කෙස්‌වල වර්ණය හැඩරුව ඔබේ ගතිගුණ කියයි
කෙනෙකුගේ ගමන බිමන, දේහ විලාශය අනුව ඔහුගේ හෝ ඇයගේ චරිත ස්‌වභාවයන් කිව හැකි අති දක්‌ෂයන් ඉපැරණි රජ දවසේ සිටි බව ඉතිහාසයේ සඳහන් වේ. ඒ අනුව පැරණි සෘෂිවරු කෙනකුගේ හිසකෙස්‌වල වර්ණය හා හැඩරුව අනුව ඔවුන්ගේ චරිත ස්‌වභාවයන් පැවසූහ. කෙසේ වුවද දෙදෙනකුගේ හිසකෙස්‌ එක සමානව නොපිහිටයි. සමහරවිට එය වර්ණයෙන් හා හැඩරුවෙන් එකිනෙකට වෙනස්‌ වෙයි.
- මධ්‍යම ප්‍රමාණයෙන් ඝනව දිගටිව පිහිටා ඇති කොණ්‌ඩය කාන්තාවකට මහඟු ආභරණයකි. මෙලෙස හිසකෙස්‌ පිහිටි ස්‌ත්‍රිය බොහෝවිට සැප සම්පත් ලබන වාසනාවන්තියකි. තම උත්සාහය තුළින් ජීවන ගමන ගෙන යන මොවුන් ලේඛන කලාව හා මාධ්‍ය අංශවලටද සම්බන්ධ වේ. හොඳ සංකල්පනාවන් බිහිකිරීමට හැකියාවක්‌ පෙන්වයි. ශාස්‌ත්‍රීය අංශයෙන් ද ඉදිරියට යා හැකි ස්‌ත්‍රීන්ගේ කෙස්‌ කළඹ මෙලෙස පිහිටා ඇත.
- ස්‌ත්‍රියකට තවත් සුබඵලගෙන දෙන ආකාරයේ හිස කෙස්‌ පිහිටීමක්‌ වනුයේ මී මැස්‌සකුගේ පියාපත් මෙන් ඉතා යහපත් වර්ණයෙන් යුත් හිසකෙස්‌වල අග කොටස්‌ වක්‍රාකාරව මඳක්‌ නැමුණු ආකාරයෙන් පිහිටා තිබීම වේ. මෙසේ වූ විට බොහෝ සැප සම්පත් ලබමින් ඉතා වාසනාවන්ත මිහිරි යුග ජීවිතයක්‌ ගත කිරීමට වාසනාව ලැබෙනු ඇත.
- ඝනව වැඩුණු කෙස්‌ කළඹ බෙල්ල තෙක්‌ වැටී ඇති කාන්තාව අන් අය ගැන නොසිතන කුල සිරිත් විරිත් චාරිත්‍ර අනුගමනය නොකරන නවීන විලාසිතාවන්ට ප්‍රියකරන ආත්මාර්ථකාමී ගති ඇති කෙනකු වේ.
- එකට පැටලුණ අවුල්සහගත අගට යැමේදී මහත් වූ හිසකෙස්‌ ඇති ස්‌ත්‍රිය අවාසනාවන්ත වේ. ප්‍රීතිමත් යුග ජීවිතයක්‌ ගත කිරීමට වාසනාව නැති ඇයට දුක්‌බර ජීවිතයක්‌ උරුම වේ.
- තමනට හැසිරවිය නොහැකි කේශ කලාපයක්‌ හිමි කතද වාසනාවන්ත නොවේ. හැම මොහොතකම ඉතා සුළු දෙයකට පවා කෝපයට පත්වන ඇය ලද දෙයින් සතුටුවිය නොහැකි හැමවිටම අසතුටෙන් කල් ගෙවයි. යුගදිවියට පත්වූ පසු තම ස්‌වාමියා හා රණ්‌ඩු දබර කර ගනී. අනුන් සතු දේ ගැන සොයන කෙනෙක් විවේචනයට අපහසුවට පත්කර සතුටු වන්නියකි.
- ඉතා දික්‌වූ මහත කෙස්‌ ඇති කාන්තාවගේ ස්‌වාමියා අවාසනාවන්ත ලෙස ජීවිතක්‍ෂයට පත් වේ.
- පිරුණු බවෙන් යුතු හිසකෙස්‌ පිහිටා ඇති කාන්තාව මානයෙන් යුතුවන අතර ඇය කාම සල්ලාලයන් හා දිවි ගෙවන්නියකි.
- සෘජුව හිසකෙස්‌ ඇති ස්‌ත්‍රිය හෝ පුරුෂයා දුක්‌ කම්කටොළු විඳදරා ගැනීමට සමත් වේ. දැඩි අධිෂ්ඨාන ශක්‌තියක්‌ හා චිත්ත ධෛර්යයක්‌ ඇති මොවුන් තමාගේ කටයුතුවලින් උසස්‌ තත්ත්වයට වඩා කීප ගුණයකින් දියුණුවට පත්වේ. දැඩි ප්‍රතිපත්තිවල පිහිටා කටයුතු කරන මොවුන් අන් අය අතර ජනප්‍රිය නොවේ.
- හිසකෙස්‌ අඩු ස්‌ත්‍රිය අවාසනාවන්තය. ජීවිතයේ සැනසීමක්‌ ලැබීමට නොහැකි සමාජයේ මුලුගැන්වී සිටින අයකු වේ. මොවුනට දූ දරුවන්ගෙන්ද සැපක්‌ ලැබිය නොහැක.
- පිරිමියෙක්‌ දෙස බැලීමේදී ඔහුගේ කෙස්‌ කලඹ කළු පැහැතිව ඝනව මට සිලුටුව ඇතිනම් ශාන්ත වූ ගතිගුණ ඇති කෙනෙක් යයි දත යුතුය. ඉක්‌මනින් කෝප නොවන තැන්පත් ගතිගුණවලින් පිරුණ මොහු ඉතාමත් ධෛර්යවන්තය. අන්‍යයන්ට කරදරයක්‌ නොවන ලෙස ජීවත්වන මොහු මිතු දමක්‌ වුවද ස්‌ථිරව පවත්වා ගෙන යයි. මිතුරන් අතර ජනප්‍රිය කෙනෙක් වේ. නමුත් මොවුන් තුළ ඇති දුර්වලකමක්‌ වනුයේ පටන්ගත් වැඩය අවසානය වනතෙක්‌ කිරීමට අසමත් වීමය. එබඳුම කෙස්‌ කලඹක්‌ ඇති කාන්තාව ආසාවන් කෙරෙහි වැඩිපුර හිත නොයවයි. හැම දෙයක්‌ කෙරෙහිම විමසුම් සහගතව සිටින ඇය කාම සේවනයට කැමැත්තක්‌ නොදැක්‌වුවද තම සැමියාට දැඩි ලෙස ආදරය කරයි. ශක්‌තිමත් ශරීරයකට හිමිකමක්‌ නැතිවුවද මැය දුර්වල තැනැත්තියක්‌ද නොවේ. හැමවිටම සතුටින් කල් ගෙවයි.
- තරමක්‌ කෙටි වූ පිරුණු බවකින් යුක්‌ත වූ කෙස්‌ කලඹක්‌ පිහිටීම ස්‌ත්‍රියකට සුබදායක නොවේ. මහත් ආඩම්බර කමකින් යුක්‌තව ජීවත්වෙන මෙවැනි ස්‌ත්‍රීන් දාමරිකයන් හා දරුණු පුද්ගලයන් සමඟ පවා හිතවත්කම් ඇතිකර ගනී. පුරුෂයන් මෙන් නිතර ක්‍රියාශීලී වෙති.
- කණවැන්දුම් භාවය ඇතිවන ස්‌ත්‍රීන්ගේ හිසකෙස්‌ පිඟුවන් වර්ණයෙන් මෙන්ම රළුවූ ලෙසද පිහිටයි. මෙවන් හිසකෙස්‌ පිහිටි ස්‌ත්‍රීන්ගෙන් යුගදිවි සම්පත් ලැබීමට අපහසුය. විවාහ කිහිපයක්‌ කරගත්තත් සාර්ථක නොවේ.
- හිසකෙස්‌ රැලි ගැසී ඉදිරියට ඉලිප්පී ඇති අය ඉතා දුප්පත් වුණත් උසස්‌ පුද්ගලයන්ගේ ඇසුර ලබාගනී. අයහපත් මහ දශාවක්‌ හෝ ග්‍රහ බලයක් තිබුණොත් චරිතය පවා කෙලෙසා ගනී.
- ඉතා කාලවර්ණ වූ කොටු වූ. වකුටුවූද, හිසකෙස්‌ පිරිමියෙක්‌ තුළ පිහිsටියේ නම් ඔවුහු මත්පැන් බීමට ඇබ්බැහි වෙන අතර කලකෝලහලවලටද ඇලුම් කරයි. රෞද්‍ර ගති පැවතුම් ඇති ඔවුහු අශීලාචාර වූද, යම් යම් කටයුතු ගැන බොහෝ උත්සාහවන්තවූද, ප්‍රවේශම් කරන මුදලින් තම දියුණුවට කටයුතු නොකර නිෂ්ප්‍රයෝජන වියදම් කරන්නාවූද, අයවෙති.
- දුඹුරුවන් හිසකෙස්‌ පිහිටියේ නම් මුරණ්‌ඩු සිත් ඇත්තෝද වෙති. මධ්‍යපානයෙන් ජීවිතය විනාශ නොවුණහොත් චිරාත් කාලයක්‌ ජීවත්වන්නෝද වෙති.
- එළලුපාට හිසකෙස්‌ පිහිටි පුරුෂයෝද දුර්වල ශරීර ඇත්තෝ වෙති. සුචරිතයෙහි යෙදෙමින් ආගම පිළිබඳව ඇල්මකින් දිවි ගෙවන මොවුහු ස්‌ථිර සෘජු ගති ගුණයෙන් යුක්‌තය.
හිඹුටානේ පියතිලකද අල්විස්‌
උපුටා ගැනීම දිවයින පුවත්පත
ජෙොතිෂයට අනුව මෙලොව ජනිත වන සෑම පුද්ගලයෙකුටම උපන් වේලාව අනුව තීරණය වන ජන්ම ලග්නයක් ඇත. උපත ලබන ස්ථානයට අදාළ දේශාංශ භාවිතයෙන්...
විශ්ව කේන්ද්‍ර ක්‍රමයට අනුව කන්‍යා ලග්නය රාශි චක්‍රයේ හයවැනි රාශිය හැටියට සැලකෙයි. ලග්නාධිපති ග්‍රහයා වන්නේ බුධය. බුධ ග්‍රහයා මිථුන හා කන්‍යා...
මෙහිදී ප්‍රධානම අනාවැකි පවසන්නේ අප ළඟම සිටින සත්ත්වයන්ය. එනම් කපුටා, සුනඛයා, සූනා, වේයා, කූඹියා වැනි අප අවට සිටින සතුන්ය. මේ ගැන...
ඔබ උපන්නේ ජනවාරි මාසයේ නම්, කටයුතු පිළියෙල කිරීමෙහි දක්‍ෂ කඩිසර ගමන් ඇති, වාණිජ ව්‍යාපාර ගැන තම සිත යොදවා ක්‍රියා කිරීමෙන් දියුණු...
තාරකා විද්‍යාව පිළිබඳව පර්යේෂණ පවත්වන විද්‍යාඥයන් පවසන්නේ සෞරග්‍රහ මණ්ඩලයේ ඇති ග්‍රහයින්ගේ බලපෑම්, ගෙවී යන සෑම කාල පරාසයක්ම ආවරණය වන බවයි. නවීන...
මිනිසුන් බලවත් කරගන්නා නොපෙනෙන තවත් ප්‍රධාන බලයක් ඇත. එය ප්‍රේත බලවේගයයි. මිනිසුන් දෙවියන්ගෙන් පිහිට පතන්නා සේම ප්‍රේතයන්ගෙන් නිබඳවම පීඩා විඳියි. දෙවියන්...
.jpg "මනාලිය විලාසිතා කුඩුවක් නොවේ")
