුරු කියන්නේ ග්‍රහලොව මනමාලිය නිසාත් සමහර උදවිය ළඟ ගෑණු ගතියද විදහා දක්‌වනු ඇත. තීරණයක්‌ ගන්නේ නැතිව වෙන දෙයක්‌ උනාවෙ කියලා වැනි වැනී සිටින අංක 06 හිමියන්ද අප අතර සිටීයි. එසේ වන්නේ ජන්ම පත්‍රයේ අන් ග්‍රහයන්ගේ බලපෑම උඩය. එම නිසා අංක 06 හිමි උදවිය මා සමග අමනාප විය යුතු නැත. කෙසේ වෙතත් කරුණාව, දයාව අනුකම්පාව වැඩි පුර ඇත්තේ සිකුරු හිමි අංක 06 යටතේ උපන් අය ළඟය. ඔය සිකුරු බලවත් වූ උදවිය මාලවී නම් පංච මහා යෝගයට හිමි කම් සපයනු ඇත. එය කේන්ද්‍ර පරීක්‍ෂණ තුළින් දැන ගත හැක.

දක්‍ෂ දෛවඥ මහතෙක්‌ හමු වන්න බලන්න. මා ඉහතින් කියන ලද යෝගය 1,4,10.07 ස්‌ථානයක යෙදිලා තිබුණොත් ඉඩම්, යාන වාහන, ලස්‌සන ගෙවල් දොරවල් වගේම ලස්‌සන අඹු සැමි එකතුවක්‌ද ලබා දේ. නමුත් අංක 06 යටතේ උපත ලබා මොන යෝගය යෙදී තිබුණද සිකුරු විසි දෙවන දෙර්කානාධිපතියා වෙලා සිටියොත් (මාරක ග්‍රහයා) සියලු සැප වැනසී අන්ත අසරණ තත්ත්වයට පත් වුණ. අයද මගේ පරීක්‍ෂණවලට ලක්‌වී ඇත. පිරිමියෙක්‌ නම් කාන්තාව නිසා සියලු සැප අහිමිව වස්‌තුව ධනය නැතිවී ජීවිතය පවා අහිමි වුණ අවස්‌ථා නැතිවාද නොවේ. ඉතින් අංක 06 ජීවන අංකය හිමි අය කලබල විය යුතු නැත. හොඳට සිටිය විට සතුට විනෝදය වගේම කලාව සංගීතය වැනි දේවල් වලටද ක්‍රීඩා කුසලතා වලටද, දේශපාලනයටද ලක්‌වීමට ඉඩ තිබේ. ආලය ආදරය හැම කෙනෙකුටම අවශ්‍ය දෙයකි. එය නැති නම් වර්ගයාගේ පැවැත්මක්‌ද නැත. අංක 06 ජීවන අංකය හිමි අය පිනට දහමට ලැදිය. මරණින් පසු තමාට අයිති දේපළ ආගමික ස්‌ථානවලට අවසන් කැමති පත්‍රයෙන් ලබා දේ. තවත් සමහරු තමාට ලැබුණු තනතුරු අම්ම මුත්ත කීවත් අන් අයට දීමට අකමැතිය.

අංක 06 සිකුරුගේ ඇල්ම බැල්මට ලක්‌වන බව මා මුලින්ම කියා ඇත. සිකුරු තුලා ලග්නයට සමබරතාවය රකී. ඒ කියන්නේ ලාංඡනය තරාදිය බව ඔබ දන්නවානෙ. වෘෂභ රාශියද සිකුරුට අයිතිය. එම අය හොඳ වැඩ කළත් බරපතළම මෝඩකම ජීවිතයට ලක්‌ කර ගන්නවා. ඇත. මීන ලග්නයට සිකුරු උච්ච බලයෙන් යුක්‌ත වුවත් මීනය කියන්නේ මාළුවන් දෙදෙනකුගේ සලකුණයි. මාළුවාට එක තැන සිටීම අපහසුය. රැලේ යැම සිරිතකි. මේ කරුණ ගැනත් අංක 06 හිමි උදවිය ටිකක්‌ කල්පනා කරලා බලන්න. මේ අය තමා දන්නාදේ පිටට පෙන්වීමට යැම තුළින් සිනාවට ලක්‌වේ. පනින්නට පෙර ටිකක්‌ හිතා බලන්න. වාසනාව තිබුණද අවාසනාව ළංකර ගන්නා අංක 06 හිමි අයද අප අතර ඇත. මල් හතයි ජිල් එකයි කියලා අංක 06 ජීවන අංකය හිමි අයට සතුරු, මිතුරු කවුරු වුනත් වශී වෙන ගති ලක්‍ෂණයන්ද තිබේ. කෙනෙක්‌ ළඟ හොඳ වගේම නරකත් තියෙන්න පුළුවන.

ඕනෑම වර්ෂයක අප්‍රේල් 21 සිට මැයි 21 දක්‌වා කාලයද සැප්තැම්බර් 23 සිට ඔක්‌තෝම්බර් 24 දක්‌වා කාලයද යම් සහන දායක කාලයක්‌ වේ. අඟහරුවාදා, බ්‍රහස්‌පතින්දා, සිකුරාදා දිනයන්ද 06, 15, 24 යන දවස්‌ද සුබ වැඩවලට යොදා ගන්න. සෙම් අමාරු, උගුරේ ආබාධ, පීනස වැනි රෝග අංක 06 ට වරින්වර මතුවේ. සිකුරුගෙ අනංග බැල්මත් සරසවියගෙ කලාවත් එක තැන්වන අංක 06 හිමි සමහර උදවිය හැබෑම දක්‍ෂතා පෙන්වනු ඇත. සිකුරාදා දිනක සිකුරුගේ හෝරාවක සිකුරුගේ නැකත (බෙරණ, පුවපල්, පුවසල) උපත ලබා අංක 06 ඇතිව උපත ලබා ඇත්නම් කලා ලෝකයේ බැබළෙන තරුවක්‌ වේ. ඒ වගේම කුජ, සිකුරු යෝගය දෙවැන්න තුළ යෙදී ඇත්නම් ඇති මාවත කාම යෝග යෙදීම නිසා ඉහළ තනතුරු දැරුවද කාම සල්ලාලයන් වීමටද ඉඩ තිබේ. මේවා මෙසේ වුවද තවත් බැලිය යුතු වටිනා කරුණු තිබෙන නිසා ජ්‍යෙතීර් විද්‍යා විශාරදයකු හමුවී කරුණු කාරණා වටහා ගන්න.

දැන් ඉතින් ජීවන අංක 06 යටතේ උපන් ප්‍රසිද්ධ අය කිහිප දෙනෙක්‌ උදාහරණ ලෙස බලා ගන්න.