සමාජ ජීවිතය අප්‍රසන්න විවාහ දිවිය ප්‍රසන්න වෘශ්චික
මෙලොව උපදින ඕනෑම කෙනකුට පළමුවෙන් හිමිවන්නේ ලග්නයයි. ඔහුට හෝ ඇයට නමක් පවා හිමිවන්නේ ලග්නය ලැබීමෙන් පසුයි. කෙනකු උපදින මොහොතේ නැඟෙනහිර ක්‍ෂිතිජයෙන් උදාවෙමින් පැවැති ලග්නය ඔහුගේ හෝ ඇයගේ ලග්නය වන බව ජේ‍යාතිෂයේ සඳහන්ය. ජන්මියකුගේ හැඩරුව ගතිගුණ, චරිතය, දක්‍ෂතා ලෙඩදුක් ආදී ජීවිතයේ සියලු දේවල් සිදු වන්නේ ලග්නය අනුවය. ඔබ උපන් ලග්නය අනුව ඔබේ ජීවිත තොරතුරු ඉදිරිපත් කරන ලිපි පෙළේ අටවැන්න වන මෙයින් වෘශ්චික ලග්න හිමියන් ගැන විග්‍රහ කෙරේ.
ශරීර ලක්‍ෂණ වෘශ්චික ලග්න හිමියන්ට වකුටු කෙස් ඇත. නිරෝගී යහපත්ව වැඩුණු ශරීරයත්, මුහුණ මහත් වූ ඇස්, දුඹුරුපාට පැතලි නහයක් හිමිය. සිහින් තොල් සඟළක් ඇත. හිස පළල්ය. උදරය මහත්ය. වඩා උස් නොවුණු ශරීරයක් වෘශ්චික ලග්න හිමියන්ට උරුම වේ. ශරීරයෙන් තේජවන්ත පෙනුමක් විදහා දක්වයි. අත්පා දිගු ලෙස වැඩී ඇති දුටුවන් සිත් ඇද බැඳ ගන්නා ලස්සන පෙනුමක්ද වෘශ්චික ලග්න හිමියන්ට හිමිවේ. ගතිගුණ කුජ හිමි වෘශ්චික ලග්නයේ සංකේතය ගෝනුස්සා වන අතර මොවුන්ට ඇතිවන අනේකවිධ කරදරවලට නොසැලී මුහුණදෙයි. විවෘත හදවතක් ඇති මොවුන්ට රහස් රැකීමට නොහැකිය. බොරුවට වංචාවට අකැමැති ඔවුහු එවැනි අය ඉදිරියේ කෝපයෙන් කටයුතු කරති. මෙම ලග්නයෙන් උපත ලබන්නෝ විනෝදයට ප්‍රිය කරන අයයි. නිර්භීත ගති ඇති තරමක් අහංකාර ආඩම්බර ගතියෙන් යුක්තය. අනුන්ගේ ගුණ දොස් විවේචන ප්‍රිය කරයි. යමක් වහා අවබෝධ වන නුවණක් ඇති මෙම ලග්නයෙන් උපන් අයට සහජ දක්‍ෂතා උපතින් උරුම වේ. සහෝදරයන්ගේ විරුද්ධවාදීකම්වලට ලක්වන මොවුන් සමඟ නෑදෑයන් අමනාප වේ. වෘශ්චික ලග්න හිමියන්ගේ පළිගැනීමේ චේතනාව හා නපුරුකම් විදහා දැක්වෙයි. මිතුරන් සමඟ වැඩිකල් යහළුකම් නොපවත්වයි. සතුරන් ජය ගැනීමේ ශක්තිය ඇත. සමාජමය කටයුතුවලට මුල්වී ක්‍රියා කරන වෘශ්චික ලග්න හිමියන් සංගීතයට ඉතා ප්‍රිය වේ. ආදරය හා ලිංගිකත්වය උද්වේගකර කාමුකත්වයක් මෙම ජන්මීන්ට හිමිය. වෘශ්චික ලග්න හිමියන්ට සිත එක අරමුණක තබා ගැනීම අසීරුය. ප්‍රේම සම්බන්ධතා කීපයක් පැවැත්වුවද බොරු පොරොන්දුවලට නොරැවටේ. විරුද්ධ ලිංගිකයන් කෙරේ ආකර්ෂණයක් ඇති මොවුන් තම සහකරුට හෝ සහකාරියට සැබෑ ආදරයක් දක්වයි. විවාහය මෙම ලග්නයෙන් උපන් අය පෙබරවාරි 20 - අප්‍රේල් 20 අතර දින හෝ ජුනි 21 හා ජූලි 21 අතර කාලයේ උපත ලැබූ අයකු සමඟ බොහෝ විට විවාහවේ. විවාහයේදී තම අදහසට අනුව කටයුතු කරන මොවුන් පවුලේ අයවත්, නෑදෑයන්වත්, වත් පොහොසත්කම්ද නොසලකයි. විවාහ සහකරු හෝ සහකාරිය තමාට යටත් කර ගැනීමට උත්සාහ දරයි. කීකරු ඉවසිලිවන්ත අයකු මොවුන් සමඟ විවාහ වීමෙන් විවාහ ජීවිතය බෙහෙවින් සාර්ථක වේ. තම සහකරුගේ ගුණ දොස් සොයන මොවුන් විවාහයෙන් පසුවද රහස් සබඳතා පැවැත්වීමට මැළි නොවේ.
වෘශ්චික ලග්න ගත කාන්තාවන් අධික දරුවන් ලබයි. රැකියාව පොලිසිය, යුද හමුදාව, ආරක්‍ෂක සේවා වැනි රැකියාවලට සුදුස්සන්ය. වෛද්‍ය වෘත්තිය, ඉන්ජිනේරු, ගුරු, විද්‍යාඥ වැනි වෘත්තීන්ද මෙම ලග්නයෙන් උපන් අයට හිමිය. පරිගණක ක්‍රියාකරවීම, මැහුම් කර්මාන්තය, කාර්මික අංශය, රසායන ද්‍රව්‍ය නිෂ්පාදනය, තෙල්, සායම් නිපදවීම වැනි රැකියාවලට මනා සුදුස්සන්ය. බුද්ධිය මෙහෙයවා කරන රැකියාද හිමි වන මොවුන් ඉගෙනුමට දස්කම් දක්වයි. එමෙන්ම ගොඩනැඟිලි කොන්ත්‍රාත් වැඩ, ඉඩම් බේ‍රා්කර් වැඩවලටද ගැළපේ. ධනය හා වස්තුව වෘශ්චික ලග්න හිමියන්ට ධනය අතින් යහපත් තත්ත්වයක් ඇත. නමුත් ඉතිරි කිරීම් අඩුය. අධික වියදම් සිදුවේ. සූදුව වැනි ක්‍රියාවල යෙදී මුදල් ඉපයීමේ උත්සාහ පවතී. මෙම ලග්න හිමියන්ට මවුපිය උරුමයන් ලැබෙන අතර ඒවා විනාශ කරගැනීම්ද සිදුකරගනී. වංචාවෙන් හෝ අසාධාරණයෙන් ධනය ඉපයීමට නොකැමැති මොවුන් එවන් අය ඇසුරු කිරීමටද මැළිබවක් දක්වයි. සමාජමය කටයුතුවලට තම තැන්පත් ධනය වුවද වැය කරන මොවුන් අන් අයගේ දුකට පිහිට වේ. නැති බැරි අයටද උදව් උපකාර කරයි. අත්අකුරු වෘශ්චික ලග්න හිමියන්ගේ අත්අකුරුවල කිසිම හැඩයක් නොමැති අතර අවලස්සන ගති පෙන්වයි. විරාම ලක්‍ෂණ ගැන එතරම් තැකීමක් නොකරන මොවුන් ඕනෑවට එපාවට ලියන තත්ත්ව ඇත. නමුත් අකුරු තරමක් ලොකුවට ලිවීමෙන් පැහැදිලි බවක් පෙනේ. අත් අකුරු පරීක්‍ෂා කිරීමෙන් මොවුන් නොසැලකිලිමත්ව කටයුතු කරමින් අපිළිවෙළට දිවි ගෙවන බවක් විද්‍යමාන වේ. එමෙන්ම ඉවසීම අඩු ඉක්මනින් කෝපවන අය බවද මේ තුළින් පැහැදිලි වනු ඇත. පහසුවෙන් සෑදෙන රෝග මුත්‍රාශය, ගර්භාෂය, ගුද මාර්ගය, මොළය ආශි්‍රත රෝග වැලඳේ. ලිංගික රෝග, උෂ්ණාධික රෝග බොහෝ විට සෑදීමේ අවකාශ වෘශ්චික ලග්නයෙන් උපන් ජන්මීන්ට ඇති වේ. තුවාල, ශල්‍යකර්ම ආදියට ගොදුරුවීම හදිසි අනතුරු, ගින්නෙන් පිලිස්සීම හා විදුලිසැර වැදීම්වලට බඳුන්වීමේ ඉඩකඩ වැඩිය. නමුත් බෝවන රෝගවලට ඔරොත්තු දීමේ හැකියාව මොවුන්ට උපතින් හිමි වේ. ජය අංක හා ශුභ දවස් වෘශ්චික ලග්න හිමියන්ගේ ජයග්‍රාහී දිනය වන්නේ ඉරිදා, සඳුදා, අඟහරුවාදා, බ්‍රහස්පතින්දා දිනයන්ය. බදාදා, සෙනසුරාදා මෙම ලග්න හිමියන්ට අශුභ පල උදාකරයි. ඉරිදා ගමන්බිමන් සඳහාත් සඳුදා, බ්‍රහස්පතින්දා වැවිලි හා ගොවිතැන් කටයුතු සඳහාත් වඩා ශුභය.
මොවුන්ගේ ජය අංක වන්නේ 1, 2, 3, 4, 7, 9 යන අංකයි. 5, 6, 8 යන අංක මෙම ජන්මීන්ට අසුබ වේ. ඉහත ජය අංක සහිත ලොතරැයිපත් මිලදී ගැනීමෙන් ලොතරැයි දිනුම් හිමිවීමේ භාග්‍ය තිබේ. ජයවර්ණ හා ශුභ මැණික් කහ වර්ණය වෘශ්චික ලග්න හිමියන්ගේ ජය වර්ණය වන අතර ගමන්බිමන්වලදී කහ වර්ණය හා රතු මිශ්‍රවී ඇති ඇඳුම්ද වඩා සුදුසු වේ. දුක් කරදර සිදුවූ අවස්ථාවල පත්තිනි දෙවියන්ට කහපාට තිර පූජා කිරීමෙන් ශාන්තියක් ලබාගත හැකිය. පුෂ්පරාග මැණික් වෘශ්චික ලග්න හිමියන්ට ශුභ පල උදා කරන අතර එම මැණික් ගලක් ඇල්ලූ රත්රන් මුදුවක් පැලඳීමෙන් කරදර, බාධක දුක් කම්කටොලුවලින් මිදීමේ හැකියාව පවතී. දුර්වලතා බොහෝ විට තම අභිමතය පරිදි ක්‍රියා කිරීම නිසා ගැටලු ඇතිකර ගනී. අන් අයගේ ගෞරවය ආරක්‍ෂා වන පරිදි කටයුතු කරන්නේ නම් තමාට හොඳ මිතුරන් හා යහපත් නෑදෑයන් ඇතිකර ගත හැකිය. නමුත් නපුරුකම, ඊර්ෂ්‍යාව වැනි ගතිගුණ නිසා අන් අයගේ අප්‍රසාදයට ලක්වනු ඇත. මොවුන්ගේ ඇති ප්‍රබලතම දුර්වලකම් නම් අනුන්ගේ ඇදකුද සෙවීමය. අන්තිම මොහොත දක්වාම තම වැඩකටයුතු පමා කිරීමත් ඉක්මන් කේන්තිකාරයන් වීමත් තරමක කුඩුකේඩු ගතියක් පැවැතීමත් වෘශ්චික ලග්න හිමියන් සතු තවත් දුර්වලතා ලෙස සැලකිය හැකිය.
නියෝජ්‍ය විදුහල්පති ජේ‍යාතිර්වේදී
එම්. උපුල් ජය ශ්‍රී ද සිල්වා
උපුටා ගැනීම මව්බිම පුවත්පත
