බබළන්න ජීවිතේ පළඳින්න මේ ලෙසේ
මැණික්‌ හා ග්‍රහතාරකා අතර ප්‍රබල සබඳතාවක්‌ පවතින බව අපේ මුතුන් මිත්තන් සනාථ කොටගෙන තිබුණේ මීට වසර දහස්‌ ගණනකට පෙර සිටය. එකී දැනුවත්භාවය නිසාම රජවරුන්ගේ ඔටුනු සහ ස්‌ත්‍රී පුරුෂ දෙපක්‍ෂය පළඳින මුදු, කරාබු සහ කුඩා දරුවන්ගේ පංචායුධ ආදියට මේවා යොදන්නට ඇතැයි විශ්වාස කළ හැකිය. මූලික වශයෙන් මිනිසා නිර්මිතව ඇති ආපෝ, තේජෝ, වායෝ, පඨවි, ආකාශ යන පංච භූත ශක්‌තීන්ගේ ඌනතාවයකින් මිනිස්‌ සිරුරේ හටගන්නා ආපදා තත්ත්වයන් මැණික්‌ පැළඳීම තුළින් සමනය කරගත හැකිය. එහෙත් මැණික්‌ පැළඳීම ආවාට ගියාට සිදු නොකළ යුතු ශාන්තිකර්මයකි. පැළඳීමට පෙර ඒ පිළිබඳ මනා දැනුවත්භාවයකින් ඒ හා බැඳී පවතින විද්‍යාත්මක පදනම මත පිහිටා සිදු කළ යුත්තකි. විකිරණශීලී පාෂාණයක්‌ බවට හඳුනාගෙන ඇති මැණික්‌ ගල් මතට සූර්යයා ඇතුළු ග්‍රහ මණ්‌ඩලයෙන් නිකුත් වන්නා වූ කිරණ මැණික්‌ හරහා අපගේ ශරීරයට ඇතුළුවීමෙන් අපට ඇතිවන්නා වූ ග්‍රහ අපල දුරු වී ආයු වර්ධනය ධනය, කීර්තිය, සැප සම්පත් හා නිරෝගී භාවය ලැබෙන බව නූතන මැණික්‌ විද්‍යාඥයන්ගේ පවා මතය වී තිබෙන අතර සූර්ය මාස ක්‍රමයෙන් උපන් මාසයට අනුව, උපන් දිනයට අනුව, දෛව අංකය අනුව ලග්න අධිපති ග්‍රහයාට අනුව, උපන් නැකත නියෝජනය කරන ග්‍රහයාට අනුව, අපලකාරක ග්‍රහයාට අනුව, ඉෂ්ඨ දේවතාවාට අනුව, යෝගකාරක ග්‍රහයාට අනුව, ආපෝ, තේජෝ, වායෝ, පඨවි, ආකාශ යන භූත තත්ත්වයනට අනුව ආදී වශයෙන් පුද්ගලයකු තුළ පවතින දොaෂ හඳුනා නොගෙන හිතුමතේ පැළඳීමෙන් කෙනෙකුගේ ජීවිතය බැබළීම වෙනුවට විනාශයට ද හේතු වේ. එබැවින් මැණික්‌ පළඳින ඔබ ඒ පිළිබඳ මනා දැනුවත් භාවයකින් ඒවා පැළඳිය යුතු අතර, ජ්‍යෙdතිර්වේදියකු ලවා නිවැරදිව ජන්ම පත්‍රය පරීක්‍ෂා කර බලා තම ලග්නයට අදාළව මාරක බාධක ඒරාෂ්ඨක අපල දුරුවී නිරෝගීභාවය, සෙත, ශාන්තිය දියුණුව, යහපත ලැබීමට සුදුසුම මැණික්‌ වර්ගය පැළඳීමට බුද්ධිමත් විය යුතුය. ජන්මියකුගේ කේන්ද්‍රයක අශුභ ඵල දෙන ග්‍රහයන් ශුභ කර ගනිsමින් අදාළ තැනැත්තාගේ කේන්ද්‍රයේ යෝගකාරක ග්‍රහයන් බලවත් කර ගැනීම පිණිස ග්‍රහයාට, ලග්නයට අදාළව නියමිත ඇඟිල්ලේ මුද්දක යොදා මැණික්‌වලට මෙන්ම අපලයට අයත් ජප මන්ත්‍රයකින් නිසි ලෙස ජපකර පැළඳීමෙන් එම මැණික බබළන්නා සේම ඔබ ද බබළන බව ඒකාන්තය.
ග්‍රහයාට අදාළ මැණික්‌ වර්ග
- රවි ග්‍රහයාගේ අපලයට - පද්මරාග
- සඳු ග්‍රහයාගේ අපලයට - මුතු
- කුජ ග්‍රහයගේ අපලයට - රතු කැට
- බුධ ග්‍රහයාගේ අපලයට - පච්ච හෝ තෝරමල්ලි
- ගුරු ග්‍රහයාගේ අපලයට - පුෂ්පරාග
- සිකුරු ග්‍රහයාගේ අපලයට - සුදු නිල් හෝ දියමන්ති
- සෙනසුරු ග්‍රහයාගේ අපලයට - කාකනිල් හෝ නිල් කැට.
- රාහු ග්‍රහයාගේ අපලයට - ගෝමේද
- කේතු ග්‍රහයාගේ අපලයට - වෛරෝඩි
ලග්නයට හිමි මැණික්‌
- මේෂ ලග්නයට - සුදු, නිල් හෝ දියමන්ති.
- වෘෂභ ලග්නයට - පච්ච හෝ තෝරමල්ලි
- මිථුන ලග්නයට - කාක නිල්
- කටක ලග්නයට - මුතු
- සිංහ ලග්නයට - රතු කැට
- කන්‍යා ලග්නයට - පද්මරාග
- තුලා ලග්නයට - දියමන්ති සුදු නිල
- වෘශ්චික ලග්නයට - පුෂ්පරාග
- ධනු ලග්නයට - පුෂ්පරාග
- මකර ලග්නයට - රතු කැට
- කුම්භ ලග්නයට - නිල් කැට
- මීන ලග්නයට - වෛරෝඩි
පැළඳියයුතු ඇඟිල්ල
- පද්මරාග ගල් ඇල්ලූ මුද්ද - වෙදැගිල්ලේ පැළඳීම සුබයි.
- මුතු ඇට ඇල්ලූ මුද්ද දබරැඟිල්ලේ පැළඳීම සුබයි.
- රතු මැණික්‌ ඇල්ලූ මුද්ද - වෙදැඟිල්ලේ පැළඳීම සුබයි.
- පව්ච ගලක්‌ ඇල්ලූ මුද්ද - සුළැඟිල්ලේ පැළඳීම සුබයි.
- පුෂ්පරාග ගලක්‌ ඇල්ලූ මුද්ද - දඹරැගිල්ලේ පැළඳීම සුබයි.
- වෛරෝඩි ගලක්‌ ඇල්ලූ මුද්ද - මැදඟිල්ලේ පැළඳීම සුබයි.
- කාකනිල් ගලක්‌ ඇල්ලූ මුද්ද - මැදඟිල්ලේ පැළඳීම සුබයි.
- දියමන්ති ගලක්‌ ඇල්ලූ මුද්ද - මැදැඟිල්ලේ පැළඳීම සුබයි.
- ගෝමේද ගලක්‌ ඇල්ලූ මුද්ද - මැදැඟිල්ලේ පැළඳීම සුබයි.
ජ්‍යෙතිෂවේදී රංජන් සිසිර කුමාරසටහන - ධම්මික හේවාවසම්උපුටා ගැනීම දිවයින පුවත්පත
දැරියකගේ ජීවිතයේ දෙවැනි ඉපදීම ලෙස සලකන්නේ ඇය මල්වරවියට පත්වීමයි. එකී සංසිද්ධියේදී ඇගේ පවුලේ මව ඇතුළු වැඩිහිටියන් විසින් පළමුව සිදුකරනු ලබන චාරිත්‍රයක්...
ඔබ උපන්නේ කුමන අවුරුද්දක වුවද මාසය කුමක් වුවද ඔබ උපන්දවස අංක 6ට නතු වේ නම් ඔබගේ ජිවන අංකය අංක 6වේ. ඒ...
තලගොයා, කබරයාට සමාන සතකු වුවද කබරයා තරම් තද කළු නොවෙයි. තලගොයා මිනිසාට සුබ පල ගෙන දෙන සතකු වන අතර කබරයා අසුබ...
දියණියකගේ දෙවැනි උපත මල්වරයයි. එමඟින් ඇය උතුම් මාතෘත්වයට සුදුසු තැනැත්තියක් ලෙස නිර්දේශ කෙරේ. මෙකී මල්වරය අනාදිමත් කාලයක සිට ජේ‍යාතිෂය හා බද්ධව එහි නියම...
කුම්භ ලග්නයට අධිපති ලග්නාධිපති සෙනසුරු ග්‍රහයා වන අතර රැකියාව පිළිබඳව කියැවෙන දහ වැන්න අඟහරුට හිමි වෘශ්චික රාශියයි. අඟහරු ග්‍රහයා දහ වැන්න තුළම...
ජෝතීර් විද්‍යාවේ සිද්ධාන්ත, සංහිතා, හෝරා යනුවෙන්වූ ක්‍රමවේදයන් මනුෂ්‍ය ජීවිතයේ ඉදිරිය ගැන කියවිය හැකි පරිදි සකස්‌වී තිබේ. රාශි වළල්ලේ අවසානය වන්නේ මීනයයි....
