දුවෙක්‌ද? පුතෙක්‌ද? උපදින්නට පෙර ජ්‍යෙතිෂ ඇසින්
ඈත අතීතයේ සිටම අපේ පැරණි මව් පියවරු දරු ගැබක්‌ හටගත් විගසම ජ්‍යෙතිෂශාස්‌ත්‍රඥයන් වෙත පැමිණෙන්නේ ලැබෙන්නේ දුවෙක්‌ද? පුතෙක්‌ද? යන්න දැන ගැනීමටයි. එදා අපේ පැරණි ගුප්ත ශාස්‌ත්‍රඥයන් මේ ප්‍රශ්නයට පිළිතුරු සැපයූ ක්‍රම වේද රාශියක්‌ තිබුණි. තත්කාල ක්‍රමය, දූත ලක්‌ෂණය, නාඩි පරීක්‌ෂාව ආදී ක්‍රම භාවිතා කරමින් නිවැරදිව උපදින දරුවාගේ ස්‌ත්‍රී පුරුෂ භාවය ප්‍රකාශ කළේය. අතීතයේ මෙන්ම වර්තමාන සමාජයේදී දෙමාපියන්, උපන් දරුවාගේ වේලාව ගෙනවිත් දෛවඥයාට දී බලා සිටින්නේ උපන් දරුවාගේ ස්‌ත්‍රී පුරුෂ භාවය දෛවඥයාගේ කටින් පිටවන තුරුයි. එය දෛවඥයාගේ දැනුම පරීක්‌ෂණ කිරීමත් කෙසේ වෙනත් ජ්‍යෙතිෂ්‍යයට අනුව උපදින්නට සිටින දරුවා ගැහැනු දරුවෙක්‌ද? පිරිමි දරුවෙක්‌ද යන්න ප්‍රකාශ කීමට හැකියාවක්‌ ඇති බව පහත ජ්‍යෙතිෂ්‍ය කරුණු විග්‍රහයෙන් පෙනී යයි. භාරතිය ජ්‍යෙතිෂවේදීන් මෙය ප්‍රකාශ කරනු ලබන්නේ චන්ද්‍රයාගේ උදාවීම අනුවයි. ඒ අනුව චන්ද්‍රයාගේ උදා දිනය පාදක කරගෙන යම් දරු උපතක්‌ සිදුවී දවස්‌ නවයක්‌ ගත විමට පෙර අලුත් සඳ උදාවූවහොත් ඒ උදා සඳට පසුව උපදින දරුවා පෙර දරුවකු උපත ලබා සිටීනම් ඒ දරුවාට විරුද්ධ ලිංගිකයකු වෙයි. මේ අනුව මේ දරු උපන් කාලය තුළ නව සඳක්‌ උදා වේ, නැති නම් උපදින දරුවා පෙර දරුවාට සමාන ලිංගිකයෙකු වන්නේය. දරු ප්‍රසූතියකින් පසුව දෙවන දරු ප්‍රසූතියට නීෂි අනුව ස්‌ත්‍රී පුරුෂ භාවය ප්‍රකාශ කිරීමට හැකි වුවත් ප්‍රථමයෙන්ම උපදින දරුවා දුවෙක්‌ද? පුතෙක්‌ද? යන්න කීමට නම් මවගේ උපන් දිනය සොයාගෙන ඒ දිනයේ සිට දින නවයක්‌ තුළ නව සඳ උදාවූ ආකාරය පරීක්‌ෂා කර බැලීමෙන් පසුව නව සඳ උදාවී ඇත්නම් ලබන ප්‍රථම දරුවා ගැහැනු දරුවකු බව භාරතීය මතයයි. මෙය තවදුරටත් විග්‍රහ කිරීමේදී උපත සිදුවූ දිනයේ සිට ඊට පෙර අවසාන වශයෙන් නව සඳ උදාවූ දිනය සොයා ගෙන මේ දරුගැබ පිළිසිඳ ගැනීමේ අවස්‌ථාව දක්‌වාම කොපමණ නව සඳවල් උදාවූවාද යන්න සොයාගෙන එම ගණන් සංඛ්‍යාත්මකව ඔත්තේද ඉරට්‌ටේද යන්න සොයාගැනීමෙන් ඔත්තේ සංඛ්‍යා නම් පිරිමි දරුවෙක්‌ද? ඉරට්‌ටේ සංඛ්‍යා නම් ගැහැනු දරුවෙක්‌ද උපදින බව ප්‍රකාශිතයි. හෙළදිව ජ්‍යෙතිෂයට අනුව මෙය විසඳෙන්නේ මෙසේය. යම් කාන්තාවක්‌ පිළිසිඳ ගැනීම සිදුවන්නේ ඇය උපත ලබන දිනයේදී යෙදී තිබුණු තිෂියට අනුවයි. ඒ අනුව සෑම මාසයකම එම තිෂිය උදාවන අවස්‌ථාවක එම කාන්තාවගේ සරුකාලය නම් එවැනි අවස්‌ථාවක පුරුෂයකු සමඟ සංසර්ගයේ යෙදීමෙන් දරුගැබක්‌ ඇති වේ. මේ අනුව පිළිසිඳ ගන්නා ලද දරුවාගේ ස්‌ත්‍රී පුරුෂ භාවය නිගමනය කරනු ලබන්නේ එදින චන්ද්‍රයා ගමන් කරන තිෂි රාශි වල වන්නේ ඉරට්‌ටේ සංඛ්‍යාවන් අනුවයි. මෙහිදී චද්‍රdස්‌පුට අනුව ගැනිය යුතු බව දත යුතුයි. ඒ අනුව චන්ද්‍රයා ගමන් කරන රාශිය ඔත්තේ රාශියක්‌ වුවහොත් පිරිමි දරුවෙක්‌ බවත් ඉරට්‌ටේ රාශියක්‌ වුවහොත් ගැහැනු දරුවෙක්‌ බවත් ප්‍රකාශ කළ යුතුය. මේ පිළිසිඳ ගැනීමේ දිනයේදී රවි එදා යන ග්‍රහයන්ට ලැබෙන ග්‍රහ දෘෂ්ටි අනුව කළලයේ ස්‌වභාවය වෙනස්‌ වෙන බවත් උපදින දරුවාගේද විවිධ වෙනස්‌කම් අඩුපාඩු කම් ඇති වන බවද දත යුතුයි. එසේ හෙයින් සුභ ග්‍රහ තත්ත්වයක්‌ පවතින කාලය මෙම තිෂි උදාවන ග්‍රහ තත්ත්වයන්ට අනුව ඔබට අවශ්‍ය දුවෙක්‌ද පුතෙක්‌ද යන්න තීරණය ගත හැකිය. මේ ක්‍රමය පාඨක ඔබ සැමට අත්හදා බලා ප්‍රතිඵල ගෙන සතුටු විය හැකිය.
එන්. ආර්. එම්. ජයවර්ධනඋපුටා ගැනීම දිවයින
