දරුවාගේ අධ්‍යාපනයටත් නිවෙසේ වාස්‌තු බලපානවා 2
ඔබගේ දරුවාට ඔබ මෙතෙක්‌ කල් පෙන්වා දුන්නේ ඝන දෙවියන් නැත්නම් සරස්‌වති දේවිය පමණයි නේද? ඒත් ඔබගේ දරුවාගේ අධ්‍යාපනය සාර්ථක වූවාද? ඔබ මේ ගැන බුද්ධිමත්ව සිතන්න. ඝන දෙවි රූපය වරදක්‌ නැත. එසේ වුවද ඉන්දියාව විසින් එම රූපයට කවා ඇති විනාශම් ලකුණ නිසා දරුවාගේ අධ්‍යාපනයට සිදුවන ආයහපත නම්, සුළු පටු නොවේ. දරුවාට පමණක්‌ නොවේ එය මුළු ගෘහයටම අයහපත් ලෙස බලපානු ඇත. එසේ නම්, ඔබගේ දරුවාගේ අධ්‍යාපන විෂය ක්‍ෂේත්‍රය අනුව දරුවාට ආශිර්වාදය ලබාගත යුතු දෙවියන්ව නිශ්චිතව හඳුනා ගන්න උත්සහ කළ යුතුයි. දරුවා බුදුන් වැඳ මල් පහන් පූජාකොට දෙවියන්ට පින් අනුමෝදන් කිරීමේ දී ඔහුගේ විෂය ධාරාවට වඩාත් බලවත් දෙවියන්ගේ නම්, ගොත් කියා පින් ලබාදීමට කියා දෙන්න. එවිට දරුවන්ගේ අධ්‍යාපන ක්‍ෂේත්‍රය බැඛෙලෙනු ඇත. නිසැකින්ම පින් අනුමෝදන් වන දෙවියන් දරුවා රැකගනු ඇත. විෂය ධාරාව පින් අනුමෝදන් කළ යුතු දෙවියන්
- ඉන්ජිනේරු විෂය ධාරාව විවිධ විශ්ණු දෙවියන් / ගම්බාර දෙවියන්
- ශිල්පීය විෂයන්, වෛද්‍ය විද්‍යාව ඇතුළු ජෛව නාථ දෙවියන් / ගම්බාර දෙවියන්
- විද්‍යාත්මක විෂයන්, කෘෂිකර්මය , වාණිජ විෂය ධාරාවන් කතරගම දෙවියන් / ගම්බාර දෙවියන්
- කාලා විෂය ධාරාවන් සමන් දෙවියන් / පත්තිනි දෙවියන් / සරස්‌වති දේවිය / ගම්බාර දෙවියන්
ඔබගේ දරුවාගේ අධ්‍යාපන විෂය ක්‍ෂේත්‍රය පරිදි හෝ ඔහුගේ අනාගත බලාපොරොත්තු වන විෂය ක්‍ෂේත්‍රය පරිදි හෝ ඉහත දෙවියන් උදෙසා පින් අනුමෝදන්් කිරීම නම්ගොත් කියා සිදු කළ යුතු අතර පළාතේ ගම්බාර දෙවියන්ට පින් අනුමෝදන් කිරීම ද කළ යුතුයි. එසේම දරුවාගේ විෂය කටයුතු උදෙසා සිදුකරනු ලබන භාර හාර වීමේදීද ඉහත පරිදි විෂයන්ට සමීප වන දෙවිවරුන්ට එම භාර වීම ඉතා සාර්ථක බව කිව යුතුයි. ධාරන ශක්‌තිය වැඩි දියුණු කිරීම සඳහා වෘක්‍ෂ ශක්‌ති විමෝචන න්‍යාය යොදා ගැනීම ඔබගේ දරුවාගේ ධාරන ශක්‌තිය වර්ධනය කර ගැනීම බලවත් වන තරමට ඔහුගේ අධ්‍යාපන කටයුතු සාර්ථක වනු ඇත. විශේෂයෙන් ශ්‍රීි ලංකාවේ පාසල් අධ්‍යාපනය තුළ ප්‍රබල කඩ ඉම් 03 ක්‌ දක්‌නට ලැඛෙනවා. එනම්, 05 ශිෂ්‍යත්ව විභාගය, සාමාන්‍ය පෙළ විභාගය සහ උසස්‌ පෙළ විභාගයයි. මෙම විභාග වලට සූදානම් වන දරුවන්ට වාස්‌තු ශිල්පයේ න්‍යායන් යොදාගෙන ධාරන ශක්‌තිය වැඩි දියුණු කර ගැනීමට ස්‌වභාවික පරිසරයේ ශක්‌තීන් උකහා ගන්නා ආකාරය පහදා දෙන්නම්. මේ තුන් ලෝකයේම සිටින බුද්ධිමත්ම පුද්ගලයා කවුද කිය ඔබ දන්නවානේ ඒ තමයි තිලෝගුරු සම්මා සම්බුදුරජාණන් වහන්සේ. තුන් ලෝකය යනු මනුෂ්‍ය, දිව්‍ය සහ බ්‍රහ්ම යන තල තුනයි. එම තුල තුනෙනුත් ශේෂ්ඨතම බුද්ධිමත් උතුමන් පහල වන්නේ, මනුෂ්‍ය තලය තුළයි. එසේ පහළ වූ සෑම බෝසතණාන් වහන්සේ කෙනෙකුම සම්බුද්ධත්වය ලබාගත්තේ වෘක්‍ෂ සෙවණක්‌ තුළ සිටයිි. ඒ තුළින්ම ඔබට වැටහෙනවා නේද විශ්ව ශක්‌තීන් උරා ගන්නට වෘක්‍ෂයක්‌ කෙතරම් ප්‍රබලව දායක වනවා ද කියා. එසේ නම් ඔබත් ඔබේ දරුවන්ගේ අධ්‍යාපනය සාර්ථක කර ගැනීම උදෙසා වාස්‌තු ශිල්පයේ සඳහන් කර ඇති ආකාරයට වෘක්‍ෂයන් තුළින් විශ්ව ශක්‌තිය දරුවාට සම්ප්‍රේෂණය කිරීමට වගබලා ගත යුතුයි. ඊට අවැසි වාස්‌තු ශිල්පීය ඥානය මා ඔබට ලබා දෙන්නම්.
ඔබගේ නිවසේ මුහුණත උතුරු හෝ නැගෙනහිර දිශාවේ නම්, ඔබගේ නිවස ඉදිරිපිට සුදු හෝ නිල් හෝ දම්පාට මල් පිපෙන ශාඛ හෝ මල් ගස්‌ සිටුවන්න. උදෑසන පාසලට නික්‌ම යන දරුවාට ඒවා ශක්‌තියක්‌ වේවි. එසේම ඔබගේ නිවසේ මුහුණත දකුණු හෝ බටහිර නම්, නිවස ඉදිරිපිට රතු, දම්, රෝස සහ ලා කහ වැනි පාට සහිත මල් ගස්‌ හෝ ශාක සිටුවන්න. මේ තුළින් දරුවාගේ වර්ධනය වන මොළයේ සියුම් කොටස්‌ නිසි ලෙස උත්තේජනය වනු ඇත. එසේම ඔබගේ දරුවා පිරිමි දරුවෙකු නම්, ඔහු ලවා කොහොඹ පැළයක්‌ නිවසේ ඊශාන දිශාවේ සිටුවා ඔහු ලවාම එයට සාත්තු කරන්න. ඔබට ඊශාන දිශාවේ ඉඩ නොමැති නම්, උතුරු හෝ නැගෙනහිර හෝ වයඹ දිශාව ඒ සඳහා යොදා ගත්තාට වරදක්‌ නැත. එසේම ඉඩකඩ සීමා සහිත නම්, පෝච්චියක හෝ කොහොඹ පැළයක්‌ සිටුවන්න. එසේම ඔබේ දරුවා ගැහැණු දරුවෙකු නම්, උක්‌ත දිශාවලටම සමන්පිච්ච වැලක්‌ දරුවා අතින් හිඳුවා එයට සාත්තු කිරීමට සළස්‌වන්න. මේ තුළින් දරුවාට දෙවියන්ගේ විශ්වීය තරංග නිතැතින් ලැඛෙනු ඇත. එසේම ඔබගේ හැකියාව හා ඉඩපහසුකම් පරිදි උතුරු ඊශාන දිශාවන් වල සුදු හඳුන් පැළයක්‌ සිටුවීමද ඉතා යහපත් වේ. මේවා දරුවන් ලවාම කරවීමට වගබලා ගත යුතුයි. එසේම ඔබ දැන ගත යුතු විශේෂ කරුණක්‌ කියා දෙන්නම්, කිසිම විටක නිවස ඉදිරිපිට අඹ ගස්‌ හෝ සියඹලා ගස්‌ හෝ මඩු ගස්‌ හෝ කටු සහිත ගස්‌ හෝ පතොක්‌ ගස්‌ නොසිටු විය යුතුමයි. මෙහිදී බෝගන් විලා ගස්‌ නිවස ඉදිරිපිට කිසිම විට තැබීම නොකළ යුතු වේ. ඔබගේ ගෙවත්තේ ඉඩකඩ තිබේනම්, බදාදා හෝ සෙනසුරාදා දිනයක ඔබගේ නිවසට වයඹ දිශාවෙන් ප්‍රධාන ද්වාරයට නොපෙනෙන පරිශ්‍රයක බුලත් වැලක්‌ දරුවා ලවා සිටුවන්න. මේ තුළින් දරුවාට ඇතිවන සියලු අපල උපද්‍රව සහ ඇස්වහ දෝෂ කටවහ දෝෂ ඉවත් වනු ලැබේ. එසේම එම බුලත් වැලේ ඵලදාව කිසිම දවසක මිල නොකළ යුතු අතර අසල් වැසියන්ගේ ප්‍රයෝජනය උදෙසා කැප කළ යුතු වේ. වාස්‌තු ශිල්පීය මූලධර්මයන්ට අනුකූලව ඔබගේ දරුවාගේ අධ්‍යාපන කටයුතු සාර්ථක කර ගැනීම සහ ඔවුන්ගේ විභාග ජය නියත කොටගෙන ඔබ වෙත ලබාදුන් මෙම දුර්ලභ වාස්‌තු ශිල්පීය ක්‍රම වේදයන්ගේ නිසි ඵල ප්‍රයෝජනය ලබා ගැනීමට ඔබ උනන්දු වේ යෑයි සිතමි. මීට අමතරව ඔබගේ නිවසේ බ්‍රහ්ම පාදය නිසිලෙස ආරක්‍ෂා කරගැනීම සේම නිවසේ ඊශාන සහ නිරිත දිශාවන් පොදුවේ පිරිසිදුව පවත්වා ගැනීම මෙන්ම නිවස තුළ නිසි පරිදි ආගමික වතාවත් ඉටු කොට දෙවියන්ට පින් දී දරුවන්ට ආශිර්වාද කිරීම තුළින් ඔබගේ දරුවා වන අපගේ රටේ අනාගත පරපුර බුද්ධිමත් විනය ගරුක පුරවැසියන් කිරීමට හැකි වේවි. එසේම නැතිබැරි දරුවන්ගේ අධ්‍යාපනය උදව් කිරීමට සහ අනෙකුත් දරුවන්ගේ දක්‍ෂතා දැක ඔබ සතුටුවන තරමට තමන්ගේ දරුවාගේ ද අධ්‍යාපන කටයුතු සාර්ථක වීම සහ විභාග ජය උදෙසා හේතුවන ආධ්‍යාත්මික ශක්‌තීන් වර්ධනය වන පිළිවෙත් බව මතක තබා ගත යුතුයි. ඒ සඳහා අවැසි වාස්‌තු ශිල්පීය උපදෙස්‌ ලබාදීම වාස්‌තු ශිල්පීන් ලෙස අපගේ යුතුකම වන අතර මේ දුර්ලභ වූ ඍෂි දහමෙන් ලද දැනුම නිසි ලෙස උකහාගෙන ඒවා තමන්ගේ දරුවන් වෙනුවෙන් නිසි ලෙස ආයෝජනය කොට දරුවන්ගේ අධ්‍යාපන ගමන් මඟ එලිය කොට ඔවුන්ගේ විභාග කඩඉම් සඳහා අවැසි ශක්‌තිය හා ධෛර්යය ලබාදීම දෙමව්පියන් වන ඔබ අප සැමගේම යුතුකම හා වගකීම වේ. එම යුතුකම සහ වගකීම ඉටුකරනු වස්‌ මා විසින් ඉතා මෛත්‍රී සහගතව ලබාදුන් මේ වාස්‌තු උපදෙස්‌ ඔබ සැමට දිව ඔසුවක්‌ වේවි. ලඅකුරට ඔබ වෙන්න දාස අකුර ඔබට වේවි දාසල යන පෙර දැක්‌ම ඇතිව ඔබේ දරුවාගේ අනාගතය සාර්ථක කරගැනීමට ශ්‍රී ලාංකීය සමස්‌ත සිසු පරපුර උදෙසා මෙත් සිතින් තිලිණ කරමි.
පේරාදෙණියේ ඩී.යු. සෙනරත්
උපුටා ගැනීම දිවයින පුවත් පත
